Santa Praxedes
Práxedes | |
|---|---|
 Saint Praxidis. Ipinatungkol ang pinta kay Johannes Vermeer (mga 1655). | |
| Birhen Kaibigan sa Banal na Mga Apostol | |
| Namatay | 165[1] |
| Benerasyon sa | Simbahang Katolika Romana Simbahang Ortodokso ng Silangan |
| Kapistahan | Hulyo 21 |
Si Santa Praxedes (Saint Práxedes) ay isang tradisyonal na santang Kristiyano ng ikalawang dantaon. Minsang binabaybay rin ang kaniyang pangalan bilang Praxedis (Πραξηδίς) o Praxed.
Biyograpiya[baguhin | baguhin ang wikitext]
Kaunti lamang ang kaalaman hinggil kay Praxedes, at hindi nakikiayon ang mga tala. Ayon sa The Golden Legend ni Jacobus de Voragine, si Praxedes ay kapatid ni Santa Prudenciana; ang iba pang mga kapatid nila ay sina San Donatus at San Timoteo. Noong isa sa mga panahon ng pagpapahirap, inilibig nila ang mga katawan ng mga Kristiyanong pinagmalupitan at namahagi ng mga produkto sa mga mahihirap. Nakasaad sa maikling tala ni de Voragine na namatay sila noong 165 P,K., "sa panahon ng pamumuno nina Emperador Marcus at Emperador Antoninus II."[notes 1][1]
Sa kaniyang lahok para kay San Novacio, binanggit ni Sabine Baring-Gould na ang "banal na birheng" si Praxedes ay isang anak ni San Pudens, at ang mga kapatid niya ay sina Santa Prudenciana, San Novacio at San Timoteo. Sinasabing namatay si Novacio noong 151 P.K..[3]
Mga libingan[baguhin | baguhin ang wikitext]
Ibinaon ang mga labi nina Praxedes at Prudenciana sa Katakumba ng Priscilla na binansagang "Reyna ng mga Katakumba" dahil sa maraming nakalibing na mga martir at santo papa. Paglaon, naging magkaugnay sila sa isang simbahang Romano, ang Titulus Pudentis, na ipinalalagay na ipinangalan sa kanilang amang si San Pudens, at nakilala rin bilang Ecclesia Pudentiana. (Ang kaugnayang ito ay maaring humantong sa pagtawag kay Potenciana bilang Prudenciana.) Ayon sa Catholic Encyclopedia, "Ang dalawang mga babaeng naghahandog ng kanilang mga korona kay Kristo sa mosaiko ng abside (apse) sa St. Pudentiana ay maaaring sina Potenciana at Praxedes."[4]
Noong ika-apat na dantaon, itinayo ang isang simbahang Titulus Praxedis na nakakawing nang husto sa pagpipintuho kay Santa Praxedes. Ang mga reliko niya at ng kaniyang kapatid na babae ay inilipat sa nasabing simbahan, na itinayo muli ni Papa Pascual I (817–824) at pinalitan ang pangalan sa Santa Prassede.[4]
Mga katukayo[baguhin | baguhin ang wikitext]
Mga tao[baguhin | baguhin ang wikitext]
- Práxedes Fajardo (1874 – 1928), manghihimagsik na Pilipino
- Práxedes Mateo Sagasta (ipinanganak sa kaniyang kapistahan, 1825 – 1903), inhinyerong sibil at politikong Kastila
- Práxedis Guerrero (1882 – 1910), manunula, mamamahayag, at mandirigmang anarkista
- Praxède Larue (1823 – 1902), manggagamot at taong tanyag sa politika na Canadian
Mga lugar[baguhin | baguhin ang wikitext]
- Basilika ni Santa Praxedes (Santa Prassede, simbahan sa Roma)
- Santa Praxedes, Cagayan, Pilipinas (bayan)
- Sainte-Praxède, Québec, Canada (parokyang munisipalidad)
- Práxedis G. Guerrero, Chihuahua, Mehiko (bayan)
Talababa[baguhin | baguhin ang wikitext]
- ↑ Namuno si Antoninus Pius noong 138–161; Marcus Aurelius mula noong 161 P.K.. May nakatalang "Marcus Antoninus" ang Catholic Online (iyan ay si Marcus Aurelius, na ang kaniyang buong pangalan ay "Marcus Aurelius Antoninus Severus") ngunit hindi nagbigay ng sanggunian para sa pagtukoy na ito.[2]
Mga sanggunian[baguhin | baguhin ang wikitext]
- ↑ 1.0 1.1 de Voragine, Jacobus (1995). William Granger Ryan (pat.). The Golden Legend Vol. 1. Princeton UP. p. 374. ISBN 978-0-691-00153-1. Nakuha noong Oktubre 26, 2010.
- ↑ "St. Práxedes". Catholic Online. Nakuha noong 26 October 2010.
- ↑ Baring-Gould, Sabine (2009). The Lives of the Saints. BiblioBazaar. pp. 269–70. ISBN 978-1-113-80661-1. Nakuha noong 26 October 2010.
- ↑ 4.0 4.1 "Práxedes and Pudentia". Catholic Encyclopedia. Nakuha noong 26 October 2010.
Mga kawing panlabas[baguhin | baguhin ang wikitext]
- Herbermann, Charles, pat. (1913). . Catholic Encyclopedia (sa Ingles). New York: Robert Appleton Company.
- Catholic Online
- Colonnade Statue in St Peter's Square
- (sa Noruwego) Praxedis av Roma