Pulo ng Rurok sa mga Pampang ng Pagkakaisa (Union Banks)
Ang Pulo ng Rurok (Ingles: Rurok Island), o Sin Cowe Island (Ingles); Đảo Sinh Tồn (Biyetnames: Đảo Sinh Tồn); Jinghong Dao (Tsino:景宏島; pinyin:Jǐnghóng Dǎo; Wade–Giles:Ching-hung Tao), ay isang pulo sa Kapuluan ng Kalayaan sa Kanlurang Dagat ng Pilipinas. May likas na lawak itong 8 ektarya (20 akre), kaya ito ang ikapitong pinaka-malaking pulo sa Kapuluan ng Kalayaan at ang ikatlong pinaka-malaking pulong sinasakop ng Vietnam. Mayroon itong nakapalibot na bahura na nakausli sa ibabaw ng tubig kapag taob ang dagat.[1]
Mula pa noong 1974 ay nasa ilalim na ng pamamahala ng Vietnam ang pulong ito, na unang pinangasiwaan ng Hukbong-Dagat ng Timog Vietnam at pagkatapos ay ang Hukbong-Dagat ng Republikang Sosyalista ng Vietnam mula noong 1975. Inaangkin din ang pulo ng Tsina, Pilipinas,[2] at Taiwan (Republika ng Tsina). Noong Disyembre 1960, humiling ng pahintulot ang Military Assistance Advisory Group ng Estados Unidos sa Ministeryo ng Tanggulang Pambansa ng Republika ng Tsina upang magsagawa ng mga pagsisiyasat sa pulong ito, na kalaunan ay inaprubahan.[3]
May himpilang militar ng mga kawal ng Vietnam sa Pulo ng Rurok. Kabilang sa mga estrukturang matatagpuan dito ang isang gusaling pampamahalaan na may dalawang palapag, mga kanyon laban sa sasakyang panghimpapawid, artilyeriya, at isang panandang nagsasaad ng soberanya ng Vietnam.[5]
Mayroon ding sibilyang populasyon sa pulo, kasama ang isang paaralan, palaruan ng mga bata, himpilang medikal, at mga turbina ng hangin para sa paglikha ng kuryente.[6]
↑Rosen, Mark E. (19 August 2014). "A CNA Occasional Paper - Philippine Claims in the South China Sea: A Legal Analysis". South China Sea: Facts and Legal Aspects. CNA Corporation’s Strategic Studies (CSS) division. Nakuha noong 16 September 2021. The ubiquitous KIG claim by the Philippines carries little legal weight. It stands on the same footing as the nine-dashed-line claim. Also, it was made later than the claims of China, the ROC, and Vietnam.
↑Jonathan Spangler, Olga Cachia (2018). South China Sea Event Timeline: 1900–1969. Taipei: Asia-Pacific Research Association South China Sea Think Tank. p.173. ISBN9789869282840.
↑"The peaceful life on Truong Sa". Vietnam Pictorial (sa wikang Ingles). HaNoi-Vietnam: Vietnam News Agency. 30 June 2020. Nakuha noong 16 September 2021. Photo caption: Teacher and students at the primary school on Sinh Ton island commune.
