Radyo Natin
Ang Radyo Natin ay isang grupo ng radyong pangkomunidad na pag-aari ng MBC Media Group. Mayroon itong mahigit 100 himpilan sa buong Pilipinas mula Batanes sa pinakahilagang bahagi hanggang sa Bongao sa timog. Meron din itong pangunahing feed na sumasahimpapawid sa HD2 channel ng 96.3 FM.[1]
Hindi tulad ng mga ibang grupong panradyo ng MBC, karamihan ng mga himpilan ng Radyo Natin pinamamahalaan ng iba't ibang lokal na kumpanya, ahensya at indibidwal sa ilalim ng kasunduan.
Kasaysayan
[baguhin | baguhin ang wikitext]Inilunsad ng MBC ang Radyo Natin noong Disyembre 16, 1997 bilang kapalit sa panandaliang Community Radio Network (ComNet). Sa simula, kabilang sa mga programa nito ang pag-riley sa DZRH tuwing umaga, mga lokal na programa mula kalagitnaan ng umaga hanggang gabi, at Ang Dating Daan sa kalagitnaan ng gabi.[2]
Noong 2008, may balak itong maglunsad ng pantelebisyon bilang TV Natin. Bagamat, hindi ito natuloy at sa halip naglunsad ang pantelebisyon ng DZRH na DZRH RadyoVisyon (na ngayo'y DZRH News TV).
Noong kalagitnaan ng 2017, karamihan ng mga himpilan ng Hot FM ay naging bahagi ng Radyo Natin, na epektibong bumuwag sa grupo ng Hot FM. Lumawak ang Radyo Natin sa mahigit 120 himpilan sa buong bansa.
Buod
[baguhin | baguhin ang wikitext]May sari-sariling mga lokal na programa ang mga himpilan ng Radyo Natin mula sign-on ng 4:00 am hanggang 5:00 am, 8:30 am hanggang 1:00 pm at mula 5:00 pm hanggang 7:00 pm. Tuwing Lunes hanggang Biyernes, Umeere ito ng DZRH mula 5:00 am hanggang 7:00 am. Tuwing Lunes hanggang Sabado, umeere ito ng pangunahing feed mula 1:00 pm hanggang 5:00 pm at 7:00 pm hanggang 10:00 pm. Pagdating ng 10:00 pm, may ilang himpilan na pansamantalang namamaalam sa ere, may ilan din na ipinagpatuloy ang kanilang pagsasahimpapawid hanggang hating gabi.
Mga parangal
[baguhin | baguhin ang wikitext]Ginawaran ang Radyo Natin bilang Best Provincial FM Station sa Pilipinas sa loob ng 4 na magkakasunod na taon sa ika-21, 22, 23 at 26 na KBP Golden Dove Awards (2012, 2013, 2014 at 2018).
Mga sanggunian
[baguhin | baguhin ang wikitext]- ↑ "MBC jumsptarts re-branding campaign with new station logos". dzrh.com.ph. November 15, 2021. Nakuha noong November 15, 2021.
- ↑ "New FM Radio Network Launched". Philippine Manila Standard Publishing. December 23, 1997. p. 19. Nakuha noong February 5, 2023 – sa pamamagitan ni/ng Google News.