Suutei tsai
 Isang mangkok ng suutei tsai | |
| Ibang tawag | Mongolian milk tea |
|---|---|
| Kurso | Inumin |
| Lugar |  Mongolia |
| Rehiyon o bansa | Silangang Asya |
| Pangunahing Sangkap | tsaa, gatas, dawa, asin |
| |
Ang suutei tsai (Mongol: сүүтэй цай (siriliko) ᠰᠦ᠋ ᠲᠡᠢ
ᠴᠠᠢ (sulat Monggol) [ˈsuːtʰeː ˈt͡sʰɛː] (IPA)) ay isang tradisyonal na inuming Mongol na gawa sa tsaa, gatas, dawa at asin.
Kilala rin ang inumin bilang süütei tsai o tsutai tsai.[1]
Paghahanda
[baguhin | baguhin ang wikitext]Karaniwang gumagamit ang suutei tsai ng tubig, gatas, dahon ng tsaa at asin. Maaaring mangailangan ang isang simpleng resipi ng isang litro ng tubig, isang litro ng gatas, isang kutsarang tsaang berde, at isang kutsarita ng asin. Gayunman, karaniwang nag-iiba-iba ang mga sangkap. Sa ilang resipi, berdeng tsaa ang ginagamit, samantalang ang iba naman ay gumagamit ng tsaang itim. Mayroon pa ngang mga resipi na nagdaragdag ng mantikilya o taba. Karaniwang sariwa at buong gatas ang ginagamit sa Monggolya, at ang paggamit ng kalahating gatas at kalahating krema sa halip na gatas na naproseso lamang ay nagbibigay ng mas masaganang inumin na halos kapareho ng tunay. Naiiba-iba rin ang dami ng asin sa tsaa. Isa pang karaniwang idinadagdag sa suutei tsai ay pritong dawa.[2][3][4]
Maaari ring mag-iba ang paraan ng paghahanda ng inumin. Sa tradisyonal na paraan, hinahalo ito sa pamamagitan ng pagsalok habang kumukulo at saka ibinubuhos muli mula sa itaas. Gayunpaman, marami ngayon ang hindi na ginagawa ang hakbang na ito.[5][4]
Ang tsaa na ginagamit ng mga Monggol para sa suutei tsai ay karaniwang nagmumula sa isang bloke. Ito ay isang mas mababang uri ng tsaa, na binubuo ng mga tangkay o mas mababang kalidad na dahon ng tsaa, at pinipisil upang maging isang bloke na madaling itago. Kapag kinakailangan, kinukutkot o pinuputol ang bahagi nito at idinadagdag sa suutei tsai.[6]
Kasikatan
[baguhin | baguhin ang wikitext]Ang suutei tsai ay isa sa pinakakaraniwang inumin sa Monggolya. Kadalasan itong iniinom tuwing kainan at sa buong araw. Karaniwang inihahain ito sa mga panauhin pagdating nila sa isang bahay Monggol, na kilala bilang yurt o ger. Sa pagdating ng mga bisita, pinaiinom sila ng suutei tsai kasama ng isang mangkok ng hospitalidad na may iba’t ibang meryenda.[5][7] Maaaring inumin ang suutei tsai nang diretso, kasama ng boortsog (pritong biskuwit na Monggol) o ng buuz (Monggol na dumpling).[8]
Mga sanggunian
[baguhin | baguhin ang wikitext]- ↑ Mongolia, ni Michael Kohn, 2008, pahina 43 “ang süü (gatas) ay maaaring gatas ng baka, tupa o kambing.... tsaang Mongol (tsai sa Mongol; shay sa Kasakstano) (Isinalin mula sa Ingles)"
- ↑ Sean Williams (2006). The ethnomusicologists’ cookbook: complete meals from around the world (sa wikang Ingles). Ang aklat panluto ng etnomusikologo: mga kumpletong pagkain mula sa buong mundo. p. 58. ISBN 9780415978194.
- ↑ "The National Geographic magazine" [Ang magasin ng National Geographic]. National Geographic Society (US) (sa wikang Ingles). 24 (1–6): 669. 1913.
- 1 2 "cooking recipes" [mga resipi sa pagluluto]. Culture of Mongolia (sa wikang Ingles). e-Mongol. Inarkibo mula sa orihinal noong Marso 16, 2019. Nakuha noong 2017-12-23.
- 1 2 Guek-Cheng Pang (2010). Mongolia. p. 129. ISBN 9780761448495.
- ↑ Melvyn C. Goldstein; Cynthia M. Beall (1994). The changing world of Mongolia’s nomads [Ang nagbabagong mundo ng mga taong lagalag ng Monggolya] (sa wikang Ingles). p. 43. ISBN 9780520085510.
- ↑ Judith J. Slater (2004). Teen life in Asia [Buhay Tinedyer sa Asya] (sa wikang Ingles). p. 118. ISBN 9780313315329.
- ↑ Marshall Cavendish Corporation (2007). World and Its Peoples: Eastern and Southern Asia [Ang Mundo at ang mga Tao Nito: Silangan at Timog-silangang Asya] (sa wikang Ingles). Bol. 2. p. 269. ISBN 9780761476382.