Pumunta sa nilalaman

Semantic Scholar

Mula sa Wikipedia, ang malayang ensiklopedya
Semantic Scholar
Uri ng sayt
Search engine
LumikhaAllen Institute for Artificial Intelligence
URLsemanticscholar.org
Nilunsad2 Nobyembre 2015; 10 taon na'ng nakalipas (2015-11-02)[1]

Ang Semantic Scholar ay isang kagamitan para sa pananaliksik ng siyentipikong panitikan. Binuo ito sa Allen Institute for AI at inilabas sa publiko noong Nobyembre 2015.[2] Ginagamit ng Semantic Scholar ang makabagong mga pamamaraan sa pagproseso ng likas na wikaupang suportahan ang proseso ng pananaliksik, halimbawa, sa pamamagitan ng pagbibigay ng awtomatikong nabubuong mga buod ng mga papel na iskolar.[3] Ang pangkat ng Semantic Scholar ay aktibong nagsasaliksik sa paggamit ng artipisyal na intelihensya (AI) sa natural na pagpoproseso ng wika, pagkatuto ng makina, pakikipag-ugnayan ng tao-sa-kompyuter, at pagkuha ng impormasyon.[4]

Nagsimula ang Semantic Scholar bilang database para sa mga paksa ng agham pangkompyuter, heosiyensiya, at neurosiyensya.[5] Noong 2017, nagsimula ang sistema na isama ang panitikang biyomedikal sa corpus nito. [5] Noong Setyembre 2022, ito ay may higit sa 200 milyong publikasyon mula sa lahat ng larangan ng agham.

Teknolohiya

[baguhin | baguhin ang wikitext]

Nagbibigay ang Semantic Scholar ng isang pangungusap na buod ng siyentipikong panitikan. Isa sa mga layunin nito ay tugunan ang hamon ng pagbabasa ng maraming pamagat at mahahabang abstrak sa mga kagamitang mobile.[6] Nilalayon din nitong tiyakin na ang tatlong milyong papel na pang-agham na inilathala taun-taon ay umabot sa mga mambabasa, dahil tinatayang kalahati lamang ng literaturang ito ang nababasa.[7]

Ginagamit ang artipisyal na intelihensya upang kunin ang diwa ng isang papel, na nalilikha gamit ang isang pamamaraan na tinatawag na "abstraktibo"[3] o pagbuod batay sa diwa. Gumagamit ang proyekto ng pinagsamasamng pagkakatuto ng makina, natural na pagpoproseso ng wika, at imahe ng makina upang magdagdag ng pagsusuring semantiko sa mga tradisyunal na pamamaraan ng pagsusuri ng sipi, at upang kunin ang mga nauugnay na pigura, talahanayan, entidad, at pahayagan mula sa mga papel.[8][9]

Ang isa pang pangunahing tampok na pinapagana ng AI ay ang Research Feeds (Mga Balita sa Pananaliksik), isang adaptibong tagapayo sa pananaliksik na gumagamit ng AI upang mabilis na matutunan kung aling mga papel ang mahalaga sa mga gumagamit at magrekomenda ng pinakabagong pananaliksik upang matulungan ang mga iskolar na manatiling napapanahon. Gumagamit ito ng pinakabagong modelo ng pag-embed (o paglalarawan sa anyong numerikal) ng papel na sinanay gamit ang pagkatutong paghahambing upang makahanap ng mga papel na katulad ng nasa bawat polder ng Library (o Aklatan).[10]

Nag-aalok din ang Semantic Scholar ng Semantic Reader, isang pinahusay na mambabasa na may potensyal na baguhin ang paraan ng pagbasa ng siyentipikong panitikan sa pamamagitan ng paggawa nitong mas madaling maunawaan at mayaman sa konteksto.[11] Nagbibigay ang Semantic Reader ng in-line citation card (o kard ng sipi ng teksto) na nagpapakita ng mga sipi na may TLDR (daglat para sa Too Long, Didn't Read na nangangahulugang maikling buod) habang nagbabasa, at mga tampok sa pagbasa na sumasaklaw sa mga pangunahing punto ng papel upang mas mabilis itong maunawaan.

Hindi tulad ng Google Scholar at PubMed, idinisenyo ang Semantic Scholar upang bigyan-diin ang pinakamahalaga at pinakaimpluwensyal na bahagi ng isang papel.[12] Ang teknolohiya ng AI ay idinisenyo upang matukoy ang mga nakatagong koneksyon at mga link sa pagitan ng mga paksa ng pananaliksik.[13] Tulad ng nabanggit na mga search engine, ginagamit din ng Semantic Scholar ang mga istrukturang grapiko, na kinabibilangan ng Microsoft Academic Knowledge Graph, Springer Nature's SciGraph, at ang Semantic Scholar Corpus (orihinal na may 45 milyong papel na corpus sa agham pangkompyuter, neurosiyensya, at biyomedisina).[14][15]

Tagatukoy ng artikulo

[baguhin | baguhin ang wikitext]

Ang bawat papel na naka-host o nakalagay sa Semantic Scholar ay binibigyan ng isang natatanging pagkakakilanlan na tinatawag na Semantic Scholar Corpus ID (S2CID). Halimbawa:

Liu, Ying; Gayle, Albert A; Wilder-Smith, Annelies; Rocklöv, Joacim (Marso 2020). "The reproductive number of COVID-19 is higher compared to SARS coronavirus". Journal of Travel Medicine (sa wikang Ingles). 27 (2). doi:10.1093/jtm/taaa021. PMID 32052846.

Pag-indeks

[baguhin | baguhin ang wikitext]

Isang pag-aaral ang inihambing ang saklaw ng indeks ng Semantic Scholar sa Google Scholar, at natuklasan na para sa mga papel na binanggit ng mga sekondaryang pag-aaral sa agham pangkompyuter, magkatulad ang saklaw ng dalawang indeks, na pareho lamang ang may ilang papel na hindi nasama.[16]

Bilang ng mga gumagamit at publikasyon

[baguhin | baguhin ang wikitext]

Noong Enero 2018, kasunod ng proyekto noong 2017 na nagdagdag ng biyomedikal na papel at mga buod ng paksa, ang Semantic Scholar corpus ay may higit sa 40 milyong papel mula sa agham pangkompyuter at biyomedisina.[17] Noong Marso 2018, si Doug Raymond, na nagbuo ng mga inisiyatibo sa pagkatuto ng makina para sa Amazon Alexa, ay inupahan upang pamunuan ang proyekto ng Semantic Scholar.[18] Noong Agosto 2019, ang bilang ng metadatos ng mga papel (hindi mismo ang PDF) ay lumampas sa 173 milyon[19] matapos idagdag ang mga rekord ng Microsoft Academic Graph.[20] Noong 2020, dahil sa pakikipagtulungan sa pagitan ng Semantic Scholar at ng Pahayagang Dyornal ng Unibersidad ng Chicago, lahat ng artikulong nailathala sa ilalim ng Pahayagang Unibersidad ng Chicago ay magagamit sa corpus ng Semantic Scholar.[21] Sa katapusan ng 2020, na-index ng Semantic Scholar ang 190 milyong papel.[22] Noong 2020, naabot ng Semantic Scholar ang pitong milyong gumagamit bawat buwan.[6]

Mga sanggunian

[baguhin | baguhin ang wikitext]
  1. ↑ Jones, Nicola (2015). "Artificial-intelligence institute launches free science search engine". Nature (sa wikang Ingles). doi:10.1038/nature.2015.18703. ISSN 1476-4687. S2CID 182440976.
  2. ↑ Eunjung Cha, Ariana (3 November 2015). "Paul Allen's AI research group unveils program that aims to shake up how we search scientific knowledge. Give it a try". The Washington Post. Inarkibo mula sa orihinal noong 6 November 2019. Nakuha noong November 3, 2015.
  3. ↑ 3.0 3.1 Hao, Karen (Nobyembre 18, 2020). "An AI helps you summarize the latest in AI". MIT Technology Review (sa wikang Ingles). Nakuha noong 2021-02-16.
  4. ↑ "Semantic Scholar Research". research.semanticscholar.org (sa wikang Ingles). Nakuha noong 2021-11-22.
  5. ↑ 5.0 5.1 Fricke, Suzanne (2018-01-12). "Semantic Scholar". Journal of the Medical Library Association (sa wikang Ingles). 106 (1): 145–147. doi:10.5195/jmla.2018.280. ISSN 1558-9439. PMC 5764585.
  6. ↑ 6.0 6.1 Grad, Peter (Nobyembre 24, 2020). "AI tool summarizes lengthy papers in a sentence". Tech Xplore (sa wikang Ingles). Nakuha noong 2021-02-16.
  7. ↑ "Allen Institute's Semantic Scholar now searches across 175 million academic papers". VentureBeat (sa wikang Ingles). 2019-10-23. Inarkibo mula sa orihinal noong 2021-01-28. Nakuha noong 2021-02-16.
  8. ↑ Bohannon, John (11 Nobyembre 2016). "A computer program just ranked the most influential brain scientists of the modern era". Science (sa wikang Ingles). doi:10.1126/science.aal0371. Inarkibo mula sa orihinal noong 29 Abril 2020. Nakuha noong 12 Nobyembre 2016.
  9. ↑ Christopher Clark; Santosh Divvala (2016), PDFFigures 2.0: Mining figures from research papers, Proceedings of the 16th ACM/IEEE-CS on Joint Conference on Digital Libraries - JCDL '16 (sa wikang Ingles), Wikidata Q108172042
  10. ↑ "Semantic Scholar | Frequently Asked Questions" (sa wikang Ingles). Inarkibo mula sa orihinal noong Hulyo 15, 2023.
  11. ↑ "Semantic Scholar | Semantic Reader". Semantic Scholar (sa wikang Ingles). Inarkibo mula sa orihinal noong July 15, 2023.
  12. ↑ "Semantic Scholar". International Journal of Language and Literary Studies (sa wikang Ingles). Nakuha noong 2021-11-09.
  13. ↑ Baykoucheva, Svetla (2021). Driving Science Information Discovery in the Digital Age (sa wikang Ingles). Chandos Publishing. p. 91. ISBN 978-0-12-823724-3. OCLC 1241441806.
  14. ↑ Jose, Joemon M.; Yilmaz, Emine; Magalhães, João; Castells, Pablo; Ferro, Nicola; Silva, Mário J.; Martins, Flávio (2020). Advances in Information Retrieval: 42nd European Conference on IR Research, ECIR 2020, Lisbon, Portugal, April 14–17, 2020, Proceedings, Part I (sa wikang Ingles). Cham, Switzerland: Springer Nature. p. 254. ISBN 978-3-030-45438-8. OCLC 1164658107.
  15. ↑ Ammar, Waleed (2019). "Open Research Corpus". Semantic Scholar Lab Open Research Corpus (sa wikang Ingles). Inarkibo mula sa orihinal noong 2019-03-29. Nakuha noong 2024-08-05.
  16. ↑ Hannousse, Abdelhakim (2021). "Searching relevant papers for software engineering secondary studies: Semantic Scholar coverage and identification role". IET Software (sa wikang Ingles). 15 (1): 126–146. doi:10.1049/sfw2.12011. ISSN 1751-8814.
  17. ↑ "AI2 scales up Semantic Scholar search engine to encompass biomedical research". GeekWire (sa wikang Ingles). 2017-10-17. Inarkibo mula sa orihinal noong 2018-01-19. Nakuha noong 2018-01-18.
  18. ↑ "Tech Moves: Allen Instititue Hires Amazon Alexa Machine Learning Leader; Microsoft Chairman Takes on New Investor Role; and More" (sa wikang Ingles). GeekWire. 2018-05-02. Inarkibo mula sa orihinal noong 2018-05-10. Nakuha noong 2018-05-09.
  19. ↑ "Semantic Scholar". Semantic Scholar (sa wikang Ingles). Inarkibo mula sa orihinal noong 11 Agosto 2019. Nakuha noong 11 Agosto 2019.
  20. ↑ "AI2 joins forces with Microsoft Research to upgrade search tools for scientific studies". GeekWire (sa wikang Ingles). 2018-12-05. Inarkibo mula sa orihinal noong 2019-08-25. Nakuha noong 2019-08-25.
  21. ↑ "The University of Chicago Press joins more than 500 publishers working with Semantic Scholar to improve search and discoverability". RCNi Company Limited (sa wikang Ingles). Nakuha noong 2021-11-22.
  22. ↑ Dunn, Adriana (Disyembre 14, 2020). "Semantic Scholar Adds 25 Million Scientific Papers in 2020 Through New Publisher Partnerships" (PDF). Semantic Scholar (sa wikang Ingles). Inarkibo mula sa orihinal (PDF) noong Nobyembre 15, 2021. Nakuha noong Nobyembre 22, 2021.
Nagmula sa "https://tl.wikipedia.org/w/index.php?title=Semantic_Scholar&oldid=2183951"