Pumunta sa nilalaman

Ruby (album)

Mula sa Wikipedia, ang malayang ensiklopedya
Ruby
Logo ng album
Studio album - Jennie
Inilabas7 Marso 2025 (2025-03-07)
Isinaplaka2024–2025
Uri
Haba41:30
Wika
  • Ingles
  • Koreano
Tatak
Tagagawa
Sensilyo mula sa {{{Name}}}

Ang Ruby ay ang debut solo studio album ng Timog Koreanang mang-aawit at rapper na si Jennie. Inilabas noong Marso 7, 2025 ng Odd Atelier at Columbia Records, ang album ay minarkahan bilang ang unang solo release ni Jennie pagkatapos siyang umalis sa YG Entertainment noong 2023. Si Jennie ang nagsulat at isa sa katagapaggawa ng Ruby kasama ang isang hanay ng mga katuwang kabilang sina El Guincho, Diplo, at Mike Will Made It. Binubuo ng labinlimang track, ang album ay nagtatampok ng mga kolaborasyon kina Childish Gambino, Doechii, Dominic Fike, FKJ, Dua Lipa at Kali Uchis. Gumagalugad ng mga dyanra gaya ng pop, hip-hop at R&B, ang paksa ng album ay nakabatay sa mga relasyon, impluwensya, at tagumpay ni Jennie.

Nakatanggap ang Ruby ng pangkalahatang kanais-nais na mga review mula sa mga kritiko, na may papuri na napupunta sa masaklaw na kagalingan, paggawa, at kakayahang umunlad ni Jennie bilang isang solo artist, pati na rin ang pagkakaisa at pang-eksperimentong katangian ng album. Sa paglabas, ang album ay nakabenta ng mahigit na isang milyong kopya sa buong mundo at nag-debut sa nangungunang sampu sa higit na 19 bansa, kabilang ang Awstralya, Pransiya, Alemanya, Olanda, Nuweba Selandya, Hilagang Korea at Estados Unidos. Nabenta ang Ruby sa mahigit 660,000 kopya sa unang linggo nito sa Hilagang Korea, ang pinakamataas na benta ng album sa unang linggo para sa isang babaeng K-pop solo artist sa taong 2025. Nag-debut din ito sa pangatlong ranggo sa UK Albums Chart, pinakamataas na ranggo ng album ng isang babaeng K-pop soloist at pumatas bilang pinakamataas na ranggo ng isang album na gawa ng isang K-pop solo artist.

Ang album ay naglalaman ng limang mga single: "Mantra", Love Hangover", "ExtraL", "Like Jennie", at "Handlebars". Naabot ng "Mantra" at "Like Jennie" ang nangungunang limang ranggo ng Billboard Global 200 at Circle Digital Chart ng Timog Korea at tumalbos sa mga chart sa ilang bansa, habang ang lahat ng mga single ng album ay umabot sa nangungunang 30 ng Global 200 at nakapasok sa US Billboard Hot 100. Para sa pagpapakilala ng record, sinimulan ni Jennie ang Ruby Experience, isang apat-na-lungsod na pagtatanghal ng limang kilalang-kilalang mga show simula Marso 6, at gumanap sa Coachella Valley Music and Arts Festival noong Abril 13 at Abril 20.

Sanligan

[baguhin | baguhin ang wikitext]

Noong Disyembre 2023, inihayag ni Jennie ang pagtatag ng kaniyang sariling record label, Odd Atelier, kasunod ng kanyang pag-alis sa YG Entertainment para sa mga solong aktibidad.[2] Sa kaniyang pagpapakita sa The Seasons: Lee Hyo-ri's Red Carpet noong Enero 2024 bilang isang panauhin, inihayag ni Jennie na ang layunin niya ay maglabas ng full-length na album sa taong iyon.[3] Iniulat ng mga news outlet sa Timog Korea noong Marso ng parehong taon na maglalabas siya ng bagong album sa Hunyo.[4] Itinanggi ng Odd Atelier ang mga sabi-sabi, na sinasabing si Jennie ay kasalukuyan pang gumagawa ng album na walang nakatakdang petsa ng paglabas. [5] Kasunod ng kolaborasyon nila ni Zico noong Abril 2024 na "Spot!", isiniwalat ng Timog Koreanong rapper na si Zico sa Billboard na mayroon siyang "pagkakataong sumilip sa mga ipapalabas na solo track demo ni Jennie" at na mayroong "napakaraming magaganda."[6] Noong Mayo 2024, habang dumadalo sa Sleeping Beauties: Reawakening Fashion ng Met Gala, nakipag-usap siya sa Vogue at tinudyuan ang kaniyang paparating na album, na sabi: "Marami pa akong darating sa aking album, wink, wink." [7] Noong Hunyo 20 ng parehong taon, isang advertisement video na pinagbibidahan ni Jennie para sa Beats Solo Buds ay inilabas, na nagtatampok ng solo track niya, na inakalang nasa kaniyang paparating na album. Sa kanta, nag-rap siya sa isang trap beat tungkol sa pagbawi ng kanyang salaysay at pagtitindig para sa sarili.[8]

Noong Setyembre 2024, inihayag na lumagda si Jennie ng isang kontrata sa pag-re-record sa Columbia Records, sa pakikipagtulungan sa Odd Atelier.[9] Sa isang feature ng cover story noong Oktubre 2024 para sa Harper's Bazaar, tinalakay niya ang kaniyang karanasan sa paggawa sa album, ibinahaging siya ay nasa studio na nagsusuri ng mga liriko at "paggupit, gupit, gupit" sa mga boses mula "umaga hanggang gabi."[10] Nang sumunod na buwan, inihayag niya na ang album ay ilalabas sa 2025, sa pamamagitan ng isang post sa Weverse.[11] Tinudyuan ni Jennie ang paglabas ng album noong 2025 sa isang holiday greeting video noong Araw ng Pasko 2024, sinasaad na may "kasiya-siyang kinalabasan sa 11 buwang pagtatrabaho" at "ito ay magiging kaunting bagay para sa lahat. Para itong bupey para sa inyo."[12][13] Noong Enero 2025, itinampok si Jennie sa isang cover story para sa Billboard, kung saan tinalakay niya ang kaniyang paghahanda sa album, na nagsasabi na siya ay "halos malapit na" sa paglabas nito.[14]

Komposisyon

[baguhin | baguhin ang wikitext]

Binubuo ang Ruby ng labinlimang track at paglitaw ng mga feature ni Childish Gambino, Doechii, Dominic Fike, FKJ, Dua Lipa at Kali Uchis.[15] Nai-record ni Jennie ang album sa pangunahing wikang Ingles at inilarawan ito bilang isang paraan ng "pagdadala sa aking sarili sa mundo sa unang pagkakataon".[10] Ang kanyang tangkain ay buoin ang kaniyang sarili sa rekord bilang "Jennie Ruby Jane, para iyon ay maging isang buong tao", na tumutukoy sa pangalan ng alter ego na naimbento niya noong siya ay nanirahan sa Nuweba Selandya bilang isang bata.[14] Ang album ay inspirasyon ng dula ni William Shakespeare na As You Like It (1599) at may mga tema ng "kapanganakan, pag-ibig, pananampalataya, at karurukan." Dahil sa inspirasyon ng aspeto ng dula, inilalarawan ng cover si Jennie na nagbubukas ng kurtina ng tanghalan, na sumisimbolo sa simula ng isang bagong kabanata sa kanyang karera sa musika.[16] Ang konsepto ni Shakespeare ng pitong yugto ng buhay mula sa As You Like It ay sumasalamin sa mang-aawit at humantong sa kaniya na tuklasin pa ang mga damdaming iyon sa album, mula sa "kawalang-malayan at pagmamahal hanggang sa kapangyarihan, pagmumuni-muni at legasiya".[17] Inaasahan niyang magbigay-inspirasyon sa iba pang mga kabataang babae sa album, na ang isa sa mga pangunahing mensahe nito ay "para maunawaan at manatili kung sino ka".[10]

Paggawa at musika

[baguhin | baguhin ang wikitext]

Kasunod ng pagtatapos ng Born Pink World Tour ng Blackpink noong Setyembre 2023, itinatag ni Jennie ang kanyang sariling malayang label na Odd Atelier noong Nobyembre at nagsimulang gumawa ng album sa simula ng 2024. Naitala niya ang "99%" ng proyekto sa Los Angeles at kinailangang gumugol ng oras sa unang pagbuo ng bagong malikhaing network at pakikipagpulong sa mga tagapaggawa at manunulat. Inamin ng artista na tumagal ng ilang buwan ng "pinagtuunan ko talaga sa sarili ko roon, paglalakad sa mga silid na puno ng mga bagong tao" hanggang sa makatagpo siya ng isang "magandang pangkat ng mga tao na nakaugnayan ko, pantinig at bilang mga kaibigan". Nahanap niya ang kanyang tunog at napunta sa kantang "Mantra", na naging pangakay na single ng album.[14]

Ang album ay inilarawan ni Jennie na sumasaklaw sa "hanay ng mga dyanra".[10] Ginamit niya ang paghahalo ng mga iba-ibang istilong pamboses sa rekord, na nagsasabi: "Nagpapatugtog ako sa mga iba-ibang dyanra at elemento — nag-ra-rap ako rito, kumakanta rito, nag-ha-harmonize dito, nakikipag-usap dito..."[14] Kumuha si Jennie ng pagkakataong mamatnugot sa paggawa ng album upang "mas epektibong maisiwalat ang kaniyang pagkatao at walang-hangganang potensyal sa musika."[17]

Promosyon at paglabas

[baguhin | baguhin ang wikitext]

Noong Enero 21, 2025, opisyal na inanunsyo ni Jennie ang kanyang debut studio album na Ruby para sa paglabas nito sa Marso 7. Ang anunsyo ay sinamahan ng opisyal na cover art para sa album pati na rin ang isang 33-segundong trailer bidyo, na nagsiwalat ng listahan ng mga itinampok na artista.[18] Ang isang bersyon ng album na kilala bilang "Jennie Only Audio" ay inihayag din nang wala ang mga itinampok na artista.[19] Noong Enero 25, isang bidyong pangmusika para sa "Zen" ang nailathala sa YouTube.[20] Inihayag ni Jennie ang tracklist ng album noong Pebrero 18.[21] Naglabas siya ng album sampler video noong Pebrero 27 na nagtatampok sa mang-aawit sa iba't ibang biswal na konsepto sa mga snippet ng mga kanta mula sa album.[22]

Mga single

[baguhin | baguhin ang wikitext]

Ang "Mantra" ay inilabas bilang pangakay na single ng album noong Oktubre 11, 2024.[23] Naging matagumpay sa komersyo ang kanta, umabot sa unang ranggo sa Hong Kong[24] at Taywan,[25] at ikalawa at tatlong ranggo, nang nakahanay, sa Billboard's Global Excl.US at Global 200.[26] Natuktok din ng kanta ang ikatlong ranggo sa Circle Digital Chart ng Timog Korea,[27] at sa loob ng nangungunang sampu sa Indonesya,[28] Malaysia,[29] Pilipinas,[30] Singapura,[31] at Gitnang Silangan.[32] Ang pangalawang single na pinamagatang "Love Hangover" na pinagtatampukan ni Fike ay inilabas noong Enero 31, 2025,[33] na tumuktok sa ika-29 na ranggo sa Billboard Global 200[34] at ika-35 ranggo sa Circle Digital Chart.[35] Ang ikatlong single ng album, "ExtraL" na pinagtatampukan ni Doechii, ay inilabas noong Pebrero 21,[36] na tumutuktok sa ika-18 ranggo sa Billboard Global 200[34] at ika-42 ranggo sa Circle Digital Chart.[37]

Ang "Like Jennie" ay inilabas bilang ikaapat na single kasabay ang paglabas ng album noong Marso 7, 2025.[38] Ito ay isang komersyal na tagumpay na tumuktok sa unang ranggo sa Hong Kong[24] at Malaysia,[39] ikatlong ranggo sa Circle Digital Chart,[37] at ikatlo't ikalimang ranggo sa Billboard Global Excl. US at Global 200 ayon sa pagkakasunod.[40] Ang "Handlebars" ay ipinadala sa US contemporary hit radio bilang ikalimang single ng album noong Marso 11,[41] at inilabas sa Italian radio ng Sony Music Italy makalipas ang tatlong araw. Ang bidyong pangmusika nito ay inilabas noong Marso 10.[42] Ang kanta ay umabot sa ika-21 ranggo sa Billboard Global 200[34] at ika-68 ranggo sa Circle Digital Chart.[37]

Mga live na pagtatanghal

[baguhin | baguhin ang wikitext]

Ipin-romote ni Jennie ang album sa iba-ibang pagtatanghal, simula sa mga nakatakdang pagpapakita sa American late night talk show na Jimmy Kimmel Live!,[43] ang mga Timog Koreanong pangmusikang programang M Countdown at Show!Music Core,[44][45] at ang 2024 Superpop Japan music festival kasunod ng paglabas ng pangakay na single ng album na "Mantra".[46] Nalimbag ang isang live na pagtatanghal na bidyo ng susunod na single sa Ruby na "Love Hangover" sa opisyal na channel ni Jennie sa YouTube.[47] Kasunod ng paglabas ng album, nagrekord si Jennie ng mga live na pagtatanghal ng "Like Jennie" at "Handlebars" para sa Iconic Stage ng Billboard bilang una nitong itinatampok na tao.[48]

Nagtanghal siya sa Coachella Valley Music and Arts Festival noong Abril 13 at 20, 2025. [49]

The Ruby Experience

[baguhin | baguhin ang wikitext]

Ang The Ruby Experience ay ang unang concert tour ni Jennie. Bilang suporta sa album na Ruby, nagsagawa si Jennie ng apat-na-lungsod na pagtatanghal ng limang kilalang-kilalang palabas sa pagitan ng Marso 6 at 21, 2025.[50] Orihinal na inihayag bilang isang serye ng tatlong palabas, ang mini-tour ay nagtakda ng mga karagdagang palabas sa Los Angeles at Paris.[51][52] Ito ay pinuri ng mga kritiko para sa kaniyang eksperimental at pangsinehan na paggawa.[53][51]

Kritikal na pagtanggap

[baguhin | baguhin ang wikitext]

Karaniwang nakatanggap ang Ruby ng mga positibong pagsusuri mula sa mga kritiko. Ayon sa review aggregator na Metacritic, ang Ruby ay nakatanggap ng "pangkahalatang kasiya-siyang mga review" ayon sa nakatimbang na katanapang iskor na 74 ng 100 mula sa mga anim na kritikong iskor.[54] Nakatanggap ang album ng apat sa limang bituin na pag-aantas mula kay Crystal Bell ng NME, na pinuri ang Ruby para sa pagpapakita nito ng karisma ni Jennie, "nakatitiyak sa sarili" na artistikong layunin, at hanay ng kabosesan.[55] Nilagyan ng tatak ni Maria Leticia Gomes ng Clash ang album bilang "isang kapana-panabik na pakikinig" na nagpalawak ng kasiningan ni Jennie.[56] Gayundin, pinuri ni Maria Sherman ng Associated Press ang rekord para sa "ambisyoso at makintab" na pagsisikap sa paggalugad ng iba't ibang aspeto ng personalidad ni Jennie, na ang Ruby ay "isang kaleidoscope ng iba't ibang tunog [..] na puno ng kabagay, pinakintab na kasiyahan."[57] Sa isang pagsusuri para sa Rolling Stone, si Maura Johnston ay iniantas sa tatlo at kalahating bituin, na nagbubuod dito bilang isang "mabilis na paggalaw ng magandang oras" kasama ang "kahanga-hangang kakayahang tumupad" sa dyanra ng R&B-pop.[1]

Nag-aalok ng mas halo-halong pagsusuri, pinuri ni Jon Caramanica ng The New York Times ang Ruby para sa paggalugad nito gamit ang tinig at tunog ngunit pinuna ang mga kolaborasyon sa album dahil sa kanilang kakulangan ng kabuluhan.[58]

Komersyal na pagganap

[baguhin | baguhin ang wikitext]

Noong Marso 4, 2025, iniulat na nakaipon ang Ruby ng 450,000 mga pre-order sa buong mundo.[59] Nakabenta ang album ng higit pa sa isang milyong kopya sa unang linggo ng paglabas nito at nakapasok sa nangungunang sampu sa 19 na bansa kabilang ang Timog Korea, Awstralya, at Estados Unidos.[60] Sa Timog Korea, ang album ay nakabenta ng higit sa 660,000 kopya sa unang linggo ayon sa data mula sa Hanteo Chart, kumakatawan sa pinakamataas na benta sa unang linggo ng paglabas ng album para sa isang babaeng K-pop solo artist sa 2025.[61] Nag-debut din ito sa pangalawang ranggo sa Circle Album Chart, na nagtala ng 595,900 kopyang nabenta sa loob ng dalawang araw pagkatapos ang paglabas.[62] Sa Awstralya, nag-debut ang album sa pangalawang ranggo sa ARIA Albums Chart, na pinangunahan ng Mayhem ni Lady Gaga (2025). Sa debut na ito, pumatas ang Ruby sa Rosie ni Rosé (2024) bilang ang pinakamataas na chart ng album ng isang babaeng K-pop soloist sa nabanggit na chart. Ang pagpupuwesto ay ang ikatlong pangalawang ranggong album ni Jennie sa Awstralya pagkatapos ng mga album ng Blackpink na The Album (2020) at Born Pink (2022).[63] Sa Reyno Unido, nag-debut ang Ruby sa pangatlong ranggo sa UK Albums Chart, na nagpalampas sa album ni Rosé na Rosie bilang ang pinakamataas na chart ng album ng isang babaeng K-pop soloist sa nasabing chart. Napatasan din niya ang Golden (2023) ni Jung Kook para sa pinakamataas na chart ng album ng sinumang K-pop solo artist. Nauna nang pumasok si Jennie sa pangalawang ranggo kasama ang mga album ng Blackpink na The Album at Born Pink.[64] Sa Estados Unidos, nag-debut si Ruby sa pampitong ranggo sa Billboard 200 na may nabentang 56,000 album-equivalent units sa unang linggo nito. Sa kabuuang iyon, 26,500 ay galing sa mga benta ng album, na nagbunga sa debut ng album sa pangalawang ranggo sa chart ng Billboard Top Album Sales. Nakamit din nito ang 29,000 streaming equivalent albums (mula sa 39.93 milyong on-demand na opisyal na stream), na naghantong sa isang pang-13 debut sa Billboard Top Streaming Albums chart, at 500 track equivalent albums. Sa debut na ito, si Jennie ay naging ikatlong kasapi ng Blackpink na nagkamit ng isang nangungunang sampung album sa US, pagkatapos ng Rosie ni Rosé at Alter Ego ni Lisa (2025).[65]

Listahan ng mga track

[baguhin | baguhin ang wikitext]
Paglilista sa mga track ng Ruby
Blg.PamagatNagsulatHaba
1."Intro: Jane" (with FKJ)
FKJ1:38
2."Like Jennie"
2:03
3."Start a War"
  • Jeberg
  • Søegren
  • Sam Homaee
  • Dorman[a]
2:45
4."Handlebars" (featuring Dua Lipa)
3:04
5."With the IE (Way Up)"
Dem Jointz2:43
6."ExtraL" (featuring Doechii)
Dem Jointz2:47
7."Mantra"
2:16
8."Love Hangover" (featuring Dominic Fike)
  • Fike
  • Carly Gibert
  • Zmishlany
  • Blaise Railey
  • Megan Bülow
  • Devin Workman
  • Jennie
  • Zmishlany
3:00
9."Zen"
Pluss3:21
10."Damn Right" (featuring Childish Gambino and Kali Uchis)
3:50
11."F.T.S."
  • Jennie
  • Hogan
  • Bourelly
  • Gibert
  • Christopher Newlin
  • Pluss
  • Gage
2:32
12."Filter"
  • Boyd
  • Pacurar
  • Abernathy
  • Carmen Reese
Dem Jointz2:31
13."Seoul City"
  • Jennie
  • Myles Harris
  • Braylin Bowman
  • Xeryus Gittens
  • Williams
  • Bourelly
  • Gibert
  • MoneyGoForMyles
  • Resource
  • Xeryus
  • Mike Will Made It
2:44
14."Starlight"
  • Jennie
  • Hogan
  • Armel Potter
  • Williams
  • Bourelly
  • Irosogie
  • Pluss
  • Melz
  • Mike Will Made It
2:48
15."Twin"
  • Jennie
  • Bourelly
  • Newlin
  • Williams
  • Gage
  • Mike Will Made It
3:28
Kabuuan:41:30

Mga Paunawa

  • ^[a] nagsisignipika bilang katagapaggawa
  • Ang mga pisikal na bersyon ng album ay may kahaliling pagkakasunud-sunod ng pagkakalista, pati na rin ang mga bersyong solo ng "Handlebars", "ExtraL", "Love Hangover", at "Damn Right".[19]
  • Sa di-tandis na bersyon ng album, ang "F.T.S." ay hindi kasama sa tracklist.
  • Ang "With the IE (Way Up)" ay naglalaman ng sample ng "Jenny from the Block", na isinulat ni Jose Fernando Arbex Miro at ginanap ni Jennifer Lopez na nagtatampok kina Jadakiss at Styles P ng The Lox.

Mga tauhan

[baguhin | baguhin ang wikitext]

Mga ambag ay hinango mula sa Tidal[66]

Mga musikero

[baguhin | baguhin ang wikitext]
  • Jennie – boses (lahat ng mga track)
  • FKJ – pag-po-program, taga-synthesize (track 1)
  • Amanda "Kiddo A.I." Ibanez – mga background na boses (track 2)
  • Chris O'Ryan – mga background na boses (track 2)
  • Tayla Parx – mga background na boses (track 2)
  • Jonas Jeberg – pag-po-program, lahat ng mga instrumento (track 3)
  • Ramus Søegren – pag-po-program, lahat ng mga instrumento (track 3)
  • Sam Homaee – pag-po-program, lahat ng mga instrumento (track 3)
  • Jelli Dorman – mga background na boses (mga track 3, 7, 9, 10), pag-po-program (track 8)
  • Dua Lipa – mga boses (track 4)
  • Rob Bisel – pag-po-program, bass, glockenspiel, piano, taga-synthesize, mga background na boses (track 4)
  • Aaron Sterling – mga tambol, mga malatambol na instrumento (track 4)
  • Shelby Epstine – glockenspiel (track 4)
  • James Alan – piano (track 4)
  • Amy Allen – mga background na boses (track 4)
  • Delacey – mga background na boses (track 4)
  • Doechii – mga boses (track 6)
  • El Guincho – pag-po-program, pagpalakpak, tambol, mga keyboard, mga malatambol na instrumento, synth bass, taga-synthesize (track 7)
  • Dominic Fike – mga boses (track 8)
  • Ido Zmishlany – pag-po-program, bass, clavichord, mga tambol, mga keyboard, organ, mga background na boses (track 8)
  • Will Lamoureux – violin, viola (track 8)
  • Blaise Railey – mga background na boses (track 8)
  • Carly Gibert – mga background na boses (track 8)
  • Megan Bülow – mga background na boses (track 8)
  • Childish Gambino – mga boses (track 10)
  • Kali Uchis – mga boses (track 10)

Teknikal

[baguhin | baguhin ang wikitext]
  • FKJ – paghahalo ng mga tunog (track 1)
  • Serban Ghenea – paghahalo ng mga tunog (tracks 2–4, 6–8)
  • Bryce Bordone – pagtulong sa paghahalo ng mga tunog (tracks 2–4, 6–8)
  • Manny Marroquin – paghahalo ng mga tunog (mga track 5, 9, 12, 14)
  • Jaycen Joshua – paghahalo ng mga tunog (mga track 10, 11, 13, 15)
  • Mike Seaberg – paghahalo ng mga tunog (mga track 10, 11, 13, 15)
  • Will Quennell – pag-ma-master (tracks 1–5, 7–15)
  • Chris Gehringer – pag-ma-master (track 6)
  • Eunkyung Jung – pag-re-record (tracks 2, 14, 15)
  • Jonas Jeberg – pag-re-record (track 3)
  • Ramus Søegren – pag-re-record (track 3)
  • Cameron Poole – pag-re-record, pamboses na paggawa (track 4)
  • Delacey – pag-re-record, pamboses na paggawa (track 4)
  • Chris O'Ryan – pamboses na paggawa (mga track 2, 4, 6), pamboses na pag-iinhinyero (6)
  • Kuk Harrell – pag-re-record, pamboses na pag-iinhinyero, pamboses na paggawa (mga track 3, 4, 7–10)
  • Jelli Dorman – pag-iinhinyero (mga track 3, 4, 10, 11); pamboses na pag-iinhinyero, pamboses na paggawa (mga track 3, 4, 7–10)
  • Dem Jointz – pag-re-record (tracks 5, 6, 12), pamboses na paggawa (tracks 5, 12)
  • Jayda Love – pag-re-record (track 6)
  • Devin Workman – pag-re-record, vocal engineering, vocal production (track 8)
  • Gage – pag-re-record (tracks 11, 12, 14)
  • Aaron Sterling – pag-iinhinyero (track 4)
  • Jackson Card – pag-iinhinyero (track 4)
  • Rob Bisel – pag-iinhinyero, pag-re-record (track 4)
  • Jennifer Ortiz – pag-iinhinyero (track 6)
  • Noah Gottdenker – pag-iinhinyero (track 8)
  • Donald Glover – pag-iinhinyero (track 10)
  • Morgan Jones – pagtulong sa pag-re-record (track 4)
  • Ramiro Fernandez-Seoane – pagtulong sa pag-re-record (track 14)
  • Anthony Vilchis – pagtulong sa pag-iinhinyero (track 5)
  • Trey Station – pagtulong sa pag-iinhinyero (mga track 5, 14)
  • Chris Bhikoo – pagtulong sa pag-iinhinyero (track 13)
  • Jacob Richards – pagtulong sa pag-iinhinyero (track 13)

Mga chart

[baguhin | baguhin ang wikitext]

Kasaysayan ng paglabas

[baguhin | baguhin ang wikitext]
Kasaysayan ng paglabas ng Ruby
Lalawigan Petsa Mga Pormat Tatak Ref.
Sari-sari Marso 7, 2025
[66][98]
Agosto 22, 2025 LP [99]

Mga sanggunian

[baguhin | baguhin ang wikitext]
  1. ↑ 1.0 1.1 Johnston, Maura (2025-03-07). "Jennie's 'Ruby' Is a Fast-Moving Good Time". Rolling Stone (sa wikang Ingles). Nakuha noong 2025-04-23.
  2. ↑ Peters, Mitchell (December 24, 2023). "BLACKPINK's Jennie Begins 'Solo Journey' with New Label and Company OA". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong January 1, 2024. Nakuha noong January 1, 2024.
  3. ↑ Lee, Yu-min (January 5, 2024). "'YG 떠난' 제니 "올해 정규앨범 발매 목표" (이효리의 레드카펫)" [Jennie, who 'left YG', "My goal is to release a full album this year" (Lee Hyori's Red Carpet)]. Sports Kyunghyang (sa wikang Koreano). South Korea. Inarkibo mula sa orihinal noong December 26, 2024. Nakuha noong January 5, 2024.
  4. ↑ Dong, Sun-hwa (March 31, 2024). "BLACKPINK's Jennie to drop new album in June". The Korea Times. South Korea. Inarkibo mula sa orihinal noong December 26, 2024. Nakuha noong January 21, 2025.
  5. ↑ Ahn, Yoon-ji (March 31, 2024). 블랙핑크 제니, 6월 컴백할까 "확정된 바 없다"[공식] [Blackpink Jennie, Will She Make a Comeback in June? "Nothing's Confirmed" [Official]]. Star News (sa wikang Koreano). South Korea. Inarkibo mula sa orihinal noong December 26, 2024. Nakuha noong January 21, 2025.
  6. ↑ Benjamin, Jeff (May 13, 2024). "ZICO Reacts to Earning His First Billboard No. 1 With 'Spot!' featuring BLACKPINK's Jennie". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong May 13, 2024. Nakuha noong January 21, 2025.
  7. ↑ "Last Looks: Jennie". Vogue. United States: Condé Nast. May 8, 2024. ISSN 0042-8000. Inarkibo mula sa orihinal noong May 12, 2024. Nakuha noong January 21, 2025.
  8. ↑ Delgado, Sara (June 21, 2024). "Is Jennie Shading Her Former Company in This New Song Snippet?". Teen Vogue. United States: Condé Nast. ISSN 1540-2215. OCLC 60618341. Inarkibo mula sa orihinal noong June 22, 2024. Nakuha noong January 21, 2025.
  9. ↑ Aswad, Jem (September 8, 2024). "Blackpink's Jennie Signs Solo Deal with Columbia Records". Variety. United States: Penske Media Corporation. ISSN 0042-2738. OCLC 60626328. Inarkibo mula sa orihinal noong September 8, 2024. Nakuha noong September 8, 2024.
  10. ↑ 10.0 10.1 10.2 10.3 Patel, Puja (September 19, 2024). "Jennie Is Going Her Own Way". Harper's Bazaar. United States: Hearst Communications. ISSN 0017-7873. Inarkibo mula sa orihinal noong September 19, 2024. Nakuha noong January 21, 2025.
  11. ↑ Das, Hrishita (November 26, 2024). "BLACKPINK's Jennie announces her debut solo album will be released in 2025". Pinkvilla (sa wikang Ingles). India. Inarkibo mula sa orihinal noong November 26, 2024. Nakuha noong January 21, 2025.
  12. ↑ "Jennie announces plan for solo album next year". The Korea Times. South Korea. December 26, 2024. Inarkibo mula sa orihinal noong January 22, 2025. Nakuha noong January 21, 2025.
  13. ↑ Yeo, Gladys (December 26, 2024). "BLACKPINK's Jennie teases debut solo album in new holiday greeting video". NME. United Kingdom. Inarkibo mula sa orihinal noong December 26, 2024. Nakuha noong January 21, 2025.
  14. ↑ 14.0 14.1 14.2 14.3 Havens, Lyndsey (January 9, 2025). "'It's a Fight Between Me, Myself and I': Jennie Goes Deep on Crafting Her Solo Album". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong January 11, 2025. Nakuha noong January 21, 2025.
  15. ↑ Yoon, So-yeon (January 22, 2025). "Jennie to release solo album Ruby on March 7, featuring Childish Gambino and Dua Lipa". Korea JoongAng Daily. South Korea: JoongAng Ilbo. Inarkibo mula sa orihinal noong January 22, 2025. Nakuha noong January 21, 2025.
  16. ↑ "Blackpink's Jennie drops 1st LP Ruby". The Korea Times. South Korea: Dongwha Group. March 7, 2025. Inarkibo mula sa orihinal noong March 10, 2025. Nakuha noong March 10, 2025.
  17. ↑ 17.0 17.1 Yoon, Seung-Jin (March 4, 2025). "Jennie took hands-on approach to production on album Ruby, agency says". Korea JoongAng Daily. South Korea: JoongAng Ilbo. Inarkibo mula sa orihinal noong March 4, 2025. Nakuha noong March 10, 2025.
  18. ↑ Bernardo, Jaehwa (January 22, 2025). "Blackpink's Jennie to drop album Ruby on March 7". ABS-CBN. Philippines: ABS-CBN Corporation. Inarkibo mula sa orihinal noong January 22, 2025. Nakuha noong January 21, 2025.
  19. ↑ 19.0 19.1 Chelosky, Danielle (January 21, 2025). "BLACKPINK's JENNIE Announces Debut Solo Album feat. Dua Lipa, Doechii, Childish Gambino, & More". Stereogum. United States. Inarkibo mula sa orihinal noong January 22, 2025. Nakuha noong January 21, 2025.
  20. ↑ Peters, Mitchell (January 25, 2025). "Jennie Drops Visually Striking 'Zen' Video After Ruby Album Announcement: Watch". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong January 25, 2025. Nakuha noong January 28, 2025.
  21. ↑ Ki, Adelle (February 19, 2025). "Jennie Reveals Ruby Album Tracklist". Hypebeast. Hong Kong. Inarkibo mula sa orihinal noong February 20, 2025. Nakuha noong February 20, 2025.
  22. ↑ Dailey, Hannah (February 27, 2025). "Jennie of Blackpink Unveils Snippets of Unreleased Songs in Ruby Album Sampler: Listen". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong March 10, 2025. Nakuha noong March 10, 2025.
  23. ↑ Mier, Tomás (October 1, 2024). "Jennie Announces Solo Single 'Mantra' with Flirty Teaser: 'Girls Just Gotta Have Fun'". Rolling Stone. United States: Penske Media Corporation. ISSN 0035-791X. OCLC 969027590. Inarkibo mula sa orihinal noong October 1, 2024. Nakuha noong October 1, 2024.
  24. ↑ 24.0 24.1 "Jennie Chart History (Hong Kong Songs)". Billboard. Nakuha noong March 17, 2025.
  25. ↑ "Jennie Chart History (Taiwan Songs)". Billboard. Nakuha noong October 22, 2024.
  26. ↑ Trust, Gary (October 21, 2024). "Lady Gaga & Bruno Mars' 'Die With a Smile' Tops Global 200 for Eighth Week, the Most of 2024". Billboard. United States: Penske Media Corporation. ISSN 0006-2510. OCLC 732913734. Inarkibo mula sa orihinal noong October 28, 2024. Nakuha noong October 21, 2024.
  27. ↑ "Digital Chart – Week 43 of 2024". Circle Chart (sa wikang Koreano at Ingles). Nakuha noong October 31, 2024.
  28. ↑ "Jennie Chart History (Indonesia Songs)". Billboard. Nakuha noong October 29, 2024.
  29. ↑ "Jennie Chart History (Malaysia Songs)". Billboard. Nakuha noong October 22, 2024.
  30. ↑ "Philippines Hot 100: Week of October 26, 2024". Billboard Philippines. Nakuha noong October 23, 2024.
  31. ↑ "RIAS Top Charts Week 42 (11 - 17 Oct 2024)". RIAS. Inarkibo mula sa orihinal noong October 22, 2024. Nakuha noong October 22, 2024.
  32. ↑ "The Official Mena Chart - This Week's Official MENA Chart Top 20 from 18/10/2024 to 24/10/2024". International Federation of the Phonographic Industry. Inarkibo mula sa orihinal noong October 29, 2024. Nakuha noong October 29, 2024.
  33. ↑ Zemler, Emily (January 31, 2025). "Jennie Taps Dominic Fike for Confessional Single 'Love Hangover'". Rolling Stone. United States: Penske Media Corporation. ISSN 0035-791X. OCLC 969027590. Inarkibo mula sa orihinal noong January 31, 2025. Nakuha noong January 31, 2025.
  34. ↑ 34.0 34.1 34.2 "Jennie Chart History (Global 200)". Billboard. Nakuha noong March 17, 2025.{{cite magazine}}: CS1 maint: url-status (link)
  35. ↑ "2025 Week 06 Digital Chart" (sa wikang Koreano). Circle Chart. February 2–8, 2025. Inarkibo mula sa orihinal noong February 13, 2025. Nakuha noong February 13, 2025.
  36. ↑ Chin, Carmen (February 14, 2025). "Blackpink's Jennie teases new single 'Extral', featuring Doechii". NME. United Kingdom. ISSN 0028-6362. Inarkibo mula sa orihinal noong February 14, 2025. Nakuha noong February 14, 2025.
  37. ↑ 37.0 37.1 37.2 "2025 Week 11 Digital Chart" (sa wikang Koreano). Circle Chart. March 9–15, 2025. Inarkibo mula sa orihinal noong March 21, 2025. Nakuha noong March 20, 2025.
  38. ↑ Gularte, Alejandra (March 7, 2025). "She Knows You Dream of Jennie". Vulture. United States: Vox Media. Inarkibo mula sa orihinal noong March 7, 2025. Nakuha noong March 7, 2025.
  39. ↑ "The Official Southeast Asia Charts – This Week's Official Malaysia Chart Top 20 from 03/07/2025 to 03/13/2025". International Federation of the Phonographic Industry. Nakuha noong March 18, 2025.
  40. ↑ Trust, Gary (March 17, 2025). "Lady Gaga & Bruno Mars' 'Die With a Smile' Dominates Both Billboard Global Charts". Billboard. Inarkibo mula sa orihinal noong March 17, 2025. Nakuha noong March 17, 2025.
  41. ↑ Pop Mart (March 11, 2025). "Your Radio Add Recaps". Hits. United States. OCLC 15994494. Inarkibo mula sa orihinal noong March 13, 2025. Nakuha noong March 13, 2025.
  42. ↑ Gonzales, Erica Gonzales (March 10, 2025). "Jennie and Dua Lipa Star in a Trippy New Music Video for Their Song 'Handlebars'". Elle. France: Louis Hachette Group. Inarkibo mula sa orihinal noong March 10, 2025. Nakuha noong March 10, 2025.
  43. ↑ Zemler, Emily (October 16, 2024). "Jennie Hits the Mark With 'Mantra' Performance on 'Kimmel'". Rolling Stone. Inarkibo mula sa orihinal noong November 25, 2024. Nakuha noong October 16, 2024.
  44. ↑ Lee, Ye-jin (October 17, 2024). 제니, 8년만 '엠카' 컴백…레전드 미모, 카리나 꺾고 첫 음방 1위 [엑's 이슈] [Jennie is back on "M Countdown" for the first time in 8 years...Legendary beauty beat Karina to win first place on a music show. [Ex's issue]] (sa wikang Koreano). Xsports News. Nakuha noong October 17, 2024 – sa pamamagitan ni/ng Nate.
  45. ↑ Kim, Tae-hyung (October 19, 2024). '쇼! 음악중심' 에스파 카리나 'UP' 1위…씨엔블루·제니·세븐틴 등 출격 [TV캡처] ['Show! Music Core' Aespa's Karina 'UP' 1st Place... CNBLUE, Jennie, Seventeen, etc. Appear [TV Capture]]. Sports Today (sa wikang Koreano). Nakuha noong October 19, 2024.
  46. ↑ Jeong, Ji-won (November 13, 2024). '슈퍼팝 재팬' 제니, 글로벌 스타 출격에 日 열광 "보고싶었다" ['Superpop Japan' Jennie, Japan's enthusiasm for global star debut "I missed you"]. Joy News (sa wikang Koreano). Nakuha noong November 13, 2024.
  47. ↑ Saulog, Gabriel (February 12, 2025). "JENNIE Showcases Her Rap Prowess On Live Performance Video of "Love Hangover" – Watch". Billboard Philippines. Inarkibo mula sa orihinal noong March 14, 2025. Nakuha noong February 12, 2025.
  48. ↑ Ahn, Byeong-gil (March 13, 2025). 제니, 빌보드 출연 첫 주인공···독점 인터뷰+퍼포먼스 [Jennie, Billboard's first appearance as the main character···Exclusive interview + performance]. Sports Kyunghyang (sa wikang Koreano). Inarkibo mula sa orihinal noong March 13, 2025. Nakuha noong March 5, 2025.
  49. ↑ Hwang, You-mee (November 21, 2024). "Blackpink's Jennie, Lisa invited to Coachella as solo acts". The Korea Herald. South Korea: Herald Corporation. Asia News Network. Inarkibo mula sa orihinal noong March 10, 2025. Nakuha noong March 10, 2025.
  50. ↑ Mier, Tomás (January 25, 2025). "Jennie Will Celebrate Debut Solo Album with 'Intimate' Ruby Experience Shows". Rolling Stone. United States: Penske Media Corporation. ISSN 0035-791X. OCLC 969027590. Inarkibo mula sa orihinal noong January 25, 2025. Nakuha noong January 28, 2025.
  51. ↑ 51.0 51.1 Garcia, Thania (March 7, 2025). "Jennie Brings 'The Ruby Experience' to Los Angeles for a Sweet and Sultry Intro to Her Solo Era: Concert Review". Variety. Inarkibo mula sa orihinal noong March 8, 2025. Nakuha noong March 19, 2025.
  52. ↑ Mang, Lolita (March 11, 2025). "Jennie (de BLACKPINK) sera en concert en France pour une date unique". Vogue France (sa wikang Pranses). Inarkibo mula sa orihinal noong March 11, 2025. Nakuha noong March 11, 2025.
  53. ↑ Fell, Nicole (March 7, 2025). "The Ruby Experience Gives L.A. Crowd a Chance to Rock With Jennie". The Hollywood Reporter. Inarkibo mula sa orihinal noong March 10, 2025. Nakuha noong March 18, 2025.
  54. ↑ Ruby by JENNIE (sa wikang Ingles), nakuha noong 2025-04-23
  55. ↑ Bell, Crystal (2025-03-07). "Jennie – 'Ruby' review: a bold, self-assured debut that redefines her narrative". NME (sa wikang Ingles). Nakuha noong 2025-04-23.
  56. ↑ Interviews, Clash Magazine Music News, Reviews &; ClashMusic (2025-03-07). "Jennie - Ruby | Reviews". Clash Magazine Music News, Reviews & Interviews (sa wikang Ingles). Nakuha noong 2025-04-23.{{cite web}}: CS1 maint: multiple names: mga may-akda (link)
  57. ↑ Sherman, Maria (March 7, 2025). "Music Review: Blackpink's Jennie steps out on her own with debut solo album, Ruby" (sa wikang Ingles). United States. Associated Press. Inarkibo mula sa orihinal noong March 9, 2025. Nakuha noong March 7, 2025.
  58. ↑ Caramanica, Jon (2025-03-12). "Blackpink's Members Wrestle With the Mega-Group's Long Shadow". The New York Times (sa wikang Ingles). ISSN 0362-4331. Nakuha noong 2025-04-23.
  59. ↑ Fell, Nicole (March 5, 2025). "Jennie's Debut Solo Album Racks Up 450K Pre-Orders". The Hollywood Reporter. United States: Eldridge Industries. ISSN 0018-3660. OCLC 44653726. Inarkibo mula sa orihinal noong March 5, 2025. Nakuha noong March 5, 2025.
  60. ↑ Fell, Nicole (March 18, 2025). "Jennie Hits 1M Global Sales in First Week for Debut Album 'Ruby'". The Hollywood Reporter. United States: Eldridge Industries. ISSN 0018-3660. OCLC 44653726. Inarkibo mula sa orihinal noong March 19, 2025. Nakuha noong March 18, 2025.
  61. ↑ "Jennie sets first-week sales record for K-pop female soloist this year". Yonhap News Agency. March 14, 2025. Inarkibo mula sa orihinal noong March 14, 2025. Nakuha noong March 14, 2025.
  62. ↑ 62.0 62.1 "Circle Album Chart – Week 10 of 2025". Circle Chart (sa wikang Koreano). Nakuha noong March 13, 2025.
  63. ↑ "A monstrous debut for Lady Gaga". Australian Recording Industry Association. March 14, 2025. Inarkibo mula sa orihinal noong March 14, 2025. Nakuha noong March 14, 2025.
  64. ↑ Lee, Jae-hoon (March 15, 2025). 제니, 뭐니! 음방도 삼켰다 [Jennie's 'Ruby', Highest Ranking K-Pop Solo on UK Album Chart, Tied for 3rd Place... G-Dragon's 'Übermensch' at 93rd Place]. Newsis (sa wikang Koreano). Inarkibo mula sa orihinal noong March 21, 2025. Nakuha noong March 15, 2025.
  65. ↑ Caulfield, Keith (March 16, 2025). "Lady Gaga's Mayhem Debuts at No. 1 on Billboard 200 Chart". Billboard. Inarkibo mula sa orihinal noong March 16, 2025. Nakuha noong March 16, 2025.
  66. ↑ 66.0 66.1 Jennie (February 21, 2025). "Ruby / Jennie / Credits". Tidal. Inarkibo mula sa orihinal noong March 10, 2025. Nakuha noong March 10, 2025.
  67. ↑ "ARIA Top 50 Albums Chart". Australian Recording Industry Association. March 17, 2025. Nakuha noong March 14, 2025.
  68. ↑ Hung, Steffen. "Jennie [KR] - Ruby". austriancharts.at. Nakuha noong 2025-04-24.
  69. ↑ "Jennie [KR] - Ruby - ultratop.be". www.ultratop.be. Nakuha noong 2025-04-24.
  70. ↑ "Jennie [KR] - Ruby - ultratop.be". www.ultratop.be. Nakuha noong 2025-04-24.
  71. ↑ 71.0 71.1 "JENNIE | Biography, Music & News". Billboard (sa wikang Ingles). Nakuha noong 2025-04-24.
  72. ↑ "ČNS IFPI". ifpicr.cz. Nakuha noong 2025-04-24. Note: Sa pahina ng chart, piliin ang 12.Týden 2025 sa field katabi ng mga katagang "CZ – ALBUMS – TOP 100" para makita at makuha ang tamang chart.
  73. ↑ "Hitlisten.NU". Hitlisten.NU. Nakuha noong 2025-04-24.
  74. ↑ Hung, Steffen. "Jennie [KR] - Ruby". hitparade.ch. Nakuha noong 2025-04-24.
  75. ↑ "Listat". Musiikkituottajat (sa wikang Pinlandes). Nakuha noong 2025-04-25.
  76. ↑ "Top Albums". SNEP (sa wikang Pranses). Nakuha noong 2025-04-25.
  77. ↑ "Offizielle Deutsche Charts". www.offiziellecharts.de. Nakuha noong 2025-04-25.
  78. ↑ lightmedia.hu. "Hivatalos magyar slágerlisták". slagerlistak.hu. Nakuha noong 2025-04-25.
  79. ↑ "Official Irish Albums Chart on 14/3/2025". Official Charts (sa wikang Ingles). Nakuha noong 2025-04-25.
  80. ↑ "Album & Compilation – Classifica settimanale WK 11 (dal 07.03.2025 al 13.03.2025)" (sa wikang Italyano). Federazione Industria Musicale Italiana. Nakuha noong March 15, 2025.
  81. ↑ "2025年03月03日～2025年03月09日 オリコン週間 アルバムランキング 21～30位". ORICON NEWS (sa wikang Hapones). Nakuha noong 2025-04-25.
  82. ↑ "Oricon Top 50 Combined Albums: 2025-03-24" (sa wikang Hapones). Oricon. Inarkibo mula sa orihinal noong March 20, 2025. Nakuha noong March 20, 2025.
  83. ↑ "Billboard Japan Hot Albums – Week of April 9, 2025". Billboard Japan (sa wikang Hapones). Nakuha noong April 10, 2025.
  84. ↑ "2025 11-os savaitės klausomiausi (Top 100)" (sa wikang Lithuanian). AGATA. March 14, 2025. Nakuha noong March 14, 2025.
  85. ↑ "NZ Top 40 Albums Chart". Recorded Music NZ. March 14, 2025. Nakuha noong March 14, 2025.
  86. ↑ "Official Top 100 Albums: March 7th, 2025 - March 13th, 2025". TurnTable. Inarkibo mula sa orihinal noong March 21, 2025. Nakuha noong March 21, 2025.
  87. ↑ "Album 2025 uke 11". VG-lista. Nakuha noong March 15, 2025.
  88. ↑ "OLiS - oficjalna lista sprzedaży". www.olis.pl (sa wikang Polako). Nakuha noong 2025-04-25.
  89. ↑ "Top 200 Álbuns Semana 11 de 2025" (PDF). Associação Fonográfica Portuguesa. March 20, 2025. Inarkibo (PDF) mula sa orihinal noong March 20, 2025. Nakuha noong March 20, 2025.
  90. ↑ "Official Scottish Albums Chart on 14/3/2025". Official Charts (sa wikang Ingles). Nakuha noong 2025-04-25.
  91. ↑ "Top 100 Slovak Albums". International Federation of the Phonographic Industry. Nakuha noong April 7, 2025.
  92. ↑ "Top 100 Albums – Week 11". El Portal de Música. Productores de Música de España. Nakuha noong March 17, 2025.
  93. ↑ "Veckolista Album, vecka 11, 2025". Sverigetopplistan. Nakuha noong March 15, 2025.
  94. ↑ Jennie [KR] - Ruby, nakuha noong 2025-04-25
  95. ↑ "Official Albums Chart Top 100 on 14/3/2025". Official Charts (sa wikang Ingles). 2025-03-26. Nakuha noong 2025-04-25.
  96. ↑ "Oricon Top 50 Albums: 2025-03" (sa wikang Hapones). Oricon. Inarkibo mula sa orihinal noong April 9, 2025. Nakuha noong April 9, 2025.
  97. ↑ "Circle Album Chart – March 2025". Circle Chart (sa wikang Koreano). Nakuha noong April 10, 2025.
  98. ↑ Pormat ng pagpapalabas ng Ruby:
  99. ↑ Jennie. "Ruby Vinyl". Official Website. Columbia Records. Inarkibo mula sa orihinal noong May 2, 2025. Nakuha noong May 2, 2025.
Kinuha sa "https://tl.wikipedia.org/w/index.php?title=Ruby_(album)&oldid=2160061"