Bahurang Tubbataha
| Pandaigdigang Pamanang Pook ng UNESCO | |
|---|---|
 Isang pating sa Tubbataha | |
| Lokasyon | Cagayancillo, Palawan, Pilipinas |
| Pamantayan | Natural: vii, ix, x |
| Sanggunian | 653bis |
| Inscription | 1993 (17th sesyon) |
| Mga ekstensyon | 2009 |
| Mga koordinado | 8°57′12″N 119°52′3″E / 8.95333°N 119.86750°E |
Ang Bahurang Tubbataha, Hapilang Tubbataha o Batuharang Tubbataha ay isang protektadong lugar ng Pilipinas na matatagpuan sa gitna ng Dagat Sulu. Binubuo ang santuwaryo ng dagat at ibon ng dalawang malalaking atol (Hilagang Atol at Timog Atol) at ng mas maliit na Bahurang Jessie Beazley, na may kabuuang lawak na 97,030 ektarya (239,800 akre; 374.6 mi kuw). Matatagpuan ito 150 kilometro (93 mi) timog-silangan ng Puerto Princesa, ang kabisera ng Palawan.[1] Ang mga isla at bahurang walang nakatira ay bahagi ng islang munisipalidad ng Cagayancillo, na matatagpuan humigit-kumulang 130 kilometro (81 mi) sa hilagang-silangan ng bahura.[1]
Noong Disyembre 1993, idineklara ng UNESCO ang Pambansang Liwasang Bahurang Tubbataha bilang Pandaigdigang Pamanang Pook dahil sa pagiging isang natatanging halimbawa ng bahurang atol na may napakataas na densidad ng mga espesyeng-dagat, pati na rin sa Hilagang Pulo nito na nagsisilbing pugad ng mga ibon at pawikan. Ang pook ay isang mahusay na halimbawa ng isang malinis na bahurang may kahanga-hangang 100-metrong patayong pader, malalawak na lawaing-dagat, at dalawang bahurang pulo.[2] Noong 1999, inilista ng Konbensiyong Ramsar ang Tubbataha bilang isang pook-katubigan na may pandaigdigang kahalagahan.[3] Noong 2008, nanomina ang bahura sa New7Wonders of Nature.[4]
Etimolohiya
[baguhin | baguhin ang wikitext]Kombinasyon ng dalawang salitang Samal ang salitang "tubbataha" na nangangahulugang "isang mahabang batuhang-harang na lumilitaw sa pagkati ng tubig".
Tingnan din
[baguhin | baguhin ang wikitext]Mga sanggunian
[baguhin | baguhin ang wikitext]- 1 2 "Location of Tubbataha Reef" [Lokasyon ng Bahurang Tubbataha] (sa wikang Ingles). Tubbataha Reefs Natural Park. Inarkibo mula sa orihinal noong Marso 12, 2020. Nakuha noong Nobyembre 30, 2019.
- ↑ "World Heritage List – Tubbataha Reefs Natural Park" [Talaan ng Pandaigdigang Pamana – Pambansang Liwasang Bahurang Tubbataha] (sa wikang Ingles). UNESCO.
- ↑ "Global and Ecological Significance of Tubbataha" [Kahalagahang Global at Ekolohikal ng Tubbataha] (sa wikang Ingles). Official Website of the Tubbataha Reefs National Park. Inarkibo mula sa orihinal noong Nobyembre 17, 2016. Nakuha noong Pebrero 11, 2013.
- ↑ Aie Balagtas See (Agosto 14, 2008). "4 RP bets in New 7 Wonders of Nature drop in rankings" [4 na kandidato ng RP sa New 7 Wonders of Nature, bumaba sa ranggo]. GMA News (sa wikang Ingles). Nakuha noong Pebrero 6, 2013.
 | ||
Ang lathalaing ito na tungkol sa Pilipinas ay isang usbong. Makatutulong ka sa Wikipedia sa pagpapalawig nito.