Banal na Komedya

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Si Dante sa presko ni Michelino. Ipinapakita ang makatang may hawak ng kopya ng kaniyang Banal na Komedya katapat ng tarangkahan ng Impiyerno, ng pitong terasa ng Bundok Purgatoryo, at ng lungsod ng Firenze.

Ang Banal na Komedya (Italyano: Divina Commedia) na isinulat ni Dante Alighieri mula 1308 hanggang sa kaniyang kamatayan noong 1321 ang malawakang itinuturing na pangunahing epiko ng literaturang Italyano, at isa sa mga pinakadakilang akda sa literaturang pandaigdig. Sa kalakihan ng impluwensiya nito, naaapekto nito hanggang sa kasalukuyan ang Kristyanong pananaw ukol sa Kabilang Buhay.

Kayarian[baguhin | baguhin ang batayan]

Binubuo ang Komedya ng tatlong cantica: ang Impyerno, Purgatoryo, at Paraiso, at binubuo ang bawat isa nito ng mga canto: 34 sa una, 33 sa ikalawa, at 33 sa ikatlo. Nagsisilbi ang Impyerno bilang panimula ng buong epiko, na ginawang 33 canto ang haba ng bawat cantica. Kilala ang bilang 3 sa gawang ito, na kinakatawan ng haba ng bawat cantica, at sinadya rin na 100 ang bilang ng pinagsama-samang mga canto. Ang ginamit iskimang bersikulo na terza rima ay ang hendecasyllable (linya ng labing-isang pantig), na may linyang binubuo ng mga tercet sang-ayon sa iskimang tugma na ABA BCB CDC . . . YZY Z.

Banghay[baguhin | baguhin ang batayan]

Nagsasalita ang manunula sa unang persona sa kaniyang paglalakbay sa tatlong lunan ng mga nangamatay noong Semana Santa ng Tagsibol ng 1300. Si Virhilyo, ang Romanong manunula at may-akda ng Aeneis, ang nagsilbing kaniyang gabay sa Impyerno at Purgatoryo, at si Beatriz, ang huwarang ganap na babae para kay Dante, ang naging gabay niya sa Paraiso. Ipinangalan si Beatriz sa isang babaeng maliban sa asawa ni Dante, na hindi pinapaniwalaan na siya'y nasangkot; hinahangaan lamang niya mula sa malayo.

Makikita niya sa iba't ibang mga pook ang mga tauhan mula sa kasaysayan, mga parusang ipinapataw sa mga makakasalanan, at ang mga gantimpalang iginagawad sa mga mabubuti.

Nasa Impiyerno ang mga lubhang nagkasala na pinaparusahan ng walang-hanggan sa mga Siyam na Bilog ng Impiyerno nang naayon sa kanilang mga ginawa. Makikita ni Dante si Satanas sa pinakamababa at pinakamalamig na baitang ng Impiyerno (na nasa gitna ng mundong bilog), at sasakyan nila nina Virhilyo ito hanggang sa paanan ng Bundok ng Purgatoryo.

Mula roon, makikita niya ang Pitong Terrasa ng Purgatoryo, na nasa kabilang dako ng bilog na mundo, at ang pagsasalinis ng mga nagkasalang naroroon.

Sa Siyam na Bilog ng Paraiso masisilayan niya ang mga nagtaglay ng mga birtud ng Katarungan, Katapangan, Pagtitimpi, Kahinahuna, Pananampalataya, Pag-asa, at Pag-ibig. Sa dulo nito masisilayan niya ang misteryo ng Banal na 'Santatlo.

Bituin ang huling salita sa bawat tatlong bahagi ng Komedya.



Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.