Joseph Swan

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Joseph Swan
Litrato ni Swan, c. 1900
Kapanganakan Joseph Wilson Swan
31 Oktubre 1828(1828-10-31)
Bishopwearmouth, Sunderland
Inglatera
Kamatayan 27 Mayo 1914 (edad 85)
Warlingham, Surrey
Inglatera
Kabansaan Britaniko
Larangan Pisika
Kimika
Kinikilala dahil sa Inkadesenteng bumbilya ng ilaw
prosesong potograpiko

Si Sir Joseph Wilson Swan (31 Oktubre 1828 – 27 Mayo 1914) ay isang Britanikong pisiko at kimiko. Pinakatanyag siya dahil sa pagkakaimbento ng inkandesenteng bumbilya ng ilaw bago pa man ito maimbento ng Amerikanong si Thomas Edison.[1]

Unang naipamalas ni Swan ang bumbilya ng ilaw sa isang panayam sa Newcastle na nasa ibabaw ng Tyne noong 18 Disyembre 1878, subalit hindi siya nakatanggap ng patente hanggang sa pagsapit ng 27 Nobyembre 1880 (patente blg. 4933) pagkaraan ng pagpapainam sa orihinal na ilaw. Ang kaniyang bahay (sa Gateshead) ay ang una sa mundo na napagliwanag sa pamamagitan ng isang bumbilya ng ilaw, at ang unang pagpapaliwanag sa mundo sa pamamagitan ng ilaw na dekuryente na nasa loob ng isang publikong gusali para sa isang lekturang ibinigay ni Swan noong 1880. Noong 1881, ang Teatrong Savoy na nasa Lungsod ng Westminster, Londres ay nailawan ng mga inkandesenteng bumbilya ng ilaw ni Swan, ang unang teatro at ang unang gusaling pangmadla sa mundo na napagliwanag nang buo sa pamamagitan ng kuryente.[2]

Noong 1904, si Swan ay ginawang isang kabalyero ni Haring Edward VII, nagantimpalaan ng Medalyang Hughes ng Royal Society (Samahang Maharlika), at ginawang isang honoraryong kasapi ng Samahang Parmasyotiko. Natanggap na niya ang pinakamataas na palamuti sa Pransiya, ang Légion d'honneur, nang dalawin niya ang isang ekshibisyong internasyunal sa Paris noong 1881. Ang ekshibisyon ay kinabibilangan ng mga ekshibit o pagtatanghal ng kaniyang mga imbensiyon, at ang lungsod ay napagliwanag ng ilaw na may kuryente, salamat na lamang sa imbensiyon ni Swan.[3]

Mga sanggunian[baguhin | baguhin ang batayan]

  1. Thomas Alva Edison: The Improvement of the Electric Light Bulb
  2. "The Savoy Theatre", The Times, 3 Oktubre 1881
  3. "Sir Joseph Swan (1828-1914)". Royal Pharmaceutical Society of Great Britain. http://www.rpsgb.org.uk/informationresources/museum/exhibitions/themotherofinvention/swanphot.html. Hinango noong 11 Enero 2010. "Swan made groundbreaking discoveries in the fields of electric lighting and photography. He had already received the Legion of Honour when he visited an international exhibition in Paris in 1881. The exhibition included exhibits of his inventions, and the city was lit with electric light, thanks to Swan's invention"