Wikipedia:Nominasyon para sa Tagapangasiwa ng Wikipediang Tagalog/PapaJeckloy

PapaJeckloy

Ako si PapaJeckloy, nag-simulang mag-ambag sa Wikipediang Tagalog ngayong taon lamang, wala man ako masyadong naiambag dito sa Wikipediang Tagalog, ang aking pangunahing dahilan sa pagtakbo bilang tagapangasiwa dahil gusto ko na araw-araw ay ma-apdeyt o mabago ang Pangunahing pahina, dahil marami rin ang bumibista sa Tagalog na Wikipedia, at nais ko itong maging presentable, nais kong dagdagan pa ang mga natampok na mga artikulo , at magexpand ng ilang artikulo rito at paibayuhin pa ito, dahil mga usbong ang mga karamihan dito, Hindi ko kayo bibiguin, araw araw kong iaapdeyt ang Pangunahing Pahina dahil ang huli nitong apdeyt ay noong Mayo pa, at paulit ulit na lamang ang mga naitampok na artikulo pati ang Alam mo ba?, magiging responsable ako at gagawin kong aktibo muli ang Wikipediang ito, Ako ay nangangako hindi kayo mabibigo sa pagpili saakin. -PapaJeckloy (makipag-usap) 17:20, 2 Agosto 2014 (UTC).

• Komento Maraming salamat, PapaJeckloy, para sa inyong nominasyon. Ayon sa datos, apat lamang ang inyong mga ambag dito sa Wikipediang Tagalog, kasama na ang nominasyong ito. Habang sa pangkalahatan, mabuti ang inyong rekord o tala ng mga ambag sa Wikipediang Ingles (kung saan higit sa 1,000 ang mga ambag mo roon), naniniwala ako na hindi ka pa bihasa sa pag-aambag sa Wikipedia at sa mga patakaran ng Wikipedia upang maging tagapangasiwa sa panahong ito. Hindi mo kailangan ng karapatang tagapangasiwa upang umambag ng mga artikulo, mag-nomina ng mga artikulo para sa napiling artikulo (na may ilang mga artikulo pang nakabinbin dahil sa kawalang-aktibidad ng Wikipediang ito, na sinisikap naming ayusin), o kahit baguhin ang seksiyong "Alam ba ninyo?" (kailangan mo pang umambag sa Wikipediang Tagalog upang maibago mo ang seksiyong ito). Naniniwala ako na sa panahong ito, labis kang makatutulong sa pag-unlad ng Wikipediang Tagalog nang wala ka pang karapatang tagapangasiwa, at habang itinataguyod mo ang reputasyon mo rito, maaaring maniwala sa iyo ang pamayanan na maiinomina ka muli sa pagkatangapasiwa. (Gayunpaman, kung naniniwala sa salungat ang aking mga kapwa-patnugot, hindi rin ako tututol dito, at karaniwang binibigyan din ng pansin ang karanasan sa Wikipediang Ingles dito.) --Sky Harbor ^(usapan) 01:44, 3 Agosto 2014 (UTC)