Tagagamit:Damlay2011/burador
DAMLAY http://www.damlay.org/
ANG PANGALAN
Nakaugat ang pangalan ng organisasyon sa mga salitang “damdamin at malay” na pinag-ugnay
ni MJL de Rama noong ika-4 ng Abril 2003, Sta. Mesa, Maynila kung kaya nabuo ang pangalang “DAMLAY”.
Salig sa prinsipyo ni A.C.Bhaktivedanta Swami Prabhupada ng India na nagsasabing
“emotion is the vehicle and thought is only a passenger” kung saan ang ugnayan ng dalawa ay di maaaring paghiwalayin sapagkat ito ang nagluluwal ng mga lakas na mapangbuo – mapangwasak… sumisinsay sa palapahaman (pilosopiya), imbensyon, kalinangan, sining, edukasyon at iba pa na maaring iluwal ng “DAMLAY” sa lundo ng laboratoryo ng buhay at pag-iral.
Ang mga pananalig na ito ang punong dahilan kung kaya itinatag ang DAMLAY,
isang Pambansang Samahan ng mga Nagpapahalaga sa Wika, Panitikan, Kultura at Kalikasan, upang makatulong sa pagtataguyod ng mga kaalaman hinggil sa wika, panitikan, kultura at kalikasan sa pamamagitan ng mga seminar, palihan (workshops), lektura, simposyum, pananaliksik, publikasyon, pakikilahok sa mga gawaing pangkultura at pangkalikasan at iba pang anyo na magsusulong ng mga layuning ito. Gayundin ang pagkakaloob ng mga patuluyang programa na huhubog sa talento at mga kaalaman ng mga kasapi, mga mag-aaral at mga miyembro ng lipunan na may katulad na layunin.
BISYON
Ang DAMLAY bilang isang Pambansang Samahan na Nagpapahalaga sa Wika, Panitikan,
Kultura at Kalikasan ay may pananaw na nakatuon sa paghubog ng mga kakayahan at talento ng mga kasapi upang taglayin ang kahusayan sa sining na may kaugnayan sa wika, panitikan, at pananaliksik, kaalamang bayan gamit ang wika ng bayan, at maging magaling na lider na taglay ang mapagkandiling pamumuno sa paglilingkod sa akademya, propesyonal, mag-aaral at para sa lipunang Pilipino.
MISYON
Makapagtaguyod ng mga gawaing makatutulong sa pagsusulong ng wika, panitikan, kultura,
sining, at makatulong sa pangangalaga ng kalikasan. Na isasakatuparan sa pamamagitan ng mga palihan (workshop), seminar, mga pagsasanay, promosyon sa pangangalaga ng kalikasan at aktwal na pagtatanim ng mga puno at mga patuluyang programa sa mga kasapi at mga nagnanais na makilahok sa mga gawain ng samahan.
Prof. Adriano Dela Cruz Balagot - Tagapagtatag