RCHRA

RCHRA

Founders Jose W. Diokno (center) and J.B.L. Reyes (left)
Pagkakabuo	18 Pebrero 1982 (1982-02-18)
Tagapagtatag	Jose W. Diokno
Itinatag sa	Manila, Philippines
Uri	NGO
Pokus	Human rights
Punong tanggapan	Manila, Philippines
Nasasakupang pook	Asia
	Jose W. Diokno (1983-1987)
Kaugnayan	World Organisation Against Torture United Nations
Website	RCHRA Declaration

Ang Regional Council on Human Rights in Asia ( RCHRA ) ay isang NGO base sa karapatang pantao na kumakatawan sa rehiyon ng Timog Silangang Asya . Ito ang pinakaunang organisasyon sa Asya na pumirma at nagsagawa ng pangunahing deklarasyon ng mga karapatang pantao sa Asya. Gumaya ang mga ibang organisasyon dito, katulad ng Asian Human Rights Commission. Binuo nito ang ikalawang pinakamatandang deklarasyon sa Asya pagkatapos ng 1922 na deklarasyon ng karapatang pantao na isinulat sa isang pahayagan sa Hapon, na hindi pa umabot ng isang daan na salita.

Pagtatatag at Pagsasama

Ang RCHRA ay itinatag noong Pebrero 18, 1982 sa Maynila ni Senador Jose W. Diokno, Supreme Court Associate Justice JBL Reyes, dating Chief Justice Roberto Concepcion, ang batang paralegal na si Arno V. Sanidad, at iba pang human rights stalwarts mula sa Thailand, Indonesia, Singapore, at Malaysia kasunod ng mahabang serye ng mga talakayan sa Tagaytay City . Ang pagpupulong ay ang kasukdulan ng isang naunang pagpupulong sa Penang, Malaysia noong Nobyembre 1981. Iminungkahi ng grupo na wakasan ang mga mapang-aping diktatoryal na rehimen sa Timog-silangang Asya, kabilang ang diktadurang Ferdinand Marcos, ang diktadurang Suharto, ang pamumuno ng militar sa Thailand, at iba pang katulad na mga bansang may mga awtoridad na rehimen o mga demokrasya. Nagpasya itong magsaliksik tungkol sa mga partikular na batas na nagpapahintulot sa mga mapang-api na rehimen na lumaganap nang walang parusa, upang magbalangkas ng mga bagong batas na pagtibayin ng kani-kanilang mga pamahalaan ng mga miyembrong bansa. Sa mga panahong ito, napili rin si Diokno na mangulo sa unang kapulungan ng HURIDOCS sa France. Nagbigay-daan ito sa konseho na magbukas ng diyalogo sa iba pang organisasyon ng karapatang pantao sa labas ng Pilipinas.

Deklarasyon ng Mga Pangunahing Tungkulin ng mga Tao at Pamahalaan ng ASEAN

Noong Disyembre 9, 1983, ang mga abogado ng karapatang pantao na kumakatawan sa mga bansa ng Pilipinas, Thailand, Singapore, Malaysia, at Indonesia ay nagtipon sa lungsod ng Maynila upang lagdaan ang unang deklarasyon ng karapatang pantao para sa rehiyon ng Timog Silangang Asya na tinatawag na "Deklarasyon ng mga Pangunahing Tungkulin ng mga Tao at Pamahalaan ng ASEAN ." Ang layunin ay hikayatin at ipaunlad ang pagpapatibay ng deklarasyon na ito at ang mga internasyonal na tipan sa karapatang pantao.

Ang Artikulo I ay nakatuon sa UDHR at tinatalakay ang mga pangunahing prinsipyo. Nakasalalay ang Artikulo V sa katarungang panlipunan at mga karapatan sa paggawa para sa mga maralitang tagalungsod. Isa rin ito sa mga unang instrumento upang tugunan ang komunikasyong masa sa pamamagitan ng Artikulo VII. Sa mga Artikulo IX hanggang XI naman ay nakatuon sa mga diktadura at kung paano i-delegimize ang mga ito, at lutasin ang mga paglabag sa karapatang pantao laban sa tortyur.

Ang tono ng deklarasyon ay makikitang mas partikular sa paglilitis at sumasalungat sa mga nakikibaka na pamahalaan ngunit sa madaling sabi ay nakasalalay sa mga probisyon nito sa mga talakayan ng tradisyonal na mga prinsipyo ng karapatang sibil.