Abenida Padre Burgos

Mula sa Wikipedia, ang malayang ensiklopedya
(Idinirekta mula sa Padre Burgos Avenue)

Abenida Padre Burgos
Padre Burgos Avenue
Abenida Padre Burgos pasilangan sa Ermita, Maynila, kasama ang Pambansang Museo ng Sining sa kanan at Gusaling Panlungsod ng Maynila sa kalayuan.
Impormasyon sa ruta
Haba1.5 km[1] (0.9 mi)
Bahagi ng
  • C-1 C-1 (mula Finance Drive hanggang Bulebar Roxas at Daang Bonifacio)
  • N150
  • N170 (mula Abenida Taft hanggang Tulay ng Quezon)
Pangunahing daanan
Dulo sa hilagamga sangandaan ng mga Tulay ng MacArthur, Jones, at Quezon sa Ermita
 
Dulo sa timog N120 / AH26 (Daang Bonifacio at Bulebar Roxas) sa Ermita
Sistema ng mga daan
Mga daanan sa Pilipinas

Ang Abenida Padre Burgos (Ingles: Padre Burgos Avenue) ay isang mahalagang lansangan ng Maynila, ang kabisera ng Pilipinas, na may labing-apat na linya at haba na 1.5 kilometro (0.93 milya).[2] Nasa pusod ng lungsod ang lansangan na nagbibigay-daan patungo ng ilang mga mahahalagang lansangan tulad ng Abenida Taft, Abenida Rizal, Bulebar Roxas, at Bulebar Quezon. Nagbibigay rin ito ng daan patungong Gusaling Panlungsod ng Maynila, Liwasang Rizal, at Intramuros.

Nagsisimula ito sa katimugang dalampasigan ng Ilog Pasig sa may Liwasang Bonifacio, kung saan nagtatagpo ang mga tulay ng MacArthur (patungong Abenida Rizal), Jones (patungong Daang Quintin Paredes/Binondo), at Quezon (patungong Quiapo at Bulebar Quezon/Espanya). Pagdaan sa harapan ng Munisipyo, hahati sa dalawa ang Abenida Padre Burgos–Abenida Taft (sa pamamagitan ng Lagusang Lagusnilad, patungong Ermita, Malate, at Pasay) at Ekstensyong Padre Burgos (patungong Bulebar Roxas sa kanluran, kung saan ito nagtatapos).

Itinakdang bahagi ng Daang Palibot Blg. 1 (C-1) ang bahagi ng abenida mula Kalye Pananalapi (Finance Drive) hanggang Bulebar Roxas. Isa ring bahagi ng sistema ng lansangang bayan sa Pilipinas ang abenida: ang bahaging mula Tulay ng Quezon hanggang Abenida Taft ay itinakdang bahagi ng N170, habang bahagi naman ng N150 ang nalalabing bahagi ng abenida patungong Bulebar Roxas.

Hinango ang pangalan ng lansangan mula kay Jose Burgos, isa sa mga tatlong paring martir (na tinaguriang GOMBURZA). Ang bahaging C-1/N150 ng lansangan ay dating tinawag na Calle Bagumbayan.

Tingnan din[baguhin | baguhin ang wikitext]

Mga sanggunian[baguhin | baguhin ang wikitext]

  1. "Padre Burgos Avenue southbound". Google Maps. Google. Nakuha noong 13 Disyembre 2015.
  2. "Padre Burgos Avenue southbound". Google Maps. Google. Nakuha noong 13 Disyembre 2015.

Mga koordinado: 14°35′21″N 120°58′50″E / 14.58917°N 120.98056°E / 14.58917; 120.98056