Parirami

Biswal na pagpapakita sa proseso ng parirami. Ipinapakita rito ang ekspresyong

x 2

(isinusulat din na

x \times x

). Katumbas ng 1 ang bawat blokeng makikita rito, at kung bibilangin ay aabot sa 25.

Sa matematika, ang parirami^[1]^[2] (Ingles: square) o kuwadrado (mula Kastila: cuadrado, "parisukat") ay ang resulta ng pagpaparami sa isang bilang gamit ang sarili niya. Isinusulat ito sa anyong $x 2$ , kung saan ang $x$ ay ang bilang na paparamihin. Isinusulat rin ito sa anyong pinalawig: $x \times x$ . Parehas lang ang parirami sa proseso ng pagpapalakas ng bilang sa ikalawang antas.

Ang parirami ng isang buumbilang ay tinatawag ring kuwadradong bilang (Ingles: square number) o perpektong parirami (Ingles: perfect square). Sa alhebra, malimit na ginagamit ang parirami di lamang sa mga bilang kundi maging sa mga damikay (Ingles: polynomial) at iba pang mga ekspresyon o halaga. Halimbawa, ang parirami ng linyar na damikay na $x + 1$ ay ang kwadratikong damikay na $(x + 1) 2 = x 2 + 2 x + 1$ .

Isa sa mga pinakamahahalagang katangian ng parirami ay ang pagkakapareho ng parirami ng $x$ sa kabaligtarang pandagdag na $- x$ . Ibig sabihin, sumasakto ito sa identidad na $x 2 = (- x) 2$ . Maaari rin itong tingnan bilang isang tukol na bunin.

Sanggunian[baguhin | baguhin ang wikitext]

↑ "parirami": Del Rosario, Gonsalo (1969). Salcedo, Juan (pat.). Maugnaying Talasalitaang Pang-agham Ingles-Pilipino (sa wikang Filipino). Maynila, Pilipinas: Lupon sa Agham.
↑ "parirami". Tagalog Dictionary (sa wikang Ingles). Nakuha noong Marso 31, 2021.

Ang lathalaing ito na tungkol sa Matematika ay isang usbong. Makatutulong ka sa Wikipedia sa pagpapalawig nito.

[1] "parirami": Del Rosario, Gonsalo (1969). Salcedo, Juan (pat.). Maugnaying Talasalitaang Pang-agham Ingles-Pilipino (sa wikang Filipino). Maynila, Pilipinas: Lupon sa Agham.

[2] "parirami". Tagalog Dictionary (sa wikang Ingles). Nakuha noong Marso 31, 2021.

[1]

[2]