Usapang tagagamit:49.149.135.250/burador
Bagong paksaTensyong Sekswal
[baguhin ang wikitext]Ang tensyong sekswal ay isang panlipunang penomena na nangyayari tuwing may interaksyon sa dalawang indibidwal, at isa o pareho sa kanila ay nakakaramdam ng sekswal na pagnanais subalit ang pagnanais na ito ay napapagliban o hindi natutupad. Isang madalas na pangyayari ay tuwing magkalapit ang dalawa sa kanilang pang-araw-araw na buhay, tulad na lamang sa mga magka-trabaho o sa grupo ng magkakaibigan, pero hindi sila nagtatalik para maiwasan ang nakaka-ilang na sitwasyon. Isa pang madalas na pangyayari ay tuwing limitado lamang sa pisikal na anyo ang pagkaka-akit ng dalawang tao, at walang bahid ng emosyon.
Maaari ding mangyari ang tensyong sekswal sa dalawang indibidwal na nagkaroon na ng relasyong sekswal at may natitira pang atraksyon subalit hindi na nila ito nais ipagpatuloy dahil sa takot na makakaapekto ito sa kanilang panlipunang sitwasyon (tulad na lamang ng pagkakaroon ng ibang katuwang.) Nararamdaman rin ito sa mga sitwasyon kung saan ang dalawang indibidwal ay may relasyon na kulang sa pisikal na pakikipag-ugnayan, parang isang relasyong pangmalayuan.
Madalas na nangyayari ang tensyong sekswal sa mga magkakaibigan na may malapit at malanding relasyon sa isa't isa, ngunit ayaw nilang tanggapin ang nararamdaman nila sa kanilang mga sarili at sa iba. Samantala, posibleng sobrang kapansin-pansin na ito para sa mga ibang kaibigan/katrabaho nila. Sinasabi na tuwing nagkakaroon ng tensyong sekswal, nagiging komplikado at nakaka-ilang ang relasyon kung di ito magbubunga ng bagong lebel ng pagsasama, dahil mawawalan na ng saysay ang relasyon na nabuo bago maganap ang pagtatalik.
Karaniwan itong ginagamit sa paglalarawan ng mga kwentong di-makatotohanan. Ang pagnanais na ito ay madalas dinadala ng mga pagkakataon na magkalapit (o magkadikit) ang dalawang tao o tauhan, sa isang lugar, ngunit hindi talaga naipaparamdam. Isa pang madalas na tema ay ang pagbubuo ng nararamdaman ng dalawang tauhan sa isa't isa, at pag nagawa nang mabuti ay mapapansin ng mga manonood ang nagbubungang atraksyon.