Pista ng Itim na Nazareno
| Pista ng Itim na Nazareno | |
|---|---|
 Traslasyon ni Hesus Nazareno noong 2024 | |
| Opisyal na pangalan | Kapistahan ni Hesus Nazareno |
| Ibang tawag | Traslasyon ni Hesus Nazareno Traslación del Nazareno |
| Ipinagdiriwang ng | Quiapo, Maynila, Pilipinas |
| Liturhikal na kulay | Itim |
| Uri | Kultural, relihiyoso (Katoliko) |
| Kahalagahan | Paglilipat ng imahen ng Itim na Nazareno, na pinaniniwalaang mapaghimala ng mga deboto, sa Simbahan ng Quiapo |
| Mga pamimitagan | Prusisyon ng Itim na Nazareno (Traslasyon), pagdalo sa Misa, mga panalangin |
| Petsa | January 09 |
| Next time | Enero 9, 2025 |
| Dalas | Taunan |
| Kaugnay sa | Biyernes Santo |
Ang Pista ng Itim na Nazareno, opisyal at liturhikong kilala bilang Kapistahan ni Hesus Nazareno, ay isang relihiyosong pagdiriwang na idinaraos sa Pilipinas. Kilala rin ito bilang Traslasyon (lit. na 'paglilipat'), na ipinangalan sa malawakang prusisyong ginaganap sa kapistahan. Nakasentro ang pagdiriwang sa Itim na Nazareno, isang imahe ni Hesukristo na nagmula pa noong ika-16 na siglo. Ipinagdaraos ang kapistahan taun-taon tuwing Enero 9.
Sanligan
[baguhin | baguhin ang wikitext]Kasaysayan
[baguhin | baguhin ang wikitext]Itinatakda ng Kapistahan ni Hesus Nazareno ang araw ng oktaba ng Kapistahan ng Kabanal-banalang Pangalan ni Hesus bago ang 1969 (ang orihinal na pagtatalaga ng Simbahan ng Quiapo).[1] Ipinagdiriwang ang araw ng oktaba sa pamamagitan ng taunang prusisyon ng imahen ng Nazareno sa mga lansangan ng Quiapo, Maynila. Ito ay itinuturing na ngayon bilang pambansang araw ng kapistahang liturhikal ng imahen.
Taliwas sa paniniwala ng marami[2][3] na naganap ang Traslasyon noong Enero 9, 1787, na siyang naging batayan ng taunang Traslasyon, walang umiiral na talaang pangkasaysayan na nagpapatunay sa eksaktong petsa ng paglipat ng imahen mula sa Intramuros patungong Quiapo.[1] Wala ring tiyak na tala tungkol sa petsa ng pagdating ng imahen.[1] Iginiit ng mga Augustinianong Rekoleto na noong dumating sila sa Pilipinas noong 1606, hindi kabilang ang Nazareno sa mga sagradong imahen na dala nila.[4] Ang petsa ng kanilang pagdating ang naging batayan din ng maling pagdiriwang ng “400 taon” ng Nazareno noong 2006, na nagpasimula sa kaugalian ng pagsisimula ng Traslasyon sa Quirino Grandstand. Ang orihinal na imahen ay iniluklok sa isang simbahan na dating nakatayo malapit sa Quirino Grandstand, ang Simbahan ni San Juan Bautista ng mga Augustinianong Rekoleto sa Bagumbayan, Luneta. Gayunpaman, maaaring ipagpalagay na ang imahen ay nasa Pilipinas na bago pa ang kalagitnaan ng ika-17 siglo, sapagkat pinahintulutan ni Papa Inocencio X ang pagbuo ng Cofradía del Nuestro Padre Jesús Nazareno (Kapatiran ng Panginoong Hesus Nazareno) noong ika-20 ng Abril 1650.[1]
Imahen
[baguhin | baguhin ang wikitext]Mga debate sa tamang petsa ng kapistahan
[baguhin | baguhin ang wikitext]May magkasalungat na pananaw kung dapat bang ituring na isang wastong pista ang Kapistahan ni Hesus Nazareno, sapagkat ang pagdiriwang tuwing Enero 9 ay itinuturing bilang paggunita sa paglilipat ng imahen at hindi bilang ang liturhikal na “araw ng kapistahan” nito. Ang taunang petsa ng prusisyon ay nag-ugat sa pagdiriwang ng Kapistahan ng Banal na Pangalan ni Hesus, na siyang orihinal na pagtatalaga ng Simbahan ng Quiapo, kung saan si San Juan Bautista ang aktuwal na pintakasi.[1] Sinabi ni Msgr. Jose Abriol, isang dating rektor ng Simbahan ng Quiapo, na ang petsa ay napili sapagkat dito nagtatapos ang isang nobena na nagsisimula tuwing Enero 1, na ayon sa Pangkalahatang Kalendaryong Romano bago ang 1969 ay ipinagdiriwang bilang Kapistahan ng Banal na Pangalan ni Hesus at ng Pagtutuli ng Ating Panginoon. Ipinagtatalunan din na ang wastong liturhikal na paggunita kay Hesus Nazareno ay sa Biyernes Santo, na siyang naging batayan ng isang hiwalay na prusisyon na isinasagawa sa umaga ng nasabing araw.[5]
Mga sanggunian
[baguhin | baguhin ang wikitext]- 1 2 3 4 5 Sescon Jr, Rufino. "Jesus Nazareno: A Pastoral-Homiletic Primer" [Hesus Nazareno: Isang Pastoral-Homiletikong Panimula] (PDF). Minor Basilica and National Shrine of Jesus Nazareno (sa wikang Ingles). Nakuha noong 9 Enero 2025.
- ↑ "In The Know: Feast of the Black Nazarene" [May Alam: Pista ng Itim na Nazareno]. Philippine Daily Inquirer (sa wikang Ingles). Enero 10, 2012. Nakuha noong Enero 10, 2021.
- ↑ Madarang, Catalina Ricci S. (Enero 9, 2020). "Feast of the Black Nazarene: 'Translacion' is different from 'Traslación'" [Pista ng Itim na Nazareno: Magkaiba ang 'Translacion' at 'Traslación']. Interaksyon (sa wikang Ingles). Nakuha noong Enero 10, 2021.
- ↑ Almayo, Jose Emil (8 Enero 2015). "Romanillos rebuts 'Myths and Miracles of the Nazareno de Quiapo'" [Pinabulaanan ni Romanillos ang 'Mga Mito at Himala ng Nazareno de Quiapo'] (sa wikang Ingles). Agustino Recoletos. Nakuha noong 10 Enero 2025.
- ↑ Cheng, Willard (Enero 9, 2019). "Catholic faithful reminded: 'Feast' of Black Nazarene falls on Good Friday" [Pinaalalahanan ang mga Katoliko: Ang 'Kapistahan' ng Itim na Nazareno ay natatapat sa Biyernes Santo]. ABS-CBN News (sa wikang Ingles). Nakuha noong Enero 10, 2021.