R'Bonney Gabriel

R'Bonney Nola Gabriel
Si Gabriel noong 2023
Kapanganakan	R'Bonney Nola Gabriel (1994-03-20) 20 Marso 1994 Houston, Texas, Estados Unidos
Edukasyon	University of North Texas (BFA)
Trabaho	Beauty pageant titleholder Fashion designer Modelo
Tangkad	170 cm (5 tal 7 pul)
Titulo	Miss Texas USA 2022 Miss USA 2022 Miss Universe 2022
Beauty pageant titleholder
Hair color	Brown
Eye color	Hazel
Major competition(s)	Miss Texas USA 2021 (1st runner-up) Miss Texas USA 2022 (Nanalo) Miss USA 2022 (Nanalo) Miss Universe 2022 (Nanalo)

Si R'Bonney Nola Gabriel (ipinanganak noong 20 Marso 1994) ay isang Amerikanang modelo, fashion designer, at beauty pageant titleholder na nanalo bilang Miss USA 2022, at kalaunan bilang Miss Universe 2022. Si Gabriel ang kauna-unahang Miss USA na may lahing Pilipino, at ikasiyam na Amerikana at ang pinakamatandang nanalo bilang Miss Universe.

Buhay at pag-aaral

Ipinanganak si Gabriel sa Houston, Texas sa isang Pilipinong ama na si Remigio Bonzon "R. Bon" Gabriel at isang inang Amerikana na si Dana Walker. Lumaki siya sa Lungsod ng Missouri, at kalaunan ay lumipat sa Friendswood kasama ang kaniyang tatlong nakakatandang kapatid na lalaki. Ipinanganak ang kaniyang ama sa Maynila, at kalaunan ay nandayuhan sa estado ng Washington sa edad na 25. Siya ay nakakuha ng degree sa sikolohiya sa Unibersidad ng Houston, at nagtatag ng isang talyer. Ang kanyang ina ay ipinanganak sa Beaumont, Texas.

Nagtapos si Gabriel sa University of North Texas kung saan siya ay nakakuha ng degree sa fashion design na may minor sa fibers. Siya ay kasalukuyang nagtatrabaho bilang isang fashion designer at isang modelo.

Mga paligsahan ng kagandahan

Nagsimulang sumali sa mga patimpalak ng kagandahan si Gabriel noong 2020 nang siya ay sumali sa Miss Kemah USA 2020 at nagtapos bilang isa sa mga limang pinalista. Lumahok siya sa Miss Texas USA 2021 bilang Miss Harris County at nagtapos bilang first runner-up kay Miss McAllen Victoria Hinojosa. Kalaunan ay lumahok si Gabriel sa Miss Texas USA 2022 at nagwagi. Siya ang kauna-unahang Miss Texas USA na may lahing Pilipino.

Miss USA 2022

Pangunahing artikulo: Miss USA 2022

Bilang Miss Texas USA, si Gabriel ang kumatawan sa Texas sa Miss USA 2022. Naganap ang Miss USA 2022 pageant sa Grand Sierra Resort sa Reno, Nevada noong 3 Oktubre 2022. Mula sa limampu't-isang kandidata, napabilang si Gabriel sa Top 16 na sumabak first impressions, at sa Top 12 na sumabak sa swimsuit at evening gown competition.

Pagkatapos ng evening gown competition, napabilang si Gabriel bilang isa sa limang pinalista na lumahok sa question and answer round. Itinanong ni Soo Yeon Lee kay Gabriel: "Global studies indicate that women are increasingly seen as more vulnerable to the impacts of climate change. You are asked to create a task force to help address this issue, what is your first priority?", kung saan ipinarating niya:

"Yes, well I think there [are] ways we can implement, addressing climate change within our careers or our lifestyle. It's as easy as adding a recycle bin to your house, everybody can do that, or being creative in ways you can also implement it in your job. I am a fashion designer, I actually made the outfit I'm wearing, and I upcycle pieces and recycle different clothing to be more sustainable in my industry because I feel it's like my duty. So I think that's something we can all look for ways in our certain industries or [in] our homes to be sustainable as well."

Pagkatapos ng kompetisyon, kinoronahan ni Elle Smith si Gabriel bilang Miss USA 2022. Matapos makoronahan bilang Miss USA, lumitaw ang mga alegasyon na ang kumpetisyon ay nilinlang para manalo si Gabriel. Sinasabing naglakbay si Gabriel sa Nizuc Resort and Spa sa Cancún ilang linggo matapos makoronahan si Gabriel bilang Miss Texas USA at nakapag-shoot ng mga promotional material, na na-post ng Instagram account ng resort nang wala pang dalawampu't-apat na oras pagkatapos ng kompetisyon. Isa ang Nizuc sa mga isponsor ng Miss USA noong naging national director ng Miss USA at Miss Teen USA si Miss USA 2008 Crystle Stewart noong taong 2020. Parehas na hindi nakadalo sa retreat ng mga kandidata ng Miss USA 2022 sa Cancún sina Gabriel at Miss Colorado USA 2022 Alexis Glover dahil hindi pa nakokoronahan ang dalawa nang maganap ang nasabing retreat. Sa isang panayam ng E! News, pinabulaanan ni Gabriel ang mga haka-hakang may daya ang kompetisyon.

Si Gabriel habang nakikipagtalakayan sa Pangulo ng El Salvador na si Nayib Bukele

Miss Universe 2022

Bilang Miss USA 2022, si Gabriel ang kumatawan sa Indiya sa Miss Universe 2022. Ang kompetisyon ay ginanap noong 14 Enero 2023 sa New Orleans, Louisiana sa Estados Unidos. Mula sa walumpu't-tatlong kalahok, napabilang si Gabriel sa Top 16 na sumabak sa swimsuit competition at sa evening gown competition. Sinuot ni Gabriel para sa evening gown competition ang isang itim na deep neckline shoulder gown na dinisenyo ni Rian Fernandez, isang taga-disenyong Pilipino.

Pagkatapos ng evening gown competition, napabilang si Gabriel sa limang pinalista na lalahok sa question and answer round. Ang tinanong sa kanya ay "Miss Universe recently made an inclusive change allowing mothers and married women to compete this year. What's another change you'd like to see and why?", kung saan ipinarating niya:

"For me, I would like to see an age increase because I am 28 years old and that is the oldest age to compete. And I think it's a beautiful thing. My favorite quote is, ‘If not now then when.’ Because as a woman, I believe age does not define us. It's not tomorrow, it's not yesterday, but it's now. The time is now that you can go after what you like."

Pagkatapos ng question and answer round, napabilang si Gabriel sa tatlong pinalista na lalahok sa final question round. Ang tinanong sa kanya ay “If you win Miss Universe, how would you work to demonstrate this as an empowering and progressive organization?”, kung saan ipinarating niya:

"Well, I would use it to be a transformational leader. As a very passionate designer, I’ve been sewing for 13 years, I use fashion as a force for good. In my industry, I’m cutting down on pollution through recycling materials when I make my clothing. I teach sewing classes to women that have survived from human trafficking and domestic violence. And I say that because it is so important to invest in others, invest in our community and use your unique talent to make a difference. We all gave something special, and when we plant those seeds to other people in our life, we transform them and we use that as a vehicle for change."

Pagkatapos ng kompetisyon, kinoronahan ni Harnaaz Sandhu ng Indiya si Gabriel bilang Miss Universe 2022. Si Gabriel ang kauna-unahang Miss USA na may lahing Pilipino, ikasiyam na Amerikana, at ang pinakamatandang nanalo bilang Miss Universe sa edad na dalawampu't-siyam. Siya rin ang ikalimang Miss Universe na may kaangkanang Pilipino.

Sa panahon ng kanyang panunungkulan bilang Miss Universe 2022, nakapaglakbay si Gabriel sa mga bansang Indonesya, Taylandiya, Malaysia, Biyetnam, Pilipinas, Guwatemala, Olanda, Timog Aprika, Honduras, Belis, Mehiko, Pransiya, El Salvador, at ang kanyang sariling bansang Estados Unidos.

Mga sanggunian

Mga Parangal at Natanggap
Sinundan: Harnaaz Sandhu	Miss Universe 2022	Susunod: Sheynnis Palacios
Sinundan: Elle Smith	Miss USA 2022	Susunod: Morgan Romano