Deodorante
Mula sa Tagalog na Wikipedia, ang malayang ensiklopedya
Ang deodorante o deodorant[1] ay isang uri ng pabangong pantaboy-amoy o pampaalis ng baho.[2] Mga sustansiya itong may kakayahang magtakip, sumapaw o magtago at sumira ng mababahong mga amoy, katulad ng nakukuhang amoy mula sa paninigarilyo o pananabako. Hindi sapat na matanggal ang mabahong amoy, kailangan ding maalis ang maaaring makuhang panganib na matatanggap mula sa karamdamang nagdurulot ng amoy na mabaho. Isang halimbawa ng deodoranteng gumaganap din bilang pamuksa ng mapaminsalang mga mikrobyo ang solusyong may permanganato ng potash at kluror ng dayap (klorido ng dalayap).[3]
[baguhin] Mga sanggunian
- ↑ "Deodorant, deodorante". English, Leo James. Tagalog-English Dictionary (Talahulugang Tagalog-Ingles). (1990)., pahina 429.
- ↑ Gaboy, Luciano L.. "Deodorant". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
- ↑ Robinson, Victor, Ph.C., M.D. (patnugot). (1939). "Deodorant". The Modern Home Physician, A New Encyclopedia of Medical Knowledge. WM. H. Wise & Company (New York)., pahina 219.
