Sementeryo del Sur
 Bungad ng Sementeryo ng Timog Maynila | |
| Detalye | |
|---|---|
| Itinatag | 1925 |
| Kinaroroonan | Maynila, Kalakhang Maynila |
| Bansa | Pilipinas |
| Klase | pampubliko |
| Nagmamay-ari | Lungsod ng Maynila |
| Sukat | 25 ektarya (62 akre) |
| Blg. ng libingan | 52,234 |
| Website | http://manila.gov.ph/south-cemetery/ |
Ang Sementeryo del Sur[1] o Sementeryo ng Timog Maynila (Ingles: Manila South Cemetery) ay isang pampublikong libingan sa Kalakhang Maynila. Bagaman matatagpuan sa loob ng Makati, ito'y nasa hurisdiksiyon ng Lungsod ng Maynila at bahagi o eksklabo ng San Andres Bukid.[2] Nasa ilalim ng saklaw ang Sementeryo del Sur ng Departamento ng Kalusugan ng Maynila (o Manila Health Department).[3]
Kasaysayan
[baguhin | baguhin ang wikitext]Ang lupang kinalalagyan ng sementeryo ay dating bahagi ng Hacienda San Pedro de Macati na pagmamay-ari ng pamilya Zóbel de Ayala.[4][5] Noon, nasa ilalim ng lalawigan ng Rizal ang lupain. Legal na nakuha ang Sementeryo del Sur sa pamamagitan ng Ordinansa Blg. 726 at iba pang hakbangin ayon sa naging pasya sa kasong Jacobo Zobel et al. vs. City of Manila (G.R. Blg. L-22201, 1925).[6] Naipasa ang ordinansa noong Pebrero 1920 dahil inisip ng mga konsehal noon na kontra ang magandang planong urbano ng ng lungsod sa pagkakaroon ng sementeryo sa puso ng Maynila.[7] Inilaan ang halagang ₱ 703,750 para sa pagpapaunlad ng isang sementeryo sa timog ng lungsod.
Ang sementeryo, na may lawak na 25 ektarya (62 akre),[2] ay may pinakamataas na kapasidad na libingan na umabot sa 371,490. Noong Hunyo 30, 2007, umabot na sa 266,170 ang nailibing sa sementeryo. Tinatayang 753,186 na libingan ang naitala noong Hulyo 2018.[8]
Noong Undas ng 2015, umabot sa 32,000 katao ang bumisita sa sementeryo.[2]
Noong 2020, sa ilalim ng pamumuno ni Alkalde Isko Moreno, ipinasa ng Pamahalaang Lungsod ng Maynila ang Ordinansa Blg. 8608 na naglalaan ng 2,400 metro kuwadrado (26,000 talampakang parisukat) sa loob ng Sementeryo ng Timog Maynila para sa pagtatatag ng Sementeryong Muslim ng Maynila.[9] Idinaos ang seremonya ng pagbabasbas ng lupa para sa sementeryong Muslim noong Hulyo 22, 2020.[10] Ang sementeryo ay pormal na binuksan bilang Sementeryong Islamiko ng Maynila noong Hunyo 7, 2021.[11]
Naiulat noong Agosto 2024 na magkakaroon sa loob ng Sementeryo del Sur ng libingan para sa mga alagang hayop ayon sa noo'y Alkalde Honey Lacuna.[12]
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- ↑ Aspillera, Paraluman S.; Santos, Lope K. (1972). Talambuhay ni Lope K. Santos. MCS Enterprises. p. 168.
- ↑ 2.0 2.1 2.2 "In the Know: Manila South Cemetery". Philippine Daily Inquirer (sa wikang Ingles). 2 Nobyembre 2016. Nakuha noong 11 Setyembre 2017.
- ↑ Calucin, Diann Ivy C. (Oktubre 29, 2024). "Manila South Cemetery soon to have crematorium worth P25M". Manila Bulletin (sa wikang Ingles). Nakuha noong Setyembre 11, 2025.
- ↑ Gomez, Buddy (Pebrero 10, 2016). "The man who saved Makati in 1943". ABS-CBN News (sa wikang Ingles). Inarkibo mula sa orihinal noong Enero 27, 2020. Nakuha noong Agosto 28, 2017.
- ↑ Tan, Miguel; Mora, MG (Nobyembre 1, 2013). "Cemetery trivia: How well do you know our burial grounds?". Rappler (sa wikang Ingles). Inarkibo mula sa orihinal noong Hulyo 28, 2019. Nakuha noong Agosto 28, 2017.
- ↑ G.R. No. L-22201 (Enero 12, 1925), Jacobo Zobel, et al. vs. the City of Manila (sa wikang Ingles), inarkibo mula sa orihinal noong Abril 22, 2019, nakuha noong Nobyembre 30, 2011
{{citation}}: CS1 maint: numeric names: mga may-akda (link) - ↑ Limos, Mario Alvaro (Agosto 28, 2025). "Why Is There a Piece of Manila Inside Makati?". Esquiremag.ph (sa wikang Ingles). Nakuha noong 2025-09-11.
- ↑ "Manila South Cemetery". City of Manila (sa wikang Ingles). Inarkibo mula sa orihinal noong Hulyo 30, 2018.
- ↑ Moaje, Marita (Hulyo 22, 2020). "City of Manila builds first Muslim cemetery". Philippine News Agency (sa wikang Ingles). Nakuha noong Setyembre 11, 2025.
- ↑ Valenzuela, Nikka (Hulyo 22, 2020). "Manila breaks ground for first Muslim cemetery". Philippine Daily Inquirer (sa wikang Ingles). Inarkibo mula sa orihinal noong Hulyo 24, 2020. Nakuha noong Hulyo 23, 2020.
- ↑ Mendoza, John Eric (Hunyo 7, 2021). "Manila opens Islamic cemetery, cultural hall inside public cemetery". Philippine Daily Inquirer (sa wikang Ingles). Nakuha noong Hunyo 25, 2021.
- ↑ Santos, Pat C. (2024-08-18). "Manila to establish pet cemetery, animal shelter". Daily Tribune (sa wikang Ingles). Nakuha noong 2025-09-11.