Tagagamit:Nice4revermover/burador

Mga Pang-estadong Unibersidad at Kolehiyo (Pilipinas)

Ang State Universities and Colleges (SUCs) sa Pilipinas, ay tumutukoy sa alinmang pampublikong institusyon ng nakatataas na pag-aaral na nilikha sa pamamagitan ng batas na naipasa ng Kongreso ng Pilipinas. Ang mga institusyon na ito ay ganap na binibigyan ng tulong na salapi ng pamahalaan ng bansa, at maaaring maituring bilang isang korporasyon.

Sa mga pang-estadong kolehiyo at unibersidad sa loob ng bansa, ang Unibersidad ng Pilipinas ang laging kinikilala bilang pangunahing unibersidad ng bansa at sa gayon din naman ay pinalakas ng batas (Republic Act 9500) bilang “Pambansang Unibersidad” ng Pilipinas.

Endownment

Kinalungkot ng SUCs ang kulang na tulong na salapi ng gobyerno ng Pilipinas. Para sa taong 2003-2004, ang SUCs ay nakatanggap lamang ng 16.8 bilyong piso, at nasa 40 porsiyento nito ang napunta sa Unibersidad ng Pilipinas at Mindanao Sate University. Gayunman, sa taong 2008, ang Kongreso ng Pilipinas ay naglaan ng 20.8 bilyong piso bilang tulong na salapi para sa mga operasyon ng mga pang-estadong unibersidad at kolehiyo. Sa pangkalahatan, ang SUCs ay mayroong humigit-kumulang 865,000 na populasyon ng mga mag-aaral, na nangangahulugang ang bawat mag-aaral ay binibigyang tulong na salapi nang katampatang 24,000 na piso kada isang taon sa eskwela.

Ang bawat pamilyang Pilipino ay nag-aambag ng 1,185 na piso sa isang taon para mapatakbo ang mga eskwelahang ito sa pamamagitan ng kani-kanilang ibinabayad na buwis. Mula sa kabuuang halaga, 15.4 bilyong piso ang para sa mga miyembro ng kagawaran ng mga guro at mga manggagawa.

Pagpapangalan

Sa panahon ng paglago at pagbubuong muli ng mga sistemang pang-estado, ang mga pangalang tulad ng University of the Philippines ay nagbago ng kahulugan sa paglipas ng panahon. Sa mga sumusunod na apat na kaso, ang di-ganap na pangalan ang naging opisyal na pangalan para sa sistemang pang multay-kampus kabilang ang kampus na siyang orihinal na tagapagdala ng pangalan. Kasama sa halimbawa ang mga sumusunod:

• University of the Philippines- Ang pangunahing kampus sa Diliman, Quezon City ay mas tinawag bilang U.P. Diliman, kaysa sa U.P. Ang ngalang huling nabanggit ay siyang katawagan para sa sistema ng Unibersidad ng Pilipinas.

• Polytechnic University of the Philippines- Ang pangunahing kampus sa Sta. Mesa ay tinawag na A. Mabini Campus o simpleng Main.

• University of Rizal System- Ang pangunahing kampus sa Tanay ay mas tinawag bilang URS-Tanay Main kaysa sa simpleng URS.

• Don Mariano Marcos Memorial State University- Ang pangunahing kampus sa Bacnotan, La Union ay mas kinilalang DMMMSU-North La Union kaysa sa simpleng DMMMSU.

Sa ibang mga pagkakataon, ang di-ganap na pangalan ay nananatiling opisyal na pangalan nang isang pangunahing kampus na sa ngayon ay parte na nang mas malaking sistema. Kabilang sa halimbawa ang sumusunod:

• Mindanao Sate University

Mga Hamon

Ang SUCs ay humaharap sa mga similar na problema tulad nang mahinang paggastos para sa edukasyon at taunang bawas sa badyet. Bilang kinalabasan, ang mga paaralang ito ay nagpatupad ng kota sa enrolment at pagtaas ng babayarin. Nitong lumipas na mga taon, ang matrikula at babayarin sa pag-aaral sa SUCs ang nakitaan nang pinakamalaking pagtaas.

Sa taong 2007, ang University of the Philippines ay nagtaas ng matrikula nang 300 porsiyento, mula 300 piso naging 1,000 piso kada yunit, samantalang ang Eulogio “Amang” Rodriguez Institute of Science and Technology ay nagpatupad ng 600 porsiyentong pagtaas ng matrikula, mula sa 15 piso naging 100 piso kada yunit, na nagresulta ng 50 porsiyentong pagbagsak ng enrolment ng mga estudyante. Sa parehong panahon, ang Polytechnic University of the Philippines ay nangambang magdagdag ng 525 na porsiyento, ngunit dahil sa malakihang pagkilos ng mga mag-aaral kinailangan ng administrayong ihinto ang plano.

Ang SUCs ay napilitan ding tumanggap lamang ng limitadong bilang ng estudyante dahil sa mga naging pagbawas sa badyet. Sa taong 2007, nasa 66,000 na gradweyt sa sekondarya ang kumuha ng UPCAT ngunit nasa 12,000 lamang ang natanggap. Kaparehong sitwasyon din ang sa PUP kung saan 10,000 hanggang 13,000 lamang ang natanggap mula sa mahigit 50,000.

Taas ng Enrolment

Tanging 10 porsiyento ng mga mag-aaral sa kolehiyo ang kabilang sa mga paaralang pinapatakbo ng pamahalaan noong 1980, ngunit ito ay tumaas nang 21 porsiyento noong 1994 hanggang sa naging halos 40 porsiyento ngayon.