Teatro Massimo
 Teatro Massimo | |
| Address | Piazza Verdi Palermo Italya |
|---|---|
| May-ari | Comune di Palermo |
| Kapasidad | 1,387 |
| Construction | |
| Binuksan | 1897 |
| Arkitekto | Giovanni Battista Filippo Basile (1874–1880), Ernesto Basile (1891–1897) |
| Website | |
| http://www.teatromassimo.it/ | |
Ang Teatro Massimo Vittorio Emanuele ay isang bahay opera at kompanya ng opera na matatagpuan sa Piazza Verdi sa Palermo, Sicilia. Ito ay inialay kay Haring Victor Emanuel II. Ito ang pinakamalaki sa Italya, at isa sa pinakamalaki sa Europa (noong panahon ng pagpapasinaya nito, ito ay—na may lawak na 7,730 metro kuwadrado—ang pangatlong pinakamalaking bahay-opera sa Europa pagkatapos ng Palais Garnier sa Paris, at ng KK Hof-Opernhaus sa Vienna ),[1] na kilala sa perpektong akustika nito.
Konstruksiyon at pagbubukas
[baguhin | baguhin ang wikitext]Isang internasyonal na kompetisyon para sa paglikha ng bahay opera ang inanunsiyo ng Konseho ng Palermo noong 1864 sa pangunguna ng alkalde, si Antonio Starrabba di Rudinì. Sa loob ng maraming taon, may usap-usapan tungkol sa pagtatayo ng isang malaking bagong teatro sa Palermo, na karapat-dapat sa pangalawang pinakamalaking lungsod sa timog Italya (kasunod ng Napoles) at idinisenyo upang itaguyod ang imahen ng lungsod kasunod ng pag-iisa ng Italya noong 1861.
Ang bahay opera ay dinisenyo, at pinangasiwaan ng Italyanong arkitektong si Giovan Battista Filippo Basile, na kilala sa Sicilia dahil sa kaniyang dating disenyo ng pagpapanumbalik ng katedral sa lungsod ng Acireale, pati na rin sa mga disenyo ng hardin at villa sa lungsod ng Palermo at Caltagirone. Kasunod ng pagkamatay ni GBF Basile noong 1891, ang konstruksiyon ay pinangasiwaan ng kanyang anak na si Arkitekto Ernesto Basile.
Ang mga busto ng mga sikat na kompositor ay inukit para sa teatro ng Italyanong eskultor na si Giusto Liva (ipinanganak sa Montebelluna, Treviso noong 1847) at ilan sa kaniyang mga anak na lalaki.
Interes ng media
[baguhin | baguhin ang wikitext]Ang huling eksena ng pelikulang The Godfather Part III (1990) ni Francis Ford Coppola ay kinunan sa Teatro Massimo.[2][3]
Mga sanggunian
[baguhin | baguhin ang wikitext]- ↑ "Storia | il Teatro". Inarkibo mula sa orihinal noong 2017-01-06. Nakuha noong 2020-02-25.
- ↑ Reeves, Tony. "Filming Locations for Francis Ford Coppola's The Godfather Part 3 in New York and Sicily". Inarkibo mula sa orihinal noong 2017-12-20. Nakuha noong 2021-07-26.
- ↑ "In search of... The Godfather in Sicily". The Independent (sa wikang Ingles). Independent Digital News and Media Limited. 2003-04-23. Inarkibo mula sa orihinal noong 2015-05-11. Nakuha noong 2016-02-12.
Mga panlabas na link
[baguhin | baguhin ang wikitext]- Opisyal na website ng Teatro Massimo (kasama ang isang virtual na pagbisita) (sa Italyano)
- Teatro Massimo: Ang Sining at Kasaysayan Nito (sa Ingles)
- Opisyal na website ng Lungsod ng Palermo (sa Ingles)
Padron:Music venues in Italy38°07′13″N 13°21′26″E / 38.12028°N 13.35722°E