Pumunta sa nilalaman

Hati sa dibdib

Mula sa Wikipedia, ang malayang ensiklopedya
(Idinirekta mula sa Pagitan ng suso)
Suzanne Valadon, larawang ipininta ni Renoir, 1885. Ipinakikita sa larawang ito ang anyo o hubog ng hati sa pagitan ng dalawang mga suso ng isang babae mula sa pagtanaw na patagilid.
Ang erotikang artistang Amerikano na si Aria Giovanni na nagpapakita ng hati sa pagitan ng dibdib.

Ang hati sa pagitan ng dibdib (Ingles: cleavage, literal na "kahatiang nakabuka", mula sa cleave, "buksan sa pamamagitan ng paghati" o "ibuka sa pamamagitan ng paghati"[1]) ay ang biyak o gatla sa gitna ng mga suso ng isang babae na nakahimlay sa ibabaw ng isternum, na ipinapakita o pinalilitaw ng isang kasuotan na may mababang "leeg" o mababang butas na pangleeg ng isang baro. Kaugnay ito ng mababang gupit sa damit ng mga kababaihan, katulad ng pormal na mahabang damit o balintawak, damit panglangoy o damit pangligo, mga pang-itaas na kasuotang pangkasuwal, at iba pang mga kasuotang dinisenyo upang mabigyang-diin ang pagpapansin sa mga suso.

Ang itaas na bahagi ng hati sa dibdib ay maaaring higit na mabigyang-diin ng pananamit tulad ng mababang bukas na kuwelyo na naglalantad sa paghahating ito, at kadalasan ay ginagamit ang termino upang ilarawan ang mismong mababang hiwa ng kuwelyo, sa halip na ang terminong décolletage. Si Joseph Breen, ang pinuno ng Production Code Administration (o Pamamahala ng Kodigong Pamproduksyon) ng industriya ng pelikula sa Estados Unidos, ang nagpanukala ng termino sa kasalukuyang kahulugan nito habang sinusuri ang pelikulang The Outlaw noong 1943 na pinagbidahan ni Jane Russell. Ipinaliwanag ang termino sa magasin na Time noong Agosto 5, 1946. Pinakakaraniwan itong ginagamit sa wika ng Kanluraning moda ng kababaihan upang tukuyin ang mga hiwa ng kuwelyo na naglalantad o nagbibigay-diin sa décolletage (pagpapakita ng itaas na bahagi ng dibdib).

May ilang mga taong tumuturing sa paggamit ng hati sa pagitan ng mga dibdib bilang isang anyo ng pambabaeng ligaw-biro o pang-uupat sa loob ng hangganan ng pamayanan, pangkat ng mga taong kaalinsabay o kauri, at personal na mga pamantayan ng kayumian, pati na para sa epektong estetiko at erotiko nito. Maraming mga babae ang gumagamit ng pagitan ng mga dibdib upang dagdagan o pag-igihin ang kanilang pagiging kaakit-akit o kariktang seksuwal. May ilang mga taong nakakaramdam ng kasiyahang erotiko mula sa pagtingin sa pagitan ng mga suso ng isang babae, may ilan namang nasisiyahan mula sa paglalantad ng pagitan ng mga suso ng kanilang kaparehang babae, at may ilang mga babaeng nagpapakita ng pagitan ng kanilang mga suso para sa kasiyahan ng kanilang mga katambal.

Tipolohiya

[baguhin | baguhin ang wikitext]
Hati sa dibdib ng isang babae

Bagaman maraming pag-aaral na ang naisagawa upang uriin ang mga dibdib batay sa kanilang mga hugis, kurba, at laki, kakaunti pa rin ang naisagawang pananaliksik upang uriin ang hati sa dibdib,[2][3] sa kabila ng pagiging mahalaga nito sa pagtukoy ng kaanyuang estetiko.[3][4]

Kultura

[baguhin | baguhin ang wikitext]

Sa karamihan ng mga kultura, karaniwang itinuturing ng kalalakihan na kaakit-akit ang dibdib ng kababaihan.[5][6][7][8] Minsan ay gumagamit ang mga babae ng décolletage na naglalantad ng hati sa dibdib upang mapahusay ang kanilang kakitang pisikal at seksuwal, at upang mapalakas ang kanilang pakiramdam ng pagiging babae. Ang pagpapakita ng hati sa dibdib sa pamamagitan ng mababang hiwa ng kuwelyo ay madalas ituring na isang anyo ng pakikipaglandian o panunukso, bukod pa sa estetiko o erotikong epekto nito. Ayon sa Kinsey Reports, karamihan sa mga lalaki ay nakararamdam ng erotikong kasiyahan sa pagtingin sa hati sa dibdib ng isang babae.[9] Sa pagdidisenyo ng mga kasuotan, ang paglikha ng mga hugis na humihila ng pansin sa mukha o sa dibdib ay nakatutulong upang mailihis ang tingin mula sa mga bahagi ng katawan na itinuturing na hindi gaanong kaaya-aya.[10] Ang mga lalaking nagko-cross-dress (o pagbibihis kabaligtaran sa kasarian) at mga babaeng trans ay madalas ding nagnanais ng anyong-hating-dibdib na kahawig ng sa babae upang magmukhang mas pambabae ang kanilang katawan. Ang kapani-paniwalang hati sa dibdib ay maaaring maglihis ng pansin mula sa mga aspektong hindi gaanong pambabae ng anyo at mapabuti ang kakayahang makapasa o mapagkamalang babae.[11][12]

Isang modelo ang nakasuot ng damit-gabing may mababang hati sa dibdib o décolleté sa isang palabas ng moda.
Si Parvathy Omanakuttan na nakasuot ng sari na may mababang hati sa dibdib o décolleté sa isang palabas ng moda.
Si Janine Gutierrez na may kasuotang na may mababang hati sa dibdib o décolleté sa ika-81 Internasyunal na Pistang Pelikula ng Venecia

Malaki ang pagkakaiba-iba sa pagitan ng mga kultura at lipunan hinggil sa antas ng pagpapakita ng hati sa dibdib na katanggap-tanggap sa publiko.[13] Sa kontemporaryong lipunang Kanluranin, ang lawak ng pagpapakita ng dibdib ng isang babae ay nakadepende sa panlipunan at kultural na konteksto. Ang pagpapakita ng alinmang bahagi ng dibdib ng babae ay maaaring ituring na hindi naaangkop at maaaring ipagbawal sa ilang itinuturing na sensitibong lugar, gaya ng mga lugar ng trabaho, simbahan, at paaralan, samantalang sa ibang espasyo tulad ng mga salu-salo, dalampasigan, at mga palanguyan, maaari namang pahintulutan ang mas malawak na pagpapakita ng hati sa dibdib.[14][15] Napansin ng historyador ng sining na si James Laver na ang nagbabagong pamantayan hinggil sa hati sa dibdib ay karaniwang mas naaangkop sa kasuotang panggabi kaysa sa kasuotang pang-araw. Ang paglalantad ng mga utong at bilutong ay halos palaging itinuturing na malaswa at, sa ilang pagkakataon, ay itinuturing na lantad na kahubaran.[16]

Mga kontrobersiya

[baguhin | baguhin ang wikitext]

Sa kabila ng mahabang kasaysayan nito, nananatiling kontrobersyal ang pagpapakita ng hati sa dibdib.[17] Iniulat ng magasin ng kababaihan sa UK na Stylist noong 2017 at ng pahayagang Indiyano na Mid-Day noong 2019 na laganap ang “cleavage shaming” (o pagpapahiya sa nagpapakita ng hati sa dibdib) sa balita at sa hatirang pangmadla.[18][19] Ang mga aktres ng Bollywood na sina Disha Patani, Deepika Padukone, Priyanka Chopra, Nargis Fakhri, at iba pa ay na-troll at pinahiya dahil sa pagsusuot ng mga kasuotang naglalantad ng hati sa dibdib sa hatirang pangmadla at pangunahing balita, kabilang na sa The Times of India.[20] Naging pambihira rin ang atensiyong ibinigay ng midya nang magsuot ng mga kasuotang naglalantad ng hati sa dibdib ang mga politiko na sina Angela Merkel, Hillary Clinton, at Jacqui Smith, maging mula sa mga pahayagang The Washington Post at The New York Times.[21][22][23]

Mga sanggunian

[baguhin | baguhin ang wikitext]
  1. ↑ "Cleave, cleavage". Hammond Quick & Easy Notebook Reference Atlas & Webster Dictionary. Hammond, ISBN 0843709227., pahina 45.
  2. ↑ D. v. Heimburg; K. Exner; G. Lemperle (1996). "The tuberous breast deformity: classification and treatment". British Journal of Plastic Surgery (sa wikang Ingles). 49 (6): 339–345. doi:10.1016/S0007-1226(96)90000-4. PMID 8881778.
  3. 1 2 Muhammad Adil Abbas Khan; Ammar Asrar Javed; Nigel Mercer (15 January 2016). "Cleavage classification: categorizing a vital feminine aesthetic landmark". Plastic and Aesthetic Research. 3 (1): 36. doi:10.20517/2347-9264.2015.84.
  4. ↑ Adam R. Kolker; Meredith S. Collins (2015). "Treatment Strategy for Improving Consistency in Aesthetic Correction". Plastic and Reconstructive Surgery (sa wikang Ingles). 136 (2): 269e–270e. doi:10.1097/PRS.0000000000001429. PMID 25909297. S2CID 22386643.
  5. ↑ Buss, David (2019). "Men's Long-Term Mating Strategies". Evolutionary Psychology: The New Science of the Mind (sa wikang Ingles) (ika-6 (na) labas). Routledge. ISBN 978-0429590061.
  6. ↑ Jan Havlíček; Vít Třebický; Jaroslava Varella Valentova; Karel Kleisner; Robert Mbe Akoko; Jitka Fialová; Rosina Jash; Tomáš Kočnar; Kamila Janaina Pereira; Zuzana Štěrbová; Marco Antonio Correa Varella; Jana Vokurková; Ernest Vunan; S Craig Roberts (2017). "Men's preferences for women's breast size and shape in four cultures" (PDF). Evolution and Human Behavior (sa wikang Ingles). 38 (2): 217–226. Bibcode:2017EHumB..38..217H. doi:10.1016/j.evolhumbehav.2016.10.002. hdl:1893/24421.
  7. ↑ Barnaby J Dixson; Paul L Vasey; Katayo Sagata; Nokuthaba Sibanda; Wayne L Linklater; Alan F Dixson (2011). "Men's preferences for women's breast morphology in New Zealand, Samoa, and Papua New Guinea". Archives of Sexual Behavior (sa wikang Ingles). 40 (6): 1271–1279. doi:10.1007/s10508-010-9680-6. PMID 20862533. S2CID 34125295.
  8. ↑ Frank W. Marlowe (2004). "Mate preferences among Hadza hunter-gatherers" (PDF). Human Nature (sa wikang Ingles). 15 (4): 365–376. doi:10.1007/s12110-004-1014-8. PMID 26189412. S2CID 9584357. Inarkibo mula sa orihinal (PDF) noong 2019-12-14. Nakuha noong 2026-01-02.
  9. ↑ Alfred C. Kinsey; Wardell B. Pomeroy; Clyde E. Martin (1948). Sexual Behaviour in the Human Male (sa wikang Ingles). Saunders. ISBN 978-0253334121.
  10. ↑ Cole, Holly; Burke, Kristin (2005). Costuming for Film: The Art and the Craft (sa wikang Ingles). Silman-James Press. p. 81. ISBN 978-1879505803.
  11. ↑ "Creating Cleavage". Male Breast Enlargement (sa wikang Ingles). 2007. Inarkibo mula sa orihinal noong 2007-10-17.
  12. ↑ Boyd, Helen (2007). She's Not the Man I Married: My Life with a Transgender Husband (sa wikang Ingles). Basic Books. p. 126. ISBN 978-1580051934.
  13. ↑ Salmansohn, Karen (Oktubre 29, 2007). "The Power of Cleavage". The Huffington Post (sa wikang Ingles).
  14. ↑ Leder, D. (1992). The Body in Medical Thought and Practice (sa wikang Ingles). Springer Science+Business Media. p. 223. ISBN 978-0792316572.
  15. ↑ Stuart Macadam, Patricia; Dettwyler, Katherine A. (1995). Breastfeeding: Biocultural Perspectives (sa wikang Ingles). Routledge. p. 175. ISBN 978-0202011929.
  16. ↑ Leder, D. (1992). The Body in Medical Thought and Practice (sa wikang Ingles). Springer Science+Business Media. p. 223. ISBN 978-0792316572.
  17. ↑ Stinson, Lashonda (2007-08-03). "Cleavage seems to be spilling over into everyday fashion". Ocala StarBanner (sa wikang Ingles).
  18. ↑ Dray, Kayleigh (2017). "Susanna Reid's absolutely flawless response to "cleavage-shaming" headlines". Stylist (sa wikang Ingles).
  19. ↑ Shiware, Shweta (2019-11-10). "To Show And Tell". Mid-Day (sa wikang Ingles).
  20. ↑
  21. ↑ "Merkel 'Surprised' by Attention to Low-cut Dress". Der Spiegel (sa wikang Ingles). 15 Abril 2008.
  22. ↑ "Angela Merkel Raises Eyebrows with Cleavage Display" (sa wikang Ingles). Deutsche Welle. 15 Abril 2008.
  23. ↑ Palmer, Barbara; Simon, Dennis (2010). Breaking the Political Glass Ceiling: Women and Congressional Elections (sa wikang Ingles). Routledge. p. 138. ISBN 978-1135891756.
Nagmula sa "https://tl.wikipedia.org/w/index.php?title=Hati_sa_dibdib&oldid=2191229"