Pornograpiya at kalibugan sa Pilipinas

Mula sa Wikipedia, ang malayang ensiklopedya
Jump to navigation Jump to search

Ang pornograpiya sa Pilipinas ay sinasaad sa batas ng Pilipinas sa Revised Penal Code of the Philippines at Batas Republika Blg. 7610. Ayon sa batas na ito, ang pornograpiya ay ipinagbabawal na doktrina, publikasyon, palabas, at iba pang mga katulad na materyal o paglalarawan na nagpapakita ng imoralidad, kalaswaan, at kalibugan . Pinarurusahan ng mga batas na ito ang mga indibidwal na lumalahok sa mga ipinagbabawal na aktibidad na ito. Ang kaparusahan ay laganap din sa mga taong patagong nagpapatuloy ng pang- aabuso, pananamantala, prostitusyon, at diskriminasyon sa mga bata . [1]

Kasaysayan[baguhin | baguhin ang batayan]

Ang mga kagamitan at larawan sa pornograpiya ay unang dumating sa Pilipinas noong 1946, sa anyo ng mga pornograpikong magasin na iniimbak at dinadala mula sa Estados Unidos . Noong dekada 1960, ang mga magasin para sa mga kababaihan sa Pilipinas ay nagtatampok ng mga artikulong pampanitikan na naglalaman ng mga paksa tulad ng pagpapapigil sa pagbubuntis, kalusugang sekswal, kasal, kalibugan at kalayaang sekswal na may layuning mapabuti ang relasyon sa pag-aasawa, at hindi bilang hadlang o kapalit sa romantiko o naaangkop na sekswalidad na mayroon ang tao.

Sa dekada ring ito, ang pornograpiya ay naging madaling ipasakamay ng mga interesadong mayayaman na tao na may edad na para sa relasyon. Maaaring mapanood ang mga ito sa pamamagitan ng mga maliliit na projector, bago ipakilala ang mga mas abot-kayang videocassette. Bagaman labag sa batas, ang mga lokal na tindahan na nagpapa-arkila ng mga bidyo ay naging pangunahing pinagkukunan ng mga ipinagbibili at nirerentang mga pornograpikong materyales. Ang mga lokal na nagawang pornograpiko at erotikong midya sa Pilipinas ay sumikat at maaaring makuha sa iba't ibang paraan at anyo . Ang kauna-unahang pornograpikong pelikula na gawa sa Pilipinas ay lumitaw noong dekada 1970, na pinamagatang Uhaw ( nangangahulugang "sekswal na kagutuman" o "pagnanasang sekswal"), isang pelikula kung saan ang nangungunang papel ay ginampanan ng isang babae at dating beauty pageant queen ng Pilipinas na si Merle Fernandez, ang nakatatandang kapatid ng aktor na si Rudy Fernandez . Ang mga sariling-gawa na bidyo at hindi magandang kalidad na pagtatalik nang hardcore na nakatuon sa sekswal na mga pelikula ay lumitaw din kalaunan, bago dumating ang mga CD, VCD, DVD, [2] telebisyon, [3] serbisyong pang-liham at Internet iba pa.

Industriya at merkado ng pornograpiya[baguhin | baguhin ang batayan]

Si Syren, isang pornograpikong aktres mula sa Pilipinas

Ayon sa ulat ng American Chronicle noong Mayo 30, 2009, ang patagong industriya ng pornograpiyang Pilipino ay kumita ng humigit-kumulang na $ 1 bilyong dolyar noong 2006, na naglalagay sa iligal na merkado ng pornograpiyang pilipino sa ikawalong puwesto sa buong mundo, na nakaugnay sa Canada at Taiwan . Ang mga gumagawa ng pelikula sa pornograpiya ay mayroong tanggapan sa Angeles sa Pampanga, Olongapo sa Zambales, Lungsod ng Maynila, Pasay, Makati, at Lungsod ng Quezon, kung saan madalas ang pagtanggap at pagganap ng mga patutot na babae at lalaki upang gampanan ang sekswal na papel para sa mga pelikula. Ang industriya ng hardcore porn ay wala pa sa Pilipinas, ngunit ang mga naturang paggawa ay nakakontrata kasama ang mga dayuhang tagagawa - kabilang ang mga negosyante mula sa Estados Unidos [3] hanggang sa mga lokal na tagagawa. [2]

Mga erotikong lathalain[baguhin | baguhin ang batayan]

Sa pangkalahatan, mayroong tatlong pangunahing mga kategorya ng mga erotikong publiksayon sa Pilipinas.

Nang matagal na nailathala ang mga magasin ng Tik-Tik, Sakdal, at Playboy Scenes [4] sa Pilipinas, isang edisyong Pilipino ng Playboy, na pinangalanang Playboy Philippines, ay sinimulan sa bansa [3] noong Marso 15, 2008. Ang unang isyu nito ay inilabas noong Abril 2008. Mayroon itong pagkakaiba sa pagpapakita at pagtatanghal ng mga nilalaman para sa mga tagapakinig at mambabasang Pilipino upang hindi lubos na mailabag ang mga pagpapahalagang Pilipino sa negosyo, kultura, at lipunan . Kabilang sa pagkakaiba nito mula sa Kanluran o karaniwang mga katunggali ay ang hindi pagpapakita ng ari o kahubaran sa harapan ng modelo, bagaman nagtatampok ito ng mga kababaihang Pilipino bilang mga " kalaro ". [5] [6]

Pagsusuri[baguhin | baguhin ang batayan]

Isang di-pormal na pagsusuri ang isinagawa ng mga Pilipinong mananaliksik tungkol sa pagkonsumo, pagbabasa at panonood ng pornograpiya sa Pilipinas, kung saan napagalaman na mayroong magkakaibang dahilan kung bakit ito ginagawa ng ilang mga kalalakihan at kababaihan. Batay sa pag-aaral, ang mga babae ay nakatuon sa "konteksto ng mag-asawa" o konteksto ng relasyon, habang ang mga lalaki ay nakaugnay sa mapag-isa o solo na aktibidad sekswal. Napag-alaman din sa pag-aaral ni Leyson na mayroong patuloy na pagtaas ng mga kagustuhan sa mga "edukado, sopistikado, at propesyonal" na kalalakihan at kababaihan na nakikipag-ugnayan sa isang matalik na relasyon para sa tinaguriang "malinis" o " softcore " na mga bersyon ng pornograpikong pinagkukunan at materyal.

Mga Sanggunian[baguhin | baguhin ang batayan]

  1. Hunt, Dee Dicen and Cora Sta. Ana-Gatbonton. "Pornography", Filipino Women and Sexual Violence: Speaking Out and Providing Services, cpcabrisbane.org
  2. 2.0 2.1 Barcelona, Noel Sales. Porn Market in Philippines Rakes in $1B Annually, American Chronicle, americanchronicle.com, May 30, 2009
  3. 3.0 3.1 3.2 Philippines Ranked #8 on Worldwide Porn Revenues, yugatech.com, March 28, 2008
  4. Tiktik, Plabyboy Scenes and Sakdal, slideshare.net
  5. Playboy Philippines, World Famous in the Philippines, jobert.blogspot.com
  6. Playboy Magazine Philippines, Playboy Magazine Philippines Edition, Playboy Philippines Edition, playboyphilippines.blogspot.com, December 16, 2007

Mga panlabas na kawingan[baguhin | baguhin ang batayan]