Single (musika)
_(US-2013).jpg)
Sa musika, ang single ay isang uri ng paglalathala ng rekording ng kanta na may mas kaunting bilang ng mga awitin kaysa sa isang album (LP),[1] karaniwang isa o dalawa lamang. Maaaring ilabas ang isang single para ibenta sa publiko sa iba't ibang pisikal o dihital na porma. Ang mga single ay maaaring hiwalay na track o bahagi ng album ng isang artista. Sa huling kaso, karaniwang may inilalabas na kahit isang single bago ang mismong album, na tinatawag na pangunahing single.[2]
Idinepina ang single sa kalagitnaan ng ika-20 siglo sa pamamagitan ng 45 (na pinangalanan batay sa bilis nito sa pag-ikot bawat minuto), isang uri ng 7-pulgadang plakang binilo na may gilid-A at gilid-B, ibig sabihin, isang kanta sa bawat gilid.[3] Malakas ang impluwensiya ng pormat ng single sa musikang pop at sa mga unang araw ng rock and roll. Ito rin ang ginagamit sa mga jukebox at kinagigiliwan ng mas nakababatang populasyon noong dekada 1950 at 1960.[4][5]
Sumikat nang husto ang mga single sa anyong dihital noong d. 2000.[6] Mula noon, naging mas malabo ang pagkakaiba kung ano talaga ang maituturing na single: tinatanggap lamang ng pinakamalaking tagapamahagi ng musikang dihital, ang iTunes Store, ang mga lathala na may tatlong awitin o mas kaunti, at kung saan ang bawat awitin ay hindi hihigit sa sampung minuto (mas mahahabang lathala ay ikinokonsiderang EP o album).[1] Gayunpaman, may mga lathala na hindi umaayon sa mga pamantayang ito na itinataguyod pa rin bilang mga single ng mga artista at label sa ibang plataporma, tulad ng Spotify at tindahang online ng Bandcamp.
Mga sanggunian
[baguhin | baguhin ang wikitext]- 1 2 "Single and EP Definitions on iTunes" [Mga Kahulugan ng Single at EP sa iTunes] (sa wikang Ingles). Emubands.com. 22 Abril 2013. Nakuha noong 24 Hunyo 2016.
- ↑ Leight, Elias (2018-05-07). "Why Your Favorite Artist Is Releasing More Singles Than Ever" [Dahilan Kung Bakit Naglalathala Ang Iyong Paboritong Artista ng Mas Maraming Single kaysa Dati]. Rolling Stone (sa wikang Ingles). Nakuha noong 2024-05-03.
- ↑ "Beatles Singles Discography" [Diskograpiya ng mga Single ng Beatles] (sa wikang Ingles). University of Delaware. Nakuha noong 29 Marso 2019.
- ↑ Pollack, Andrew (1990-04-01). "Recording Enters a New Era, And You Can't Find It on LP" [Pagrerekord sa Bagong Panahon, At Wala Ito sa LP]. The New York Times (sa wikang Ingles). ISSN 0362-4331. Nakuha noong 2024-05-06.
- ↑ Browne, David (2019-03-15). "How the 45 RPM Single Changed Music Forever" [Paano Binago ng 45 RPM Single ang Musika Nang Habambuhay]. Rolling Stone (sa wikang Ingles). Nakuha noong 2024-05-06.
- ↑ Covert, Adrian (2013-04-25). "A decade of iTunes singles killed the music industry" [Isang dekada ng mga single sa iTunes, pumatay sa industriya ng musika]. CNNMoney (sa wikang Ingles). Nakuha noong 2024-05-06.