Istrok

Ang istrok, mula sa Ingles na stroke (bigkas: /is-trowk/), ay isang mabilisang pag-unlad ng kawalan ng paggana o (mga) tungkulin ng utak dahil sa pagkaantala o pagkakaroon ng kaguluhan sa daloy ng dugo papunta sa utak. Maaaring sanhi ito ng iskemya (kawalan ng dugo) na dulot ng trombosis o embolismo o kaya dahil sa hemorahe. Bilang resulta, hindi makagawa ng tungkulin ang apektadong bahagi ng utak, na humahantong sa hemiplehiya o kawalan ng kakayahang maigalaw ang sariling isa o marami pang mga sanga (bisig, paa, kamay, hita at iba pa) ng katawan sa isang gilid, kawalan ng kakayahang umunawa (reseptibong apasya) o makalikha ng binabanggit na salita (ekspresibong apasya), o kawalan ng kakayahang makakita sa isang gilid ng saklaw ng paningin (homonimong hemianopsiya). Dating tinatawag ang istrok bilang aksidenteng serebrobaskular (cerebrovascular accident o CVA sa Ingles). Isang uri emerhensiyang medikal ang istrok na maaaring makapagdulot ng permanenteng pinsalang neyurolohikal, mga kumplikasyon, at kamatayan. Ang World Stroke Day ay ipinagdiriwang taon-taon tuwing Oktubre 29.

Kawing panlabas

• Stroke Society of the Philippines (Ingles)

Ang lathalaing ito na tungkol sa Karamdaman ay isang usbong. Makatutulong ka sa Wikipedia sa pagpapalawig nito.