Jacob

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Para sa ibang gamit, tingnan ang Israel (paglilinaw).
Sa ibang pagkakataon, ang Jacob o Jacobo ay katumbas ng pangalang Santiago.
Si San Jacob.

Si Jacob ay ang anak ni Isaac at apong lalaki ni Abraham. Batay sa Bibliya, muli siyang pinangalanan ng Diyos bilang Israel. Siya ang ama ng labindalawang tribo ng Israel. Ang mga tribong ito ang pinagmulan ng Sinaunang Israel, ang nasyon o bansang nagbuhat sa linya ng mag-anak ni Jacob.[1] Nangangahulugan ito ng "kumakapit sa sakong [ng kakambal na si Esau]".[2] Kapatid siya ng kakambal niyang si Esau. Mas matanda si Esau kaysa kay Jacob.

Pangalan[baguhin | baguhin ang batayan]

Nangangahulugang "nakikipaglaban sa Diyos" ang pangalang Israel.[2]

Salaysay[baguhin | baguhin ang batayan]

Batay sa Lumang Tipan ng Bibliya, ipinagbili ng panganay na si Esau sa nakababatang si Jacob ang karapatan niyang maging tagapagmana ng mga pag-aari ng kanilang angkan. Noong panahon nila, ibinibigay o ipinamamana sa panganay na anak ang malaking bahagi ng mana ng angkan. Nakamit ito ni Jacob mula kay Esau sa pamamagitan ng masama o makasalang kaparaanan: hindi binigyan ni Jacob si Esau ng hinihingi nitong "mapulang pagkain" hangga't hindi naibibigay sa kanya ang karapatan ni Esau bilang kapalit. Dahil sa kamalian at kasalanang ito ni Jacob, naghirap siya sa ilalim ni Laban, ang kanyang biyenan o ama sa kasal. Sa loob ng anim na taon makasampung beses na dinaya ni Laban si Jacob[2]

Pagkapili[baguhin | baguhin ang batayan]

Hindi sinasaad sa Bibliya ang dahilan kung bakit pinanigan o kinilingan ng Diyos si Jacob, sa halip si Esau. Subalit ang pagpili ng Diyos sa kanya ay hindi nakabatay sa nagawa ni Jacob para sa Diyos. Ngunit ito ang kagustuhan ng Diyos, at pinipili ng Diyos ang kanyang nais, at mabuti ang mga plano niya upang matupad ang kanyang sariling mga layunin. Isang halimbawa ng makabibliyang panuntunan ng "paghalal" o doktrina ng "pagpili" ang kuwento hinggil kina Jacob at Esau. Isa itong halimbawa na bagaman hindi maunawaan ng tao ang gawi ng Diyos, kailangan lamang ang pagpapasailalim ng tao sa kanyang paghahari at pagkahari.[3]

Mga sanggunian[baguhin | baguhin ang batayan]

  1. The Committee on Bible Translation. (1984). "Israel, Jacob". The New Testament, God's Word, The Holy Bible, New International Version (NIV). International Bible Society, Colorado, USA., Dictionary/Concordance, pahina B5.
  2. 2.0 2.1 2.2 Abriol, Jose C.. (2000). "Jacob, kumakapit sa sakong, Henesis 25:26; Israel, nakikipaglaban sa Diyos". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 43 at 56.
  3. "Why did God favor Jacob over Esau?, Genesis 25:23". Fackler, Mark (patnugot). 500 Questions & Answers from the Bible / 500 mga Katanungan at mga Kasagutan mula sa Bibliya. (2006). The Livingston Corporation/Barbour Publishing, Inc., Uhrichsville, Ohio, ISBN 9781597894739., pahina 5.