Talumpati sa Kalagayan ng Bansa, 2025
 | |
| Petsa | 28 Hulyo 2025 |
|---|---|
| Pook ng pangyayari | Session Hall, Hugnayan ng Batasang Pambansa |
| Lugar | Lungsod Quezon, Pilipinas |
| Nagsapelikula | Radio Television Malacañang |
| Mga sangkot | Bongbong Marcos Francis Escudero Martin Romualdez |
| Mga wika | Ingles, Filipino |
| Pinakahuli | Talumpati sa Kalagayan ng Bansa, 2024 |
| Susunod na | Talumpati sa Kalagayan ng Bansa, 2026 |
| Websayt | stateofthenation.gov.ph/sona/2025/ |
Ang Talumpati sa Kalagayan ng Bansa, 2025 ay ang ikaapat na Talumpati sa Kalagayan ng Bansa (SONA) na ibinigkas ni Pangulong Bongbong Marcos sa Hulyo 28, 2025, sa Hugnayan ng Batasang Pambansa.[1]
Paghahanda
[baguhin | baguhin ang wikitext]Iniulat ni Napoleon Taas, retiradong PMGen. at Tagapamayapa ng Kapulungan ng mga Kinatawan, sa isang pulong para sa koordinasyon ng iba’t ibang ahensiya na tinatayang 27,000 kataong mula sa hanay ng seguridad at mga tagatugon ang ipapakalat upang tiyakin ang seguridad sa Hugnayang Batasan.[2]
Mga bisita
[baguhin | baguhin ang wikitext]Tulad ng sa SONA noong nakaraang taon, tinanggihan ni Bise Presidente Sara Duterte ang imbitasyon ng Kapulungan ng mga Kinatawan na dumalo sa nalalapit na talumpati, ayon sa kumpirmasyon ng kanyang tanggapan. Sa una, walang inilabas na paliwanag ukol sa kanyang pagliban, bagama’t kapansin-pansin na siya ay na-impeach ng Kamara noong Pebrero. Kinalaunan, kinumpirma ni Duterte na sinadya niyang huwag dumalo sa SONA, sa pagsasabing hindi siya naniniwala na may sasabihin si Pangulong Marcos na tunay na makabuluhan tungkol sa kalagayan ng bansa.[3] Si dating Pangulong Rodrigo Duterte, na kasalukuyang nakakulong sa Ang Haya at naghihintay ng paglilitis sa Pandaigdigang Hukumang Pangkrimen matapos maaresto noong Marso 2025, ay padadalhan din ng imbitasyon, ayon sa Kalihim-Heneral ng Kapulungan na si Reginald Velasco.[4] Bukod dito, pinili ng mga senador na kaalyado ni Duterte na sina Ronald dela Rosa, Bong Go, Robin Padilla, at Imee Marcos, na kapatid ni Pangulong Marcos, na hindi dumalo sa SONA.[5]
Talumpati
[baguhin | baguhin ang wikitext]
Bago sinimulan ni Pangulong Bongbong Marcos ang kanyang talumpati, itinanghal ni Sofronio Vasquez ang "Lupang Hinirang".[6] Sinundan ito ng isang ekumenikal na panalangin na pinangunahan ng mga kinatawan mula sa iba't ibang relihiyosong pangkat. Pagkatapos nito, binalangkas ni Marcos ang mga nagawa ng kanyang administrasyon habang tinutugunan ang mga partikular na isyu gaya ng mga Pilipinong mandaragat na naipit sa krisis sa Dagat Pula, pagkawala ng kuryente sa Siquijor, pagguho ng Tulay ng Cabagan–Santa Maria, at ang pagkawala ng mga sabungero sa Luzon noong 2021–2022.[7][8] Ipinahayag din ni Marcos sa Kongreso na hindi niya lalagdaan ang badyet para sa 2026 kung ito ay hindi naaayon sa programa ng paggasta ng pamahalaan, kahit na mangahulugan ito ng pagpapatakbo sa isang badyet na batay sa nakaraang taon.[9] Nagsimula ang talumpati ni Marcos noong 4:06 n.h. at nagwakas noong 5:17 n.h., PHT, na tumagal ng 1 oras at 11 minuto.[10]
Mga protesta
[baguhin | baguhin ang wikitext]Idinaos ang People’s SONA ("SONA ng Bayan"), isang kilos-protesta na pinangunahan ng alyansang oposisyon na Bagong Alyansang Makabayan, sa Parokya ni San Pedro, Abenida Commonwealth, Lungsod Quezon. Tinatayang nasa pagitan ng 4,000 at 10,000 katao ang dumalo sa demonstrasyon, kasama ang iba pang mga partidong pampolitika at alyansa kabilang ang Sanlakas, Bunyong Party, ATOM, at iba pa.[11] Nagsagawa rin ng mga protesta sa labas ng bansa ang BAYAN USA sa Lungsod ng New York, Chicago, Seattle, Portland, Los Angeles, San Francisco, at Washington, D.C. Layong bigyang-diin ng SONA ng Bayan ang tumataas na kagutuman, kahirapan, kawalan ng trabaho, at implasyon, at nananawagan ito sa pamahalaan na tugunan ang mga isyung ito.[12]
Mga sanggunian
[baguhin | baguhin ang wikitext]- ↑ Gulla, Vivienne (Mayo 27, 2025). "No changes yet in SONA health protocols despite spike in COVID cases abroad: House SecGen" [Wala pang pagbabago sa mga pangkalusugang protokol sa SONA sa kabila ng pagdami ng kaso ng COVID sa ibang bansa: House SecGen]. ABS-CBN News (sa wikang Ingles). Nakuha noong Mayo 29, 2025.
- ↑ "PREPS FOR PBBM'S FOURTH SONA BEGINS" [NAG-UMPISA ANG PAGHAHANDA PARA SA IKAAPAT NA SONA NI PBBM]. Kapulungan ng Kinatawan ng Pilipinas (sa wikang Ingles). 2025-05-01.
- ↑ Sarao, Zacarian (2025-06-23). "Sara Duterte sees nothing substantial in Marcos' 4th Sona" [Walang nakikitang mahalaga si Sara Duterte sa ika-4 na Sona ni Marcos]. INQUIRER.net (sa wikang Ingles). Nakuha noong 2025-06-23.
- ↑ Panti, Llanesca; Panganiban-Perez, Tina (2025-06-19). "VP Sara Duterte to skip SONA anew —House SecGen" [VP Sara Duterte, muling lalaktawan ang SONA —SecGen ng Kapulungan]. GMA News Online (sa wikang Ingles). Nakuha noong 2025-06-22.
- ↑ Torregoza, Hannah L. (Hulyo 28, 2025). "Duterte allies in Senate skip SONA 2025" [Mga kaalyado ni Duterte sa Senado, hindi dumalo sa SONA 2025]. Manila Bulletin (sa wikang Ingles). Nakuha noong Hulyo 29, 2025.
- ↑ "WATCH: Sofronio Vasquez sings Philippine national anthem at Marcos Jr.'s 4th SONA" [PANOORIN: Sofronio Vasquez, kinanta ang pambansang awit ng Pilipinas sa ika-4 na SONA ni Marcos Jr.]. Rappler (sa wikang Ingles). Hulyo 28, 2025. Nakuha noong Hulyo 28, 2025.
- ↑ "Full transcript: Marcos' fourth State of the Nation Address, July 28, 2025" [Buong katitikan: Ikaapat na Talumpati ng Kalagayan ng Bansa ni Marcos, Hulyo 28, 2025]. Philippine Daily Inquirer (sa wikang Ingles). Hulyo 28, 2025. Nakuha noong Hulyo 29, 2025.
- ↑ "SUMMARY: Ferdinand Marcos Jr.'s Sona 2025" [BUOD: Sona 2025 ni Ferdinand Marcos Jr.]. Sunstar (sa wikang Ingles). Hulyo 28, 2025. Nakuha noong Hulyo 28, 2025.
- ↑ "Marcos tells Congress: I won't sign budget not aligned with gov't" [Ipinahayag ni Marcos sa Kongreso: Hindi ko lalagdaan ang badyet na hindi naaayon sa gobyerno]. Philippine Daily Inquirer (sa wikang Ingles). Hulyo 28, 2025. Nakuha noong Hulyo 28, 2025.
- ↑ "SONA 2025 by the numbers" [SONA 2025 base sa mga numero]. GMA News (sa wikang Ingles). Hulyo 28, 2025. Nakuha noong Hulyo 28, 2025.
- ↑ Sampang, Dianne (2025-07-28). "4,000 protesters take to the streets as Marcos delivers Sona". INQUIRER.net (sa wikang Ingles). Nakuha noong 2025-07-28.
- ↑ Sampang, Dianne (2025-07-28). "The other Sona: What Filipinos demand on the streets" [Ang isa pang Sona: Ang hinihingi ng mga Pilipino sa lansangan]. INQUIRER.net (sa wikang Ingles). Nakuha noong 2025-07-29.