Foro ng Roma

Mula sa Wikipedia, ang malayang ensiklopedya
Foro ng Roma
Forum Romanum (Latin)
Surviving structuresTabularium, Gemonian stairs, Tarpeian Rock, Temple of Saturn, Temple of Vespasian and Titus, Arch of Septimius Severus, Curia Julia, Rostra, Basilica Aemilia, Forum Main Square, Basilica Iulia, Temple of Caesar, Regia, Temple of Castor and Pollux, Temple of Vesta
Imperial comitiumCuria Julia, Rostra Augusti, Umbilicus Urbi, Milliarium Aureum, Lapis Niger, Basilica of Maxentius

Ang Foro o Forum ng Roma, na kilala rin sa pangalan nitong Latin na Forum Romanum (Italyano: Foro Romano), ay isang parihabang foro (plaza) na napapalibutan ng mga guho ng maraming mahahalagang sinaunang mga gusaling pampamahalaan sa gitna ng lungsod ng Roma. Ang mga mamamayan ng sinaunang lungsod ay tinukoy ang puwang na ito, na orihinal na isang pamilihan, bilang Forum Magnum, o simpleng ang Forum.

Sa loob ng maraming siglo ang Foro ay ang sentro ng pang-araw-araw na buhay sa Roma: ang lugar ng mga prusisyon ng tagumpay at halalan; ang lugar para sa mga pampublikong talumpati, mga paglilitis sa kriminal, at mga labanang gladyador; at ang ubod ng mga usaping pangkalakalan. Dito ginugunita ng mga estatwa at monumento ang mga dakilang kalalakihan ng lungsod. Ang pusod ng sinaunang Roma, tinawag itong pinaka bantog na lugar ng pagpupulong sa buong mundo, at sa buong kasaysayan.[1] Matatagpuan sa maliit na lambak sa pagitan ng mga Burol Palatino at Capitolino, ang Foro ngayon ay isang malawak na guho ng mga labing arkitektural at pook ng paulit-ulit na paghukay ng mga arkeolohiko na nakakaakit ng 4.5 milyon o higit pang mga turista taon-taon.[2]

Marami sa mga pinakaluma at pinakamahalagang estruktura ng sinaunang lungsod ay matatagpuan sa o malapit sa Foro. Ang mga pinakamaagang dambana at templo ng Kahariang Roman ay matatagpuan sa timog-silangan. Kasama rito ang sinaunang dating tirahan ng hari, ang Regia (ika-8 siglo BC), at ang Templo ng Vesta (ika-7 siglo BC), pati na rin ang nakapalibot na complex ng mga Birheng Vestal, na ang lahat ay itinayo muli pagkatapos ng pag-angat ng imperyal na Roma.

Mga sanggunian[baguhin | baguhin ang wikitext]

  1. Grant, Michael (1970), The Roman Forum, London: Weidenfeld & Nicolson; Photos by Werner Forman, p. 11.
  2. "La Stampa – La top ten dei monumenti più visti Primo il Colosseo, seconda Pompei". Lastampa.it. Nakuha noong 25 August 2014.

Mga panlabas na link[baguhin | baguhin ang wikitext]