Pumunta sa nilalaman

Nokia

Mula sa Wikipedia, ang malayang ensiklopedya
(Idinirekta mula sa Nokia 888)
Nokia Corporation
Pangalang lokal
Nokia Oyj
UriPangmadla
  • Nasdaq Helsinki: NOKIA
  • NYSE: NOK (ADR)
  • Komponenteng OMX Helsinki 25 (NOKIA)
  • Euronext Paris: NOKIA
ISINFI0009000681
Industriya
Ninunos
  • Nokia Aktiebolag
  • Suomen Kumitehdas Oy
  • Suomen Kaapelitehdas Oy
  • (bago ang pagsasanib noong 1967)
Itinatag12 Mayo 1865; 160 taon na'ng nakalipas (1865-05-12) sa Tampere, Gran Dukado ng Pinlandya
Nagtatags
  • Fredrik Idestam
  • Leo Mechelin
  • Eduard Polón
Punong-tanggapan
Espoo
,
Pinlandya
Pinaglilingkuran
Buong mundo
Pangunahing tauhan
  • Sari Baldauf (tagapangulo)
  • Justin Hotard (Pangulo & CEO)
KitaDecrease €19.22 bilyon (2024)
Kita sa operasyon
Increase €1.999 bilyon (2024)
Increase €1.284 bilyon (2024)
Kabuuang pag-aariDecrease €39.15 billion (2024)
Kabuuang equityIncrease €20.66 bilyon (2024)
Dami ng empleyado
Decrease 78,434 (2024)
Dibisyon
  • Nokia Networks
  • Nokia Technologies
Subsidiyariyo
  • Bell Labs
  • NGP Capital
  • Nuage Networks
  • Radio Frequency Systems
Websaytnokia.com
Talababa / Sanggunian
[2][3][4]

Ang Nokia Corporation[5][a] ay isang pandaigdigang kompanyang Pinlandes sa larangan ng telekomunikasyon, teknolohiyang pang-impormasyon, at elektronikong pangkonsumo, na dating itinatag bilang isang pagawaan ng sapal noong 1865. Ang pangunahing punong-tanggapan ng Nokia ay nasa Espoo, Pinlandya, sa kalakhang Helsinki,[3] subalit ang tunay na pinagmulan ng kompanya ay nasa rehiyon ng Tampere sa Pirkanmaa. Noong 2020, may tinatayang 92,000 empleyado ang Nokia[6] sa mahigit 100 bansa, nagsagawa ng kalakalan sa higit 130 bansa, at nag-ulat ng taunang kita na humigit-kumulang €23 bilyon.[4] Ang Nokia ay isang limitadong pangmadlang kumpanya na nakalista sa Nasdaq Helsinki at Pamilihang Sapi ng New York.[7] Ayon sa Pandaigdigang Fortune 500, ito ang ika-415 pinakamalaking kompanya sa mundo batay sa kita noong 2016, matapos maabot ang pinakamataas na ranggong ika-85 noong 2009.[8] Bahagi rin ito ng Euro Stoxx 50 na indeks ng pamilihang sapi.[9][10]

Tumakbo ang kompanya ay nag-ooperate sa iba't ibang industriya sa nakalipas na 150 taon. Ito ay itinatag bilang isang pabrika ng sapal at sa mahabang panahon ay naiugnay sa goma at mga kable, subalit mula noong dekada 1990 ay nakatuon na ito sa malakihang imprastruktura ng telekomunikasyon, pagpapaunlad ng teknolohiya, at paglilisensiya.[11] Malaki ang naging ambag ng Nokia sa industriya ng teleponyang pang-mobile, kabilang ang pagtulong sa pagbuo ng mga pamantayang GSM, 3G, at LTE. Sa loob ng isang dekada na nagsimula noong 1998, ang Nokia ang pinakamalaking tagapagtustos sa buong mundo ng mga teleponong selular at smartphone. Gayunman, noong huling bahagi ng dekada 2000, dumanas ang Nokia ng sunod-sunod na hindi mahusay na mga desisyon sa pamamahala, at di naglaon ay bumagsak nang matindi ang bahagi nito sa pamilihan ng teleponong selular.

Iba't ibang selpon ng Nokia noong dekada 2000

Matapos ang isang pakikipagsosyo sa Microsoft at ang mga sumunod na pagsubok ng Nokia sa pamilihan,[12][13][14] noong 2014 ay binili ng Microsoft ang negosyo ng teleponong selular ng Nokia,[15][16] at isinama ito bilang Microsoft Mobile.[17] Pagkatapos ng bentahan, nagsimulang magtuon ang Nokia nang higit sa negosyo nito sa imprastruktura ng telekomunikasyon at sa mga teknolohiya ng Internet of things (Internet ng mga bagay), na minarkahan ng pagbebenta ng Here na dibisyon ng pagmamapa at ng pagkuha sa Alcatel-Lucent, kabilang ang organisasyong pananaliksik nitong Bell Labs.[18] Sumubok din ang kumpanya sa virtual reality (birtuwal na realidad) at digital health (kalusugang diHital), na ang huli ay sa pamamagitan ng pagbili sa Withings.[19][20][21][22] Ang tatak na Nokia ay bumalik sa pamilihan ng teleponong selular at smartphone noong 2016 sa pamamagitan ng isang kasunduan sa paglilisensiya sa HMD.[23] Patuloy na nananatiling pangunahing tagapaglisensiya ng mga patente ang Nokia para sa karamihan ng malalaking tagagawa ng teleponong selular.[24] Noong 2018, ang Nokia ang ikatlong pinakamalaking tagagawa ng kagamitang pang-network sa buong mundo.[25]

Ang kompanya ay tinitingnan ng mga Pinlandes na may pambansang pagmamalaki, sapagkat ang negosyo nito sa teleponong selular ang nag-angat dito bilang pinakamalaking kompanya at tatak sa buong mundo na nagmula sa Pinlandya.[26] Sa rurok nito noong 2000, bumuo ang Nokia ng humigit-kumulang 4% ng GDP ng bansa, 21% ng kabuuang pagluwas, at 70% ng kapital ng merkado ng Nasdaq Helsinki.[27][28]60°13′30″N 24°45′22″E / 60.225°N 24.756°E / 60.225; 24.756

Mga operasyon

[baguhin | baguhin ang wikitext]

Ang Nokia ay isang julkinen osakeyhtiö (kompanyang pampubliko pinagsamang-sapi) na nakalista sa Nordikong Nasdaq/Helsinki at mga pamilihang sapi ng New York.[7] Malaki ang ginampanan ng Nokia sa ekonomiya ng Pinlandya,[29][30] at isa itong mahalagang tagapagbigay ng trabaho sa bansa, na nakikipagtulungan sa maraming lokal na katuwang at subkontratista.[31] Nag-ambag ang Nokia ng 1.6% sa GDP ng Pinlandya at bumuo ng humigit-kumulang 16% ng kabuuang panluwas ng bansa noong 2006.[32]

Binubuo ang Nokia ng dalawang pangkat ng negosyo, kasama ang iba pang mga subsidiyaryo at kaakibat na kompanya. Ang dalawang pangkat ng negosyo ng Nokia ay Nokia Networks at Nokia Technologies. Ang mga subsidiyaryo at mga kaakibat na kompanya ng Nokia ay ang Nokia Bell Labs, NGP Capital, Nuage Networks, Alacatel Mobile, HMD Global, and Alcatel Submarine Networks.

Mga gawain sa korporasyon

[baguhin | baguhin ang wikitext]

Takbo ng negosyo

[baguhin | baguhin ang wikitext]

Ang mga pangunahing takbo para sa Nokia ay ang mga sumusunod (sa pananalaping taon na nagtapos noong 31 Disyembre):[33][34][35]

Taon Kita
(€ bilyon)		 Netong kita
(€ bilyon)		 Kabuuang mga ari-arian
(€ bilyon)		 Mga empleyado
2007 51.0 7.2 37.5 112,000
2008 50.7 3.9 39.5 125,000
2009 40.9 0.89 35.7 123,000
2010 42.4 1.8 39.1 132,000
2011 38.6 −1.1 36.2 130,000
2012 30.1 −3.1 29.9 97,700
2013 12.7 −0.61 25.1 86,400
2014 12.7 3.4 21.0 57,500
2015 12.4 2.4 20.9 56,000
2016 23.6 −0.76 44.9 101,000
2017 23.1 −1.4 41.0 101,000
2018 22.5 −0.34 39.5 103,000
2019 23.3 0.007 39.1 98,300
2020 21.8 −2.5 36.1 92,000
2021 22.2 1.6 40.0 87,900
2022 24.9 4.2 42.9 86,800
2023 22.2 0.66 39.8 86,600
2024 19.2 1.2 39.1 80,300

Pamamahala ng korporasyon

[baguhin | baguhin ang wikitext]

Ang kontrol at pamamahala ng Nokia ay hinahati sa pagitan ng mga may-ari ng sapi sa isang pangkalahatang pulong at ng Pangkat ng Pamunuan ng Nokia,[36] sa ilalim ng pamumuno ng lupon ng mga direktor.[37] Ang tagapangulo at ang iba pang mga kasapi ng Pangkat ng Pamunuan ng Nokia ay itinatalaga ng lupon ng mga direktor. Tanging ang tagapangulo ng Pangkat ng Pamunuan ng Nokia lamang ang maaaring maging kasapi ng kapwa lupon ng mga direktor at ng Pangkat ng Pamunuan ng Nokia. Ang mga komite ng lupon ng mga direktor ay binubuo ng Komite ng Awdit,[38] ang Komite ng Empleyado,[39] at ang Komite sa Pamamahala at Komite ng Nominasyon.[40][41]

Ipinakilala ng Nokia ang islogan sa Pag-aanunsyo na "Connecting People" (Kinokonekta ang mga Tao) noong 1992, na nilikha ni Ove Strandberg.[42][43]

Ang Nokia ay isang pangmadlang kumpanyang may limitadong pananagutan at ang pinakamatandang kumpanyang nakatala sa ilalim ng parehong pangalan sa Pamilihang Sapi ng Helsinki, simula noong 1915.[44] Nagkaroon ang Nokia ng pangalawang listahan sa Pamilihang Sapi ng New York mula pa noong 1994.[7][44] Inalis sa listahan ang mga sapi ng Nokia mula sa Pamilihang Sapi ng London noong 2003, sa Pamilihang Sapi ng Paris noong 2004, sa Pamilihang Sapi ng Stockholm noong 2007, at sa Pamilihang Sapi ng Frankfurt noong 2012.[45] Dahil sa pagkuha sa Alcatel-Lucent noong 2015, muling inilista ng Nokia ang mga sapi nito sa Pamilihang Sapi ng Paris at isinama sa indeks na CAC 40 noong 6 Enero 2016,[46] subalit kalaunan ay inalis noong 18 Setyembre 2017.[47]

Noong 2007, ang kapitalisasyon ng merkado ng Nokia ay €110 bilyon; pagsapit ng 17 Hulyo 2012, ito ay bumaba sa €6.28 bilyon, bago muling tumaas sa €26.0 bilyon noong 23 Pebrero 2015. Ang kapitalisasyon ng merkado ng Nokia noong 2020 ay €21.76 bilyon.

Kagawian ng korporasyon

[baguhin | baguhin ang wikitext]

Ang opisyal na manipesto ng kagawian ng korporasyon ng Nokia mula pa noong dekada 1990 ay tinatawag na The Nokia Way (Ang Paraan ng Nokia).[48] Binibigyang-diin nito ang bilis at kakayahang umangkop sa paggawa ng pasya sa isang patag at naka-network na organisasyon.[49]

Ang opisyal na wika ng kalakalan ng Nokia ay Ingles. Lahat ng natala ay nakasulat sa Ingles, at ginagamit ito sa tatag na komunikasyon sa loob ng kumpanya.

Punong-tanggapan

[baguhin | baguhin ang wikitext]
Ang dating Nokia House, ang punong tanggapan ng Nokia hanggang Abril 2014. Ang gusali ay matatagpuan sa Golpo ng Pinlandya sa Keilaniemi, Espoo, at itinayo sa pagitan ng 1995 at 1997. Ito ang naging lugar ng trabaho ng mahigit 1,000 empleyado ng Nokia [44]

Matatagpuan ang Nokia sa Karaportti sa Espoo, Pinlandya, malapit sa kabisera na Helsinki. Ito ang kanilang punong-tanggapan mula pa noong 2014 matapos lumipat mula sa espesyal na itinayo na Nokia House (Bahay Nokia) sa Espoo bilang bahagi ng bentahan ng negosyo ng teleponong selular sa Microsoft.[50] Ang gusali sa Karaportti ay dating punong tanggapan ng NSN (ngayon ay Nokia Networks).[51]

  1. ↑ Nokia Oyj ang tawag sa Pinlandes, at Nokia Abp sa Suweko. NK /ˈnɒkiə/, EU /ˈnoʊkiə/, Pinlandes: [ˈnokiɑ].

Mga sanggunian

[baguhin | baguhin ang wikitext]
  1. ↑ "Contact us" (sa wikang Ingles). Nokia. Nakuha noong 17 Setyembre 2019.
  2. ↑ "Nokia Annual Report 2024 (Form 20-F)" (sa wikang Ingles). U.S. Securities and Exchange Commission. 13 Marso 2025.
  3. 1 2 "Nokia" (sa wikang Pinlandes). YTJ.fi. Inarkibo mula sa orihinal noong 10 Mayo 2013. Nakuha noong 2 Marso 2013.
  4. 1 2 "Report for Q4 and Full Year 2018" (PDF) (sa wikang Ingles). Nokia Corporation. 21 Marso 2019. Inarkibo mula sa orihinal (PDF) noong 27 Mayo 2019. Nakuha noong 28 Mayo 2019.
  5. ↑ "Articles of Association of Nokia Corporation" (PDF) (sa wikang Ingles). Nokia Corporation. Nakuha noong 8 Hunyo 2023.
  6. ↑ Morris, Iain. "Nokia has cut 11,000 jobs in effort to boost profit". Light Reading (sa wikang Ingles).
  7. 1 2 3 "Nokia – FAQ" (sa wikang Ingles). Nokia Corporation. Inarkibo mula sa orihinal noong 8 Pebrero 2009. Nakuha noong 16 Marso 2009.
  8. ↑ "Fortune Global 500 (100) – 2009 (Fortune ) – Ranking The Brands". Rankingthebrands.com (sa wikang Ingles). Nakuha noong 28 Marso 2019.
  9. ↑ "Global 500 2016". Fortune (sa wikang Ingles). 2017. Inarkibo mula sa orihinal noong 10 Mayo 2019. Nakuha noong 24 Agosto 2017.
  10. ↑ "Euro Stoxx 50". Boerse-frankfurt.de (sa wikang Ingles). Nakuha noong 24 Agosto 2017.
  11. ↑ "This is the new Nokia". The Verge (sa wikang Ingles). 18 Nobyembre 2014. Nakuha noong 23 Nobyembre 2014.
  12. ↑ "Full Text: Nokia CEO Stephen Elop's 'Burning Platform' Memo". The Wall Street Journal (sa wikang Ingles). 9 Pebrero 2011. Inarkibo mula sa orihinal noong 2011-02-11.
  13. ↑ Sampsa Kurri (2012-10-11), The story of Nokia MeeGo (sa wikang Ingles), inarkibo mula sa orihinal noong 2012-10-16
  14. ↑ Thom Holwerda (2012-10-11). "The story of Nokia's Maemo and MeeGo" (sa wikang Ingles). OS News.
  15. ↑ "Microsoft buys Nokia's Devices and Services Unit, unites Windows Phone 8 and its hardware maker". The Verge (sa wikang Ingles). 2 September 2013. Nakuha noong 3 Setyembre 2013.
  16. ↑ Ovide, Shira. "Microsoft in $7.17 Billion Deal for Nokia Cellphone Business". The Wall Street Journal (sa wikang Ingles). Nakuha noong 3 Setyembre 2013.
  17. ↑ "Microsoft closes Nokia deal, pays more than expected" (sa wikang Ingles). CNET.
  18. ↑ Coupland, Douglas. "The Ghost of Invention: A Visit to Bell Labs". Wired (sa wikang Ingles).
  19. ↑ "How Nokia reinvented itself". CNNMoney Switzerland (sa wikang Ingles). Inarkibo mula sa orihinal noong 24 Oktubre 2018. Nakuha noong 28 Marso 2019.
  20. ↑ "Nokia celebrates first day of combined operations with Alcatel-Lucent" (sa wikang Ingles). Nokia. Inarkibo mula sa orihinal noong 16 Enero 2016. Nakuha noong 15 Enero 2016.
  21. ↑ "Nokia plans to acquire Withings to accelerate entry into Digital Health" (sa wikang Ingles). 26 Abril 2016. Inarkibo mula sa orihinal noong 19 Mayo 2016. Nakuha noong 1 Hunyo 2016.
  22. ↑ Best, Jo. "'Mobile phones are our history, not our future': Nokia on where next for hardware" (sa wikang Ingles). ZDNet. Nakuha noong 28 Marso 2019.
  23. ↑ Scott Barr, Chris (18 Mayo 2016). "Microsoft sells Nokia brand use to Foxconn and HMD global" (sa wikang Ingles). SlashGear. Nakuha noong 16 Mayo 2017.
  24. ↑ "Nokia's key to success: A strong portfolio combined with aggressive licensing – Filing Analytics". Filinganalytics.io (sa wikang Ingles). Nakuha noong 28 Marso 2019.
  25. ↑ "Ericsson, Samsung gain share in network gear as ZTE slumps". Reuters.com (sa wikang Ingles). 23 Agosto 2018. Inarkibo mula sa orihinal noong 28 March 2019. Nakuha noong 28 Marso 2019.
  26. ↑ Vilpponen, Antti (4 Setyembre 2013). "Nokia: Finland mourns the demise of its proud tech heritage". The Guardian (sa wikang Ingles).
  27. ↑ Kelly, Gordon. "Finland and Nokia: an affair to remember". Wired UK (sa wikang Ingles).
  28. ↑ Bloomberg (4 Setyembre 2013). "Finland mourns loss of national icon Nokia" (sa wikang Ingles).
  29. ↑ Kapanen, Ari (24 Hulyo 2007). "Ulkomaalaiset valtaavat pörssiyhtiöitä" (sa wikang Pinlandes). Taloussanomat. Nakuha noong 14 Mayo 2008.
  30. ↑ "Nokia is no longer Finland's most valuable company" (sa wikang Ingles). phonearena.com. 4 Abril 2012.
  31. ↑ Ali-Yrkkö, Jyrki (2001). "The role of Nokia in the Finnish Economy" (PDF) (sa wikang Ingles). ETLA (The Research Institute of the Finnish Economy). Inarkibo mula sa orihinal (PDF) noong 24 Oktubre 2007. Nakuha noong 21 Marso 2009.
  32. ↑ Ali-Yrkkö, Jyrki (2010). "NOKIA AND FINLAND IN A SEA OF CHANGE" (PDF) (sa wikang Ingles). ETLA – Research Institute of the Finnish Economy. Inarkibo mula sa orihinal (PDF) noong 25 Abril 2012. Nakuha noong 12 Nobyembre 2011.
  33. ↑ "Nokia Fundamentalanalyse | KGV | Kennzahlen". boerse.de (sa wikang Aleman). Nakuha noong 2024-07-22.
  34. ↑ "Nokia Key Figures 2007-2014" (sa wikang Ingles). 2016-01-04. Inarkibo mula sa orihinal noong 4 Enero 2016. Nakuha noong 2024-07-22.
  35. ↑ "Nokia Key Figures 2013-2020" (sa wikang Ingles). 2022-06-27. Inarkibo mula sa orihinal noong 27 Hunyo 2022. Nakuha noong 2024-07-22.
  36. ↑ "Nokia Group Leadership Team" (sa wikang Ingles). Nokia Corporation. Mayo 2015. Inarkibo mula sa orihinal noong 1 Mayo 2014. Nakuha noong 1 Abril 2015.
  37. ↑ "Meet the Board" (sa wikang Ingles). Nokia Corporation. 2015. Nakuha noong 29 Mayo 2020.
  38. ↑ "Audit Committee Charter at Nokia" (PDF) (sa wikang Ingles). Nokia Corporation. 2007. Inarkibo mula sa orihinal (PDF) noong 28 Mayo 2008. Nakuha noong 14 Mayo 2008.
  39. ↑ "Personnel Committee Charter at Nokia" (PDF) (sa wikang Ingles). Nokia Corporation. 2007. Inarkibo mula sa orihinal (PDF) noong 28 Mayo 2008. Nakuha noong 14 Mayo 2008.
  40. ↑ "Corporate Governance and Nomination Committee Charter at Nokia" (PDF) (sa wikang Ingles). Nokia Corporation. 2008. Inarkibo mula sa orihinal (PDF) noong 28 Mayo 2008. Nakuha noong 14 Mayo 2008.
  41. ↑ "Committees of the Board" (sa wikang Ingles). Nokia Corporation. Mayo 2007. Nakuha noong 14 Mayo 2008.
  42. ↑ "Articles of Association of Nokia Corporation" (PDF) (sa wikang Ingles). Nokia Corporation. Nakuha noong 8 Hunyo 2023.
  43. ↑ Morris, Iain. "Nokia has cut 11,000 jobs in effort to boost profit". Light Reading (sa wikang Ingles).
  44. 1 2 3 "Nokia – Towards Telecommunications" (PDF) (sa wikang Ingles). Nokia Corporation. Agosto 2000. Inarkibo mula sa orihinal (PDF) noong 10 Hulyo 2009. Nakuha noong 5 Hunyo 2008.
  45. ↑ "Nokia applies for delisting from the Frankfurt Stock Exchange" (sa wikang Ingles). marketwired.com. 24 Nobyembre 2011. Inarkibo mula sa orihinal noong 1 Disyembre 2017. Nakuha noong 24 Nobyembre 2017.
  46. ↑ "Nokia announces settlement of its public exchange offer for Alcatel-Lucent securities, the registration of new shares and its inclusion in the CAC 40 index". Globenewswire.com (Pahayag para sa midya) (sa wikang Ingles). 7 Enero 2016. Nakuha noong 1 Hunyo 2016.
  47. ↑ "Euronext to remove Nokia from CAC 40 index, include STMicroelectronics". Reuters.com (sa wikang Ingles). Reuters. 7 Setyembre 2017.
  48. ↑ "Newsletter" (PDF). Faculty.fuqua.duke.edu (sa wikang Ingles). Inarkibo mula sa orihinal (PDF) noong 6 Disyembre 2020. Nakuha noong 14 Marso 2018.
  49. ↑ "Nokia Way and values" (sa wikang Ingles). Nokia Corporation. Inarkibo mula sa orihinal noong 13 Mayo 2008. Nakuha noong 14 Mayo 2008.
  50. ↑ "Nokia House now has Microsoft Branding" (sa wikang Ingles). UnleashThePhones. Inarkibo mula sa orihinal noong 25 Mayo 2014.
  51. ↑ "Contact" (sa wikang Ingles). Nokia. Inarkibo mula sa orihinal noong 25 Marso 2015. Nakuha noong 18 Marso 2015.
Nagmula sa "https://tl.wikipedia.org/w/index.php?title=Nokia&oldid=2190111"