Antoine Lavoisier
Mula sa Tagalog na Wikipedia, ang malayang ensiklopedya
| Antoine Lavoisier | |
|---|---|
 "Ama ng kimika ng makabagong-panahon." |
|
| Kapanganakan | Agosto 26, 1743 Paris, Pransya |
| Kamatayan | Mayo 8, 1794 (edad 50) Paris, Pransya |
| Hanapbuhay | Kimiko, ekonomista, maharlika, biyologo, politiko, at manananggol. |
Si Antoine-Laurent de Lavoisier o Antoine Laurent Lavoisier[1] (Agosto 26, 1743 – Mayo 8, 1794), ay kilala bilang ama ng kimika ng makabagong-panahon,[2] Isa siyang kimiko, biyologo, ekonomista, maharlika, politiko, at manananggol. Higit siyang kilala sa kaniyang mga gawaing may kaugnayan sa larangan ng kimika.[1]
Mga nilalaman |
[baguhin] Talambuhay
Isinilang siya sa Paris, Pransya noong 1743. Bilang anak isang mayamang abogado, nag-aral din siya ng pagkamanananggol, ngunit sinabayan niya rin ng pag-aaral hinggil sa mga paksang makaagham. Kaya't nang magtapos sa pagkaabogado, nagpasiya siyang maging isang mananaliksik pang-agham.[1]
Noong 1771, pinakasalan niya si Marie Paulze, isang dalagang bata sa kaniya ng labing-apat na taon, na nagsilbi bilang kalihim at mangguguhit ng mga larawan para sa kaniyang inakdaang mga aklat. Wala silang naging mga anak.[1]
[baguhin] Politika
Matagal na naging kasapi ng isang samahang kinamumuhian ng mga mamamayang Pranses si Lavoisier, ang Farm-General sa Ingles (Pranses: Ferme générale), isang organisasyong may tungkulin sa pangangalap ng buwis para sa hari. Noong 1789, nagkaroon ng pagaaklas sa Pransya laban sa hari. Sa kasukdulan ng Rebolusyong Pranses na ito, hinuli at nilitis ang mga miyembro ng Farm-General, na nahatulan ng parusang kamatayan. Kabilang si Lavoisier sa mga ito. Pinugutan siya ng ulo, sa pamamagitan ng gilotina, noong 1794.[1]
[baguhin] Agham
Bagaman wala siyang sariling mga pagkakatuklas, nagbigay siya ng mga tumpak na paliwanag hinggil sa mga natuklasan ng ibang tao. Nakapagpa bago sa larangan ng kimika ang kaniyang mga naging paliwanag tungkol sa kombustyon, o pagsunog. Batay sa kaniyang mga gawain ang kasalukuyang agham ng kimika.[1]
[baguhin] Sanggunian
- ↑ 1.0 1.1 1.2 1.3 1.4 1.5 "Antoine Laurent Lavoisier". The New Book of Knowledge (Ang Bagong Aklat ng Kaalaman), Grolier Incorporated. (1977).
- ↑ "Lavoisier, Antoine", Encyclopædia Britannica, 2007, Encyclopædia Britannica Online, 24 Hulyo 2007]
