René Laennec

Mula sa Wikipediang Tagalog, ang malayang ensiklopedya
Jump to navigation Jump to search
René Laennec
René Laennec
Kapanganakan 17 Pebrero 1781
Quimper, Brittany
Kamatayan 13 Agosto 1826
Kerlouanec
Kabansaan Pranses
Kinikilala dahil sa Nakaimbento ng istetoskopyo

Si René-Théophile-Hyacinthe Laennec[1] o René Laennec[1] (17 Pebrero 1781- 13 Agosto 1826) ay isang Pranses na manggagamot. Binabaybay din ang kanyang apelyido bilang Laënnec. Siya ang umimbento ng istetoskopyo noong 1816 habang naghahanapbuhay sa Hôpital Necker (buong pangalan: Hôpital Necker - Enfants Malades o Ospital ng Necker - Ospital para sa mga batang may sakit). Siya ang nagpasimula ng paggamit ng instrumento sa pag-alam at paniniyak ng sari-saring mga sakit sa baga at dibdib. Naging tagapangasiwa siya ng Collège de France o Dalubhasaan (Kolehiyo) ng Pransiya noong 1822 at propesor ng panggagamot noong 1823. Kabilang sa mga huling pagtatalaga sa kanya ang panunungkulan bilang Ulo o Pinuno ng Klinikang Medikal sa Hôpital de la Charité (Ospital ng Kawang-gawa) at bilang propesor sa Dalubhasaan ng Pransiya. Namatay siya noong 1826 dahil sa sakit na tuberkulosis.

Sanggunian[baguhin | baguhin ang batayan]

Talababa[baguhin | baguhin ang batayan]

  1. 1.0 1.1 Robinson, Victor, Ph.C., M.D. (patnugot) (1939). "René Laennec". The Modern Home Physician, A New Encyclopedia of Medical Knowledge. WM. H. Wise & Company (New York). , pahina 453.

Bibliyograpiya[baguhin | baguhin ang batayan]

  • Bon, H. Laennec (1781-1826), Lumiere, Dijon, 1925.
  • Rouxeau, A., Laennec, Bailliere, Paris 1912-1920, 2 tomo/bolyum.
  • Webb, Gerald B. Laennec: A Memoir, 1928.