Risa Hontiveros-Baraquel

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Risa Hontiveros
Risa Hontiveros-Baraquel

Si Hontiveros noong 2016


Kasalukuyan
Panunungkulan
Hunyo 30, 2016

Tagapangulo ng
Women, Family Relations
and Gender Equality Committee
Kasalukuyan
Panunungkulan
Hulyo 25, 2016
Sinundan si Pia Cayetano

Tagapangulo ng
Health and Demography Committee
Panunungkulan
Hulyo 25, 2016 – Pebrero 27, 2017
Sinundan si Teofisto Guingona III
Sinundan ni JV Ejercito

Kasapi ng Kapulungan ng Kinatawan ng Pilipinas bilang kinatawan para sa Akbayan
Panunungkulan
Hunyo 30, 2004 – Hunyo 30, 2010

Kapanganakan (1966-02-24) Pebrero 24, 1966 (edad 51)
Maynila, Pilipinas
Kabansaan Pilipino
Partidong politikal Akbayan Citizens' Action Party (2004–kasalukuyan)
Ibang political
kinaaaniban
Liberal Party (2010–kasalukuyan)
Team PNoy (2013)
Koalisyon ng Daang Matuwid (2016)
Asawa Francisco Baraquel, Jr. (k. 1990–2005)
Mga anak 4
Alma mater Pamantasang Ateneo de Manila (A.B.)
Hanapbuhay Aktibista
Propesyon mambabatas, mamamahayag
Relihiyon Katoliko Romano

Si Risa Hontiveros (ipinanganak bilang Ana Theresia Hontiveros noong 24 Pebrero 1966) [1] ay isang Pilipinong politiko, mamamahayag aktibista na kumatawan sa Akbayan Partylist sa Mababang Kapulungan mula 2004-2010. Kasalukuyan siyang naglilingkod bilang Senador ng Pilipinas matapos manalo sa Pangkahalatang Halalan ng Pilipinas noong 2016, at nakuha ang pang-siyam na puwesto. Siya ang nakatatandang kapatid ng mamamahayag na si Pia Hontiveros.

Talambuhay[baguhin | baguhin ang batayan]

Ipinanganak si Hontiveros noong Pebrero 24, 1966 sa Maynila. Sa gulang na 14, naging isa siya sa mga gumanap bilang anak ng Von Trapp sa adaptasyon ng Repertory Philippines ng The Sound Of Music, kabilang sina Lea Salonga, Monique Wilson at Raymond Lauchengco.[2]Noong mga panahong ding iyon ay una siyang naipakilala upang makibahagi sa mga gawaing aktibista bilang tagapangasiwa ng kampanya laban sa Bataan Nuclear Power Plant noong siya ay nasa mataas na paaralan.[3][4] Nakapagtapos siya Hontiveros bilang cum laude sa Batsilyer ng Sining sa Agham Panlipunan mula sa Pamantasang Ateneo de Manila. Habang nasa Ateneo, aktibo siya sa mga lupon ng mga mag-aaral, kung saan lumahok siya sa mga adbokasiya para sa kapayapaan at katarungan sa mga maralitang mamamayan.[5][6]

Naging mamamahayag din siya sa telebisyon at nagtrabaho sa dalawang himpilang pangtelebisyon, sa IBC (Headline Trese) at sa GMA Network (GMA Network News).[7]

Sa karera ni Hontiveros bilang aktibista, napaanib siya sa ilang mga samahan at kilusan:[8][9]Coalition for Peace (naglingkod bilang Pangkahalatang Kalihim mula 1988 hanggang 1992), National Peace Conference (naglingkod sa Governing Council nito simula 1990), Government Panel for Peace Talks with the National Democratic Front (tagapangulo ng Panel's Reciprocal Working Committee on Socio-Economic Reforms mula Agosto 1998 hanggang 1999), Pandayan para sa Sosyalistang Pilipinas ), isang organisasyong politikal na demokratiko-sosyalista (nahalal muli bilang Tagapangulo noong Agosto 2001), "Pilipina", isang samahang para sa karapatan ng mga kababaihan, Amnesty International Pilipinas (kasapi ng Pangasiwaan).

Bago ang kanyang pagpasok sa politika, isang mamamahayag si Hontiveros na nagbigay sa kanya ng karangalan bilang Golden Dove Awards' Best Female Broadcaster ng Kapisanan ng mga Brodkaster ng Pilipinas (KBP). Nagkamit din siya ng nominasyon mula sa Nobel Peace Prize noong 2005 dahil sa kanyang natatanging kontribusyon para sa pagdaloy ng usapang pangkapayapaan sa pagitan ng Gobyerno ng Pilipinas at ng National Democratic Front mula 1998 hanggang 1999.

Sa anim na taong pamamalagi niya sa Kamara bilang kongresista, si Hontiveros ang pangunahing naglathala ng Cheaper Medicines Law at Comprehensive Agrarian Reform Program Extension With Reforms (CARPER) Law sa Mababang Kapulungan ng Kongreso. Nilathala rin niya ang ilang panukalang batas tulad ng Anti-Prostitution Bill, Anti-Lesbian, Gay, Bisexual and Transgender (LGBT) Discrimination Bill, at ang Students' Rights and Welfare (STRAW) Bill.

Noong 2010, tumakbo si Hontiveros bilang Senador sa ilalim ng partido ni Benigno Aquino III. Bagamat hindi pinalad, nagtapos sa ika-labintatlong puwesto si Hontiveros sa karera sa pagka-senador - na isang puwesto lamang ang pagitan sa ika-labindalawang panalong senador. Sa kasalukuyan, siya ang Tagapangulo ng Akbayan Partylist, at isa sa mga prominenteng personalidad sa kampanya para sa pagsasabatas ng Reproductive Health (RH) Bill sa Kongreso.


Mga kawing na panlabas[baguhin | baguhin ang batayan]


Mga Sanggunian[baguhin | baguhin ang batayan]

  1. http://www.abs-cbnnews.com/research/2010-candidate-profiles/senatorial-candidates/05/05/10/profile-ana-theresia-%E2%80%9Crisa%E2%80%9D-hontiveros-baraquel) PROFILE: Ana Theresia “RISA” Hontiveros-Baraquel
  2. arriaga66 (31 December 1969). "The Sound of Music – Repertory Philippines 1980". https://www.youtube.com/watch?v=HL-vcz67rts. Hinango noong 17 February 2017. 
  3. TeamHontiveros (4 March 2013). "Risa Hontiveros, Lumalaban". https://www.youtube.com/watch?v=qST6DzaxjMU. Hinango noong 17 February 2017. 
  4. "Women Leaders (Philippines)". Resources, publications, and papers of the Center for Asia Pacific Women in Politics. Center for Asia Pacific Women in Politics. October 16, 2002. http://www.capwip.org/resources/leaders/phil.htm. Hinango noong 2008-02-14. 
  5. "Risa Hontiveros to continue women’s, social justice advocacies in the Senate". Liberal Party of the Philippines. February 28, 2013. http://www.liberalparty.org.ph/2013/02/28/risa-hontiveros-to-continue-womens-social-justice-advocacies-in-the-senate/. Hinango noong May 14, 2016. 
  6. "“The beautiful fight”: Risa Hontiveros". Philippine Online Chronicles. April 1, 2013. http://thepoc.net/index.php/the-beautiful-fight-risa-hontiveros/. Hinango noong May 14, 2016. 
  7. Silvestre, Edmund (May 2, 2016). "The Risa that I know". The Philippine Star. http://www.philstar.com/entertainment/2016/05/02/1578834/risa-i-know. Hinango noong May 23, 2016. 
  8. "Hontiveros-Baraquel, Risa". Member Information – 14th Congress. http://www.congress.gov.ph/memberssearch.php?congress=14&id=baraquel. Hinango noong 2008-02-14. 
  9. "Rep. Risa Hontiveros". AKBAYAN: Ibangon Dangal ng Pilipino (Party Website). Akbayan Citizens' Action Party. http://www.akbayan.org/index.php?option=com_content&task=view&id=33&Itemid=89. Hinango noong 2008-02-14. 



PilipinasPolitiko Ang lathalaing ito na tungkol sa Pilipinas at Politiko ay isang usbong. Makatutulong ka sa Wikipedia sa pagpapalawig nito.