Tulay ng San Juanico
| Tulay ng San Juanico San Juanico Bridge | |
|---|---|
 Ang tanawin ng Tulay ng San Juanico mula Samar patungong Leyte. | |
| Nagdadala ng | dalawang linya ng trapikong pansasakyan; mga sidewalk para sa mga naglalakad |
| Tumatawid sa | Kipot ng San Juanico |
| Pook | Santa Rita, Samar at Tacloban, Leyte |
| Pinanatili ng | Kagawaran ng Pagawaing Bayan at Lansangan |
| Disenyo | Hugis-arko na truss bridge |
| Pinakamahabang kahabaan | 137 m (449 tal) [kailangan ng sanggunian] |
| Kabuuang haba | 2,200 m (7,200 tal) |
| Taas | 41 m (135 tal) |
| Simulang petsa ng pagtatayo | 1969 |
| Petsa ng pagtatapos sa pagtatayo | 1973 |
| Mga koordinado | 11°18′10″N 124°58′19″E / 11.30278°N 124.97194°E |
Ang Tulay ng San Juanico (Ingles: San Juanico Bridge) ay ang tulay na pinagdudugtong ang mga pulo ng Leyte at Samar sa ibabaw ng Kipot ng San Juanico. Bahagi ito ng Pan-Philippine Highway, at may kabuuang haba itong 2,200 metro (7,200 talampakan)—ang pinakamahabang tulay sa Pilipinas.[1] Ang tulay ay inihandog kay Imelda Marcos, asawa ni dating pangulong Ferdinand Marcos.[2]
Bahagyang nasira ang tulay nang nanalasa ang Bagyong Yolanda sa Silangang Kabisayaan noong Nobyembre 2013, subalit isinaayos ito muli pagkalipas.
Mga paghihigpit noong 2025
[baguhin | baguhin ang wikitext]Noong Mayo 2025, nagpatupad ang DPWH ng 3-toneladang limitasyon sa axle load sa San Juanico Bridge dahil sa mga isyung estruktural. Ginamit ang mga ruta ng RoRo bilang pansamantalang alternatibo.[3][4]
Konstruksyon
[baguhin | baguhin ang wikitext]Ang proyecto ng pamahalaan na $21.9 milyong dolyar na tulay ay ikinontrata sa Construction and Development Corporation of the Philippines (ngayon ay Philippine National Construction Corporation), na kasama ang mga inhinyerong Hapones ay nagsagawa ng mga pag-aaral at dinisenyo ang proyekto sa ilalim ng pagkapangulo ni dating Pangulong Ferdinand Marcos. Sinimulan ang pagtatayo ng tulay noong 1969 sa ibabaw ng Kipot ng San Juanico mula Cabalawan, lungsod ng Tacloban hanggang sa bayan ng Santa Rita, Samar. Natapos ang konstruksyon noong 1973.
Pakinabang sa ekonomiya
[baguhin | baguhin ang wikitext]Ang tulay na nagdudugtong ng lungsod ng Tacloban sa Leyte at bayan ng Santa Rita sa Samar ay nagbibigay ng maraming mga magagandang tanawin, lalo na ng Kipot ng San Juanico kasama ang libo-libong mga alimpuyo nito gayundin mga maliliit na pulo ng dalawang lalawigan sa nasabing kipot. Ito ay mga sampung minuto mula sa kabayanan ng Tacloban at mararating sa pamamagitan ng mga pampasaherong dyipni, bus, motor kab o pampribadong sasakyan. Ang tulay ay may 43 agwat at maaaring dumaan sa ilalim ng pangunahin at malaking arko ang mga bangkang katamtaman ang laki. Ang itaas ng nasabing arko ay umaabot sa 41 metro sa ibabaw ng lebel ng dagat.[1]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- 1 2 "San Juanico Bridge, the country's longest". Cebu Network.com. Inarkibo mula sa orihinal noong 20 Abril 2009. Nakuha noong 13 Oktubre 2013.
- ↑ Sabornido, Lyza (17 September 2014). "10 Facts You Should Know about San Juanico Bridge in Samar and Leyte". FAQ.ph. Nakuha noong 26 Mayo 2016.
- ↑ 3-ton load limit ipinataw sa San Juanico Bridge ng DPWH. Manila Bulletin. Nakuha noong Mayo 15, 2025.
- ↑ Marcos, ipinag-utos ang pansamantalang paggamit ng RoRo. SunStar Tacloban. Nakuha noong Mayo 15, 2025.
Mga ugnay panlabas
[baguhin | baguhin ang wikitext]
- San Juanico: Emerald and Crimson Naka-arkibo 2016-04-23 sa Wayback Machine.
- More photos and information on the San Juanico Bridge Naka-arkibo 2007-10-25 sa Wayback Machine.
- Leyte Local Government Unit Naka-arkibo 2007-12-11 sa Wayback Machine.
- Crossing the San Juanico Bridge Naka-arkibo 2017-04-21 sa Wayback Machine.
- San Juanico Bridge: Linking Leyte and Samar, Connecting Luzon and Mindanao Naka-arkibo 2013-08-26 sa Wayback Machine.