Gens du pays

Ang awit na "Gens du pays" ay maituturing na di-opisyal na pambansang awit ng Quebec, Canda. Isinulat ito ng makata at kompositor at kilalang nasyonalista na si Gilles Vigneault. Kasama niya sa paggawa ng awit na ito ang isa pang nasyonalista na si Gaston Rochon.

Una itong inawit ni Vigneault noong ika-24 ng Hunyo 1975 sa kaniyang konsiyerto sa Mount Royal sa Montréal. Kasalukuyang ipinagdiriwang ng Quebec noon ang Fête nationale du Québec. Mabilis itong tinangkilik ng mga tao at halos naging katutubong awit pa sa kasikatan. Simula noon, palagi na itong tinutugtog sa lahat ng mga seremonya ng Fête nationale du Québec.

Ang chorus nito ang siyang pinakapopular na bahagi ng awitin kung saan sinasabing :

Pranses	Tagalog
Gens du pays, c'est a votre tour De vous laisser parler d'amour	Mga mamamayan ng bansa (Quebec), panahon na ninyo Upang hayaan ang inyong mga sarili na magsalita ukol sa pag-ibig

Nang malaon, nakilala ang awit na ito bilang isang awit na nagpapahayag ng masidhing pagmamahal para sa Quebec. Dahil dito, naging awitin ito ng mga nagnanais na magkaroon ng hiwalay at malayang Quebec mula sa Canada. Isa sa mga di malilimutang pagkakataon na ginamit ito sa nasabing pagpapahay ay noong ginamit ito matapos ang talumpati ni René Lévesque ukol sa pagkatalo ng mga Nasyonalista sa pinakahuling referendum kung hihiwalay nga ba ang nasabing lalawigan. Sa pagtatapos ng talumpati ni Levesque, biglang umawit ang mga manonood ng "Gens du Pays", na tinawag niyang "ang pinakamagandang awit para sa mga Quebecois".

Titik

Original French	Translation
Les temps qu'on a pris pour se dire «je t'aime» C'est le seul qui reste au bout de nos jours Les vœux que l'on fait, les fleurs que l'on sème Chacun les récolte en soi-même Aux beaux jardin du temps qui court	Dumating na ang panahon upang sabihing "minamahal kita" Ito na lamang ang nalalabi sa ating mga araw Ang sumpang ating binitiwan, ang mga bulaklak na ating itinanim Ay maaari nang anihin Sa harding tila unti-unting naglalaho
{refain} Gens du pays, c'est votre tour De vous laisser parler d'amour Gens du pays c'est votre tour De vous laisser parler d'amour	{refain} Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal
Les temps de s'aimer, le jour de le dire Fond comme la neige aux doigts du printemps Fêtons de nos joies, fêtons de nos rires Ces yeux où nos regards se mirent C'est demain que j'avais vingt ans	Ang panahon upang magmamhalan, ang araw upang ipahayag ito [Ang pag-ibig] na kasinglalim ng niyebe sa papalapit na tagsibol Ipagdiwang natin ang atinmg mga kasiyahan, ipagdiwang natin ang ating mga halakhak Ang mga mata kung saan mamamasdan ang ngiti ng bawat isa Sapagkat bukas, 20 taon na ako
{refain} Gens du pays, c'est votre tour De vous laisser parler d'amour Gens du pays c'est votre tour De vous laisser parler d'amour	{refain} Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal
Le ruisseau des jours aujourd'hui s'arrête Et forme un étang où chacun peut voir Comme en un miroir l'amour qu'il reflète Pour ces cœurs à qui je souhaite Les temps de vivre leurs espoirs	Ang agos ng ating mga buhay, ngayon ay nagwakas na At nag-iwan ng isang lawa kung saan mamamasdan Na tila ba isang salamin kung saan makikita Para sa mga pusong ang aking hiling ay patungkol Ito na ang panahon upang isabuhay ang inyong mga pangarap
{refain} Gens du pays, c'est votre tour De vous laisser parler d'amour Gens du pays c'est votre tour De vous laisser parler d'amour	{refain} Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal Mga mamamayan ng bansa, ito na ang panahon Upang hayaan ang inyong mga sariling magsalita ukol sa pagmamahal

Bilang Pamalit sa Happy Birthday

Sa Quebec, ginagamit rin ang chorus nito bilang pamalit sa awit na Happy Birthday to you. Minsan na rin itong ginamit ni Gilles Vigneault noong 1975. Sa halip na ang tradisyunal ka chorus ang ginagamit, pinapalitan ito ng :

Mon cher ami (or Ma chère amie), c'est à ton tour

De te laisser parler d'amour.

(Mahal kong kaibigan, ito na ang oras mo upang haayaan ang sariling magsalita ukol sa pag-ibig)

Minsan rin, ang "ami(e)" ay pinapalitan ng pangalan ng taong nagdiriwang ng kaniyang kaarawan.

Minsan na rin itong ginamit nang bigla na lamang umawit ang mga nakikiramay sa libing ni René Lévesque. Noong pagkakataong iyon, inawit nila :

Mon cher René, c'est à ton tour,

de te laisser parler d'amour