Dinakdakan
 | |
| Ibang tawag | Warekwarek |
|---|---|
| Kurso | Pampagana, ulam |
| Lugar | Pilipinas |
| Rehiyon o bansa | Ilocos |
| Ihain nang | Mainit |
| Pangunahing Sangkap | Maskara, batok, tainga, at utak ng baboy |
| Mga katulad | Sisig, kilawin, tokwa't baboy |
Ang dinakdakan, kilala rin bilang warekwarek, ay isang putaheng Pilipino na gawa sa iba't ibang lamang-loob mula sa ulo ng baboy, pulang sibuyas, siling haba o siling labuyo, luya, pamintang buo, katas ng kalamansi, at dahon ng laurel. Pinapakuluan muna ang mga parte ng baboy kasama ng mga pampabango sa loob ng humigit-kumulang isang oras o hanggang sa lumambot, saka iniihaw hanggang magkaroon ng kaunting pagkasunog. Hinihiwa ito nang maliliit at inihahain na may makremang sarsa na tradisyonal na gawa sa nilupak na lutong utak ng baboy, ngunit kadalasang pinapalitan ng mayonesa. Kabilang sa lamang-loob ng baboy na karaniwang ginagamit ang maskara, batok, at tainga. Minsan ay isinasama rin ang dila, atay, sikmura, at bituka. Karaniwang inihahain ang dinakdakan bilang pulutan, mga pampagana na kinakain habang umiinom ng alak. Maaari rin itong kainin na may kasamang kanin.[1][2][3][4][5]
Magkahawig ang dinakdakan at sisig mula sa lutuing Kapampangan, ngunit hindi kasimpino ang hiwa ng dinakdakan at palagi itong inihahain kasama ng sarsa na gawa sa nilupak na utak o mayonesa.[1][6]
Mga sanggunian
[baguhin | baguhin ang wikitext]- 1 2 Subido, Joy Angelica; Alindahao, Karla (Oktubre 28, 2015). "'Sisig', 'dinakdakan' & other indigenous northern foods" [‘Sisig’, ‘dinakdakan’ & iba pang katutubong pagkaing hilaga]. The Philippine Star (sa Ingles). Nakuha noong Disyembre 27, 2022.
- ↑ Manalo, Lalaine. "Dinakdakan". Kawaling Pinoy. Nakuha noong Disyembre 27, 2022.
- ↑ "Warek Warek". Ang Sarap. Nakuha noong Disyembre 27, 2022.
- ↑ "Dinakdakan Recipe" [Resipi ng Dinakdakan]. Pilipinas Recipes (sa Ingles). Nakuha noong Disyembre 27, 2022.
- ↑ Angeles, Mira. "Dinakdakan Recipe" [Resipi ng Dinakdakan]. Yummy.ph (sa Ingles). Nakuha noong Disyembre 27, 2022.
- ↑ "Dinakdakan Recipe" [Resipi ng Dinakdakan]. Panlasang Pinoy (sa Ingles). Nakuha noong Disyembre 27, 2022.