Pinsan

Mula sa Wikipedia, ang malayang ensiklopedya

Ang pinsan ay isang taong itinuturing na kamag-anak, partikular na ang ugnayan o pagiging magkadugo dahil sa pinagmulang lola, lolo, o ninuno. Samakatuwid, magkakamag-anak o tuwiran at hindi tuwirang mga apo ito ng lolo at lola. Ito ang ugnayan o relasyon ng mga anak ng mga magkakapatid na nagmula sa kanilang mga magulang (ama at ina; tatay at nanay; itay at inay). Tinatawag na primo (mula sa Kastila) ang pinsang lalaki, samantalang prima naman ang pinsang babae.[1] Pinsang buo[2] ang tawag sa ugnayan ng mga anak ng magkakapatid. Pinsang-makalawa o Makalawang pinsan o pinsang-pangalawa ang ugnayan sa pagitan ng naging mga anak ng anak ng magkapatid na mga lola, mga lolo, o mga lola't lolo. Sa mga pahina ng Bibliya, may pagkakataong ginagamit ang katagang "kapatid" na ang tunay na ibig sabihin ay "pinsan".[3]

Sanggunian[baguhin | baguhin ang wikitext]

  1. Gaboy, Luciano L. Cousin - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. English, Leo James (1977). "Pinsan, cousin, pinsang-buo o first cousin, pinsang-makalawa at pinsang-pangalawa o second cousin". Tagalog-English Dictionary (sa Ingles). Congregation of the Most Holy Redeemer. ISBN 9710810731., pahina 1047.
  3. Abriol, Jose C. (2000). "Kapatid, pinsan". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 1699.

Pamilya Ang lathalaing ito na tungkol sa Sosyolohiya ay isang usbong. Makatutulong ka sa Wikipedia sa pagpapalawig nito.