Wikipedia:Kasalukuyang pangyayari/2020 Disyembre 21
Appearance
- Sining at kalinangan
- Pagtanggal ng mga Kumpederadong monumento at memoryal
- Tinanggal ang bantayog ng Kumperadong heneral na si Robert E. Lee mula sa Kapitolyo ng Estados Unidos; itinalagang palitan ito ng isang estatwa ng aktibista ng mga karapatang sibil na si Barbara Rose Johns. (The Guardian)
- Mga sakuna at aksidente
- Pumutok ang bulkang Kīlauea sa Hawaii na nagdulot sa Ahensya ng Kondadong Depensang Sibil ng Hawaii na himukin ang mga residente na manatili sa loob ng kanilang bahay. Pagkatapos ng pagsabog, sumunod ang serye ng mga maliliit na lindol. Winasak ng nakaraang pagputok noong Mayo 2018 ang daan-daang mga tahanan. (CNN)
- Kalusugan at kapaligiran
- Pandemya ng COVID-19
- Pandemya ng COVID-19 sa Delaware
- Ang paparating na Pangulong-halal ng Estados Unidos na si Joe Biden at ang paparating na Unang Ginang na si Jill Biden ay nakatanggap ng kanilang unang turok ng bakuna para sa COVID-19 ng Pfizer BioNTech sa live na telebisyon upang muling panatagin ang mga Amerikano ng kanilang kaligtasan sa bakuna. Samantala, ang paparating na Pangalawang Pangulo na si Kamala Harris at paparating na Pangalawang Ginoo na si Doug Emhoff ay inahayag na makakatanggap sila ng bakuna sa susunod na linggo. (CNN)
- Pandemya ng COVID-19 sa Delaware
- Agham at teknolohiya
- Katangi-tanging pagsasanib
- Lumitaw ang mga higanteng gas na planetang Jupiter at Saturno sa kanilang pinakamalapit sa kalangitan simula noong 1623, sa isang kaganapan na kilala bilang great conjunction o katangi-tanging pagsasanib. Ang pinakamalapit na paglalapit ay nangyari noong 18:22 UTC, nang ang dalawang planeta ay nasa isang ikasampung degri na magkahiwalay na makikita bilang binaryong bagay sa dilat na mata. (Euronews)
- Batas at krimen
- Insidente ng pamamaril sa Paniqui, Tarlac
- Isang pulis Parañaque sa Kalakhang Maynila, Pilipinas, si Senyor Master Sarhento Jonel Nuezca, ang makakasuhan ng sadyang pagpatay pagkatapos barilin ang mag-inang taga-Paniqui, Tarlac dahil sa alitan sa right-of-way ng kanilang lupain at sa pagpapaputok ng boga ng biktima. (CNN Philippines)
- Ang insidente ay nakunan ng bidyo at na-upload sa social media at nag-viral na nagdulot ng mga reaksyon sa mga netizen at kilalang tao tulad nina Maine Mendoza, Angel Locsin, Gabbi Garcia at Bianca Gonzalez. (Inquirer.net)