Imbentaryo

Imbentaryo

Tinatawagang imbentaryo ang lahat ng bagay na ginagamit ng isang negosyo sa araw-araw nilang operasyon. Isa ito sa pinakamahalagang bagay para sa mga negosyo. Halos lahat ng mga negosyo (maliban na lamang sa mga negosyong serbisyo) ay may kelangang mga bagay para matuloy ang kanilang pangangalakal. Maaring halimbawa ng mga bagay na ito:

• Papel para sa mga gumawa ng mga dyaryo
• Bakal para sa gumawa ng mga gusali
• Kanin para sa mga kainan
• Gasolina para sa mga gas station

Napakaimportanteng bagay ang pag-aalaga ng imbentaryo dahil malaking problema ang pagkulang ng ng isda kunwari sa isang restawran pag iyon ang pinakamabenta nilang bagay, at sayang din kapag sobrang daming isda naman ang nabili na hindi maubos ang pagkain bago sila mabulok. Kadalasan, tinatago ang imbentaryo ng mga negosyo sa tinatawagang bodega at dumadagdag ang gastos ng negosyo kapag masyadong malaki ang imbentaryo kumpara sa ginagamit dahil mas mataas ang binabarayan para sa bodega. Kapag masyadong maliit din ang imbentaryo, may pagkakataon din na hindi nila matutuloy ang operasyon. Ang pag-aalaga ng imbentaryo ay tinatawagang Inventory Management, isang medyo bagong pag-aaral na sumisikat ngayon dahil nakikita ng mga negosyo ang importante nito sa kanila. Malaking bahagi rin ng accounting ng isang negosyo ang kanilang Inventory Management, halimbawa sa kanilang pagpapahayag ng mga gastos pwede sila gumamit ng:

• First In First Out (FIFO) - Ang pinakaunang pinasok na mga bagay sa imbentaryo ang unang "ginagamit" sa mga operasyon at ito ang sinusulat nila sa tax statements.
• Last In First Out (LIFO) - Ang pinakahuling pinasok sa imbentaryo ang unang "ginagamit".

Maraming puwedeng maipon na pera ang isang negosyo dahil lamang sa tamang pag-aaral ng kanilang imbentaryo. Marami rin puwedeng makita/malaman tungkol sa isang negosyo mula lamang sa kanilang imbentaryo. Mas mabilis makaubos ng imbentaryo ang mga mas liquid na negosyo kagaya ng mga nasa industriya ng pagkain at gasolina.