Cnidaria

Cnidaria; Temporal na saklaw: 580–0 Ma PreЄ Є O S D C P T J K Pg N Ediakarano–Kamakailan
	Chrysaora fuscescens
Klasipikasyong pang-agham
Dominyo:	Eukaryota
Kaharian:	Animalia
Klado:	ParaHoxozoa
Kalapian:	Cnidaria; Hatschek, 1888
Subphylum/Mga klase
	Anthozoa Medusozoa—jellyfish: Cubozoa Hydrozoa Scyphozoa Staurozoa Hindi nakarango, maaring hindi mga scyphozoan Myxozoa—parasito Polypodiozoa

Ang Cnidaria o Cnidariano ( /naɪˈdɛəriə/ na may hindi binibigkas o tahimik na titik c) ay isang phylum sa kahariang Animalia na naglalaman ng mahigit sa 10,000^[3] mga espesye ng mga hayop na tanging matatagpuan lamang sa mga kapaligirang pangtubig at karamihang pangdagat. Ang kanilang pangpagkakaibang tampok na katangian ay ang mga cnidocyte, espesyalisadong mga selula na pangunahing ginagamit nila para sa pagbihag ng mga mahuhuling hayop na makakain nila. Ang kanilang mga katawan ay binubuo ng mesoglea, isang sustansiyang walang buhay at tila gulaman, na nakapagitan o nakapalaman sa pagitan ng dalawang mga sapin ng epitelyum na karamihan ay isang selula ang kapal. Mayroon silang dalawang payak na anyo ng katawan: ang lumalangoy na medusae at ang mga polyp na sesilyo (hindi makagalaw at makapagpalipat-lipat), na kapwa simetrikal ang radius na may mga bibig na napapalibutan ng mga galamay (mga tentakulo) na mayroong mga cnidocyte. Ang bawat anyo o porma ay mayroong isang iisang butas sa katawan at puwang sa katawan na ginagamit para sa pagtunaw ng pagkain (dihestiyon) at respirasyon. Maraming mga espesye ng cnidaria ang lumilikha ng mga kolonya na mga organismong isahan na binubuo ng mga tila Medusa o parang polyp na sooid, o kapwa mayroon ng mga ito. Ang mga gawain ng mga cnidariano ay pinangangasiwaan o pinagtutugma-tugma ng isang hindi sentralisadong (desentralisado) lambat ng nerbiyo at payak na mga reseptor o "tagatanggap". Ilan sa mga Cubozoa at Scyphozoa na malaya ang gawi sa paglangoy ang may angking mga statocyst na nakadarama ng pagbalanse o paninimbang, at ilan ang mayroong payak na mga mata. Hindi lahat ng mga cnidaria ang nagpaparami sa seksuwal na pamamaraan. Marami sa kanila ang mayroong masasalimuot na mga ikot o siklo ng buhay na mayroong mga yugtong polyop na aseksuwal at medusae na seksuwal, subalit mayroong ilan na nilalaktawan ang yugtong polyp o kaya ang yugtong medusa.

Mga sanggunian[baguhin | baguhin ang wikitext]

↑ Ang mga klase sa Medusozoa ay nakabatay sa "The Taxonomicon - Taxon: Subphylum Medusozoa". Universal Taxonomic Services. Inarkibo mula sa ang orihinal noong 2009-03-11. Nakuha noong 2009-01-26.
↑ Ang Subphyla na Anthozoa at Medusozoa ay nakabatay sa "The Taxonomicon - Taxon: Phylum Cnidaria". Universal Taxonomic Services. Inarkibo mula sa ang orihinal noong 2007-09-29. Nakuha noong 2007-07-10.
↑ Zhang, Z.-Q. (2011). "Animal biodiversity: An introduction to higher-level classification and taxonomic richness" (PDF). Zootaxa. 3148: 7–12.

Ang lathalaing ito na tungkol sa Hayop ay isang usbong. Makatutulong ka sa Wikipedia sa pagpapalawig nito.

[1] Ang mga klase sa Medusozoa ay nakabatay sa "The Taxonomicon - Taxon: Subphylum Medusozoa". Universal Taxonomic Services. Inarkibo mula sa ang orihinal noong 2009-03-11. Nakuha noong 2009-01-26.

[subph-2] Ang Subphyla na Anthozoa at Medusozoa ay nakabatay sa "The Taxonomicon - Taxon: Phylum Cnidaria". Universal Taxonomic Services. Inarkibo mula sa ang orihinal noong 2007-09-29. Nakuha noong 2007-07-10.

[Zhang2011-3] Zhang, Z.-Q. (2011). "Animal biodiversity: An introduction to higher-level classification and taxonomic richness" (PDF). Zootaxa. 3148: 7–12.

[2]

[1]

[3]