Agapito Flores

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Si Agapito G. Flores ay isang Pilipinong imbentor na inakalang bumuo ng imbudo ng fluorescent light tube.

Siya ay ipinanganak sa Guiguinto, Bulacan noong 28 Setyembre 1897. Siya ay nagmula rin sa angkan ng mahihirap.

Dahil sa kahirapan, hindi natapos ni Flores ang kanyang pag-aaral sa mataas na paaralan. Namasukan siya sa isang talyer, kahit na mahirap lamang siya ay may mataas na pangarap. Nagtungo siya sa siyudad at nanirahan sa Tundo, Maynila. Nag-aral siya ng elektrisyan sa isang paaralang pambokasyonal. Makalipas ang isang buwan, siya ay namasukan.

Siya ay nagsagawa ng eksperimento tungkol sa ilaw na karaniwang gamit lalo na sa gabi. Nais niyang makatuklas ng ilaw na ang liwanag na dulot nito ay katumbas ng liwanag sa araw. Ang kanyang pagsisikap ay di nagtagal at nagbunga na siyang kilala ngayon at ginagamit lamang dito sa Pilipinas kundi maging sa buong daigdig.

Ang imbensiyon na ito ay pinakilala niya kay Pangulong Manuel L. Quezon. Nagulat ang presidente sa natuklasan ni Flores. Hindi siya makapaniwala na ang isang tubo na yari sa bote ay magagamit at makakalikha ng liwanag. Pero sa panahong ito, inilabas na sa publiko ng General Electric sa Estados Unidos ang flourescent light.

Si Agapito Flores ay namatay noong 1943.

Kasaysayan ng tubo ng ilaw na ploresente[baguhin | baguhin ang batayan]

Si Alexandre E. Becquerel ang unang nagsagawa ng pananaliksik tungkol sa phenomena of fluorescence and phosphorescence. Dito niya naisip na ang pagsagawa ng imbudo o tubo ang makakatulong sa pagpapaliwanag ng paligid ng hindi pagkalat ng lason at radiation.

Ang Amerikanong si Peter Cooper Hewitt ang unang nag-patent (U.S. patent 889,692) ng prototype na mercury vapor lamp noong 1901. Ngunit ito ay hindi angkop sa pangkalakal dahil sa mahal ng sangkap nito.

Ang General Electric Company ng Amerika ang kilala sa pagsagawa at distribusyon ng incandescent bulbs o kilala bilang dilaw na bumbilya. Ang bumbilya ay imbensiyon ni Thomas Edison. Noong 1934 si Arthur Compton, isang physicist at konsultant ng GE, ay nagpahayag ng kaniyang nadiskubre sa GE lamp department tungkol sa ilang matagumpay na eksperimento tungkol sa fluorescent lighting sa General Electric Co., Ltd. ng Britanya (walang relasyon sa General Electric ng Estados Unidos). Dahil dito nagpatawag ng ang GE ng isang grupo na magsasagawa ng pananaliksik. Ito ay pinamumunuan ni George E. Inman. Sila ay nakagawa ng isang prototype fluorescent lamp noon ding 1934 sa General Electric Nela Park (Ohio) Engineering Laboratory. Binigyan ito ng patent. (U.S. Pat. No. 1,790,153). Ang Flourescent light bulb ay sinimulang ibenta noong 1938 at iprinisinta sa publiko sa New York World’s Fair at Golden Gate Exposition sa San Francisco, California.

Noong 1951, masmarami nang gusali at bahay ang gumagamit ng flourescent bulb kumpara sa bumbilya.

Panlabas na kawing[baguhin | baguhin ang batayan]