Riomaggiore
Riomaggiore Rimazùu | ||
|---|---|---|
| Comune di Riomaggiore | ||
 Tanaw ng Riomaggiore mula sa dagat | ||
| ||
Lokasyon ng Riomaggiore  | ||
  Riomaggiore Lokasyon ng Riomaggiore sa Italya  Riomaggiore Riomaggiore (Liguria) | ||
| Mga koordinado: 44°06′N 09°45′E / 44.100°N 9.750°E | ||
| Bansa | Italya | |
| Rehiyon | Liguria | |
| Lalawigan | La Spezia (SP) | |
| Itinatag | 1861 | |
| Mga frazione | Groppo, Manarola, Volastra | |
| Pamahalaan | ||
| • Mayor | Fabrizia Pecunia (Cittadini in comune) | |
| Lawak | ||
| • Kabuuan | 10.27 km2 (3.97 milya kuwadrado) | |
| Taas | 35 m (115 tal) | |
| Populasyon (2018-01-01)[2] | ||
| • Kabuuan | 1,496 | |
| • Kapal | 150/km2 (380/milya kuwadrado) | |
| Tawag sa tagalugar | Riomaggioresi | |
| Sona ng oras | UTC+1 (CET) | |
| • Tag-init (DST) | UTC+2 (CEST) | |
| Kodigong Postal | 19017 | |
| Kodigo sa pagpihit | 0187 | |
| Kodigo ng ISTAT | 011024 | |
| Santong Patron | San Juan Bautista | |
| Saint day | Hunyo 24 | |
| Websayt | comune.riomaggiore.sp.it | |
Ang Riomaggiore (Ligurian: Rimazzô, lokal na Rimazùu[3]) ay isang nayon at comune (munisipalidad) sa lalawigan ng La Spezia, na matatagpuan sa isang maliit na lambak sa rehiyon ng Liguria sa Italya. Ito ang pinakatimog sa mga nayon ng Cinque Terre.
Ang nayon, na itinayo noong unang bahagi ng ika-13 siglo, ay kilala sa makasaysayang katangian at alak na gawa ng mga ubasan ng bayan. Ang Riomaggiore ay nasa rehiyon ng Riviera di Levante. Mayroon itong baybayin sa Golpo ng Genova sa Mediteraneo, na may maliit na dalampasigan at pantalan na napapaligiran ng mga bahay tore . Ang pangunahing kalye ng Riomaggiore ay ang Via Colombo, kung saan matatagpuan ang maraming restawran, bar, at tindahan.
Ang Via dell'Amore ay isang landas na nag-uugnay sa Riomaggiore sa frazione ng Manarola nito, bahagi din ng Cinque Terre.
Ang Riomaggiore ang pinakatimog na nayon ng Cinque Terre, na lahat ay konektado sa pamamagitan ng daanan. Ang tubig at gilid ng bundok ay idineklarang mga pambansang parke.
Inpirasyon ang Riomaggiore sa pinta ni Telemaco Signorini (1835 – 1901), isa sa mga artista ng grupong Macchiaioli.
Kasaysayan
[baguhin | baguhin ang wikitext]Ang pangalan ng lugar ay malamang na nagmula sa anyong Latin na Rivus Maior.
Ang pinagmulan ng nayon ng Riomaggiore, ayon sa isang sinaunang alamat na ipinasa nang pasalita ngunit hindi kinumpirma ng mga makasaysayang sanggunian, ay nagsimula pa noong ika-8 siglo. Sinasabing isang grupo ng mga Griyegong baktwit, na nakatakas sa pag-uusig ng ikonoklastikong Emperador na si Leon III ang Isauriano, pagkatapos ng iba't ibang pagbabago, ay dumaong sa dulo ng Montenero at nagtatag ng mga pamayanan sa tagaytay. Ang mga pamayanang ito, na kinabibilangan ng Cacinagora, Sericò, Montenero, Limen, at Casale, ay kalaunan ay isinama sa Marka ng Obertenga.
Pagkatapos lamang ng taong 1000, dahil sa mas mahigpit na seguridad na nakamit sa Dagat Ligur kasama ang mga tagumpay na nakamit ng Republika ng Genova laban sa mga pamayanan ng mga pirata ng Saraseno, ang mga naninirahan sa mga orihinal na pamayanan sa tuktok ng burol ay unti-unting nakababa nang ligtas patungo sa dagat, kaya't nabuo ang unang sentro ng nayon ng Riomaggiore, na matatagpuan sa kasalukuyang distrito ng Marina.
Ang mga unang talaang pangkasaysayan ng lugar ng Riomaggiore ay nagsimula pa noong 1251, nang ang mga naninirahan sa distrito ng Carpena ay nagtipon upang manumpa ng katapatan sa Republika ng Genova sa digmaan nito laban sa Pisa. Gayunpaman, noong panahong iyon, ang mga nayon ay nasasakupan pa rin ng Markes Turcotti, panginoon ng Ripalta, malapit sa Borghetto di Vara, na nagtayo ng lokal na kastilyo at iba pang mga kuta noong bandang 1260.
Di-nagtagal pagkatapos nito, ang teritoryo ng Riomaggiore ay napasa sa pamamahala ni Nicolò Fieschi, na ibinenta ito sa Genova noong 1276 kasama ang iba pang mga nayon ng Cinque Terre at isang malaking bahagi ng silangang Liguria.
Transportasyon
[baguhin | baguhin ang wikitext]Ang estasyon ng tren ng Riomaggiore ay nasa riles ng tren ng Genoa–Pisa. Ito ay pinaglilingkuran ng mga tren na pinapatakbo ng Trenitalia, kabilang ang mga serbisyo mula sa La Spezia Centrale.
Kulturang popular
[baguhin | baguhin ang wikitext]Ang Riomaggiore ay tinukoy sa 2014 driving video game na Forza Horizon 2.
Ang Riomaggiore at iba pang mga bayan ng Cinque Terre ang naging inspirasyon para sa kathang-isip na Portorosso sa pelikulang animado na Luca noong 2021.[4]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ "Superficie di Comuni Province e Regioni italiane al 9 ottobre 2011". Istat. Nakuha noong 16 Marso 2019.
- ↑ "Popolazione Residente al 1° Gennaio 2018". Istat. Nakuha noong 16 Marso 2019.
- ↑ Frisoni, Gaetano [sa] (1910). Dizionario Genovese-Italiano e Italiano-Genovese (sa wikang Italyano). Genoa: Nuova Editrice Genovese.
- ↑ Carey, Meredith (28 April 2021). "How Disney and Pixar's 'Luca' Built a Fictional Town Using the Best Parts of Cinque Terre". Condé Nast Traveler (sa wikang Ingles). Nakuha noong 20 June 2021.
Mga panlabas na link
[baguhin | baguhin ang wikitext]| International | |
|---|---|
| National | |
