Pumunta sa nilalaman

Korporasyon sa Segurong Pangkalusugan ng Pilipinas

Mula sa Wikipedia, ang malayang ensiklopedya
Korporasyon sa Segurong Pangkalusugan ng Pilipinas
UriKorporasyong pag-aari at kontrolado ng pamahalaan
IndustriyaSeguro
Itinatag5 Pebrero 1915; 111 taon na'ng nakalipas (1915-02-05)
5 Pebrero 1995; 31 taon na'ng nakalipas (1995-02-05)
Punong-tanggapan
Citystate Centre, 709 Bulebar Shaw, Oranbo, Pasig
Pinaglilingkuran
Philippines
Pangunahing tauhan
Hon. Teodoro “Ted” Herbosa (Tagapangulo)
Edwin M. Mercado[1] (Pangulo at CEO)
SerbisyoSegurong pangkalusugan, Pangkalahatang saklaw sa kalusugan
Decrease ₱148.3 bilyon [2] (2022)
May-ariKagawaran ng Kalusugan
Websaytphilhealth.gov.ph

Ang Korporasyon sa Segurong Pangkalusugan ng Pilipinas[3] (PhilHealth; Ingles: Philippine Health Insurance Corporation) ay isang di-binubuwisang korporasyong pag-aari at kontrolado ng pamahalaan (GOCC) ng Pilipinas na nagbibigay ng segurong pangkalusugan sa buong bansa. Ito ay itinatag noong 1995 upang ipatupad ang pangkalahatang saklaw sa kalusugan ng Pilipinas, at nakalakip sa Kagawaran ng Kalusugan. Noong Agosto 4, 1969, nilagdaan ni Pangulong Ferdinand E. Marcos ang Batas Republika Blg. 6111 o ang Philippine Medical Care Act of 1969, na ipinatupad noong Agosto 1971.

Ang nakasaad nitong layunin ay "siguraduhin ang isang napapanatiling pambansang programa sa segurong pangkalusugan para sa lahat," ayon sa kompanya.[4] Noong 2010, inaangkin nitong naabot na nito ang "panlahatang" saklaw sa 86% ng populasyon, bagama't ipinakita ng Pambansang Demograpikong Surbey ng 2008 na 38 porsiyento lamang ng mga katugon ang nakakaalam ng kahit isang miyembro ng sambahayan na naka-enrol sa PhilHealth.[5] Gayunpaman, ang programa ng panlipunang seguro na ito ay nagbibigay ng paraan upang ang mga malulusog ay makatulong sa pagbayad para sa pag-aalaga sa mga may sakit, at upang ang may kakayahang magbayad para sa pangangalagang medikal ay makasuporta sa mga hindi kayang tustusan ito.

Gumagana ang sistema sa pamamagitan ng pagbabayad ng mga indibidwal na may kakayahang magbayad ng buwanan, tatluhang-buwanan, o taunang hulog sa PhilHealth para sa kanilang segurong pangkalusugan. Ang halagang kanilang binabayaran ay nakabatay sa kanilang katayuan sa trabaho at sahod. Ang mga indibidwal na hindi kayang maghulog ng pera, tulad ng mga mahihirap, ay tinutustusan ng alinman sa pambansang o lokal na pamahalaan.[6][7]

Mga sanggunian

[baguhin | baguhin ang wikitext]
  1. ↑ "Mercado is new PhilHealth President & CEO" [Mercado, ang bagong Pangulo & CEO ng PhilHealth] (sa wikang Ingles). Nakuha noong Pebrero 4, 2025.
  2. ↑ "PhilHealth Annual Report 2022" [Taunang Ulat ng PhilHealth 2022] (PDF) (Pahayag para sa midya) (sa wikang Ingles). Nakuha noong Enero 7, 2025.[patay na link]
  3. ↑ Narvaez, Eilene Antoinette; Macaranas, Edgardo, mga pat. (2013). Mga Pangalan ng Tanggapan ng Pamahalaan sa Filipino (PDF) (sa wikang Filipino) (ika-2013 (na) labas). Komisyon sa Wikang Filipino. p. 6. ISBN 978-971-0197-22-4. Inarkibo (PDF) mula sa orihinal noong Marso 29, 2017. Nakuha noong Oktubre 26, 2024.
  4. ↑ "R.A. 7875 – An Act Instituting a National Health Insurance Program for All Filipinos and Establishing the Philippine Health Insurance Corporation for the Purpose" [B.R. 7875 – Isang Batas na Nagtatatag ng Pambansang Programa ng Segurong Pangkalusugan para sa Lahat ng Pilipino at Nagtatatag ng Korporasyon sa Segurong Pangkalusugan ng Pilipinas para sa Layunin] (PDF) (sa wikang Ingles). Inarkibo mula sa orihinal (PDF) noong Setyembre 4, 2011. Nakuha noong Hulyo 6, 2011.
  5. ↑ Niel Lim, INCITEGov and VERA Files. "'Conservative' and 'sluggish' PhilHealth misses healthcare target" ['Konserbatibo' at 'matamlay' na PhilHealth, nakaligtaan ang target sa pangangalagang pangkalusugan]. GMA News (sa wikang Ingles). Nakuha noong Hulyo 6, 2011.
  6. ↑ Balana, Cynthia (Setyembre 29, 2010). "PhilHealth doubles premiums" [PhilHealth, dinoble ang hulog]. Philippine Daily Inquirer (sa wikang Ingles). Inarkibo mula sa orihinal noong Oktubre 1, 2010. Nakuha noong Mayo 6, 2011.
  7. ↑ "PREMIUM SUBSIDY FOR INDIGENTS UNDER THE NATIONAL HEALTH INSURANCE PROGRAM" [SUBSIDYO NG HUHULUGAN PARA SA MGA MAHIHIRAP SA ILALIM NG PAMBANSANG PROGRAMA NG SEGURONG PANGKALUSUGAN] (PDF) (sa wikang Ingles). Kagawaran ng Badyet at Pamamahala. Inarkibo mula sa orihinal (PDF) noong Setyembre 28, 2011. Nakuha noong Mayo 6, 2011.
Nagmula sa "https://tl.wikipedia.org/w/index.php?title=Korporasyon_sa_Segurong_Pangkalusugan_ng_Pilipinas&oldid=2172700"