Kilusang Pandaigdig ng Pulang Krus at Pulang Gasuklay
Ang Kilusang Pandaigdig ng Pulang Krus at Pulang Gasuklay (Ingles: International Red Cross and Red Crescent Movement) ay isang pandaigdigang kilusang humanitaryo na may 97 milyong boluntaryo sa buong mundo kung saan ang kanilang misyon ay ipagsanggalang ang buhay at kalusugan ng tao, na siguraduhin ang respeto para sa tao, at hadlangan at lunasin ang pagdurusang pantao, nang walang diskriminasyon batay sa nasyonalidad, lahi, pananampalataya, klaseng panlipunan o opinyong pampulitika.
Mga nilalaman |
Kasaysayan [baguhin]
Sumibol ang ideya ng pagkakaroon ng kilusan o samahan ng Pulang Krus mula sa Suwisong bangkerong si Henri Dunant, pagkaraang masaksihan ni Dunant ang paghihirap na dinanas ng mga sugatang kawal sa Labanan ng Solferino sa pagitan ng mga Austriano at ng mga Pranses, na naganap sa Hilagang Italya noong 1859. Nagsulat si Dunant ng isang aklat hinggil sa labanan at nagmungkahi ng isang samahan sa bawat isang bansa na tutulong sa mga sundalong sugatan. Kaya't noong 1863, naganap ang isang pagpupulong sa Ginebra, Suwisa na nagbunga sa pagkakaroon ng unang mga samahan ng Pulang Krus.[1]
Sa kasalukuyan, nagsasagawa ng gampanin ang Pulang Krus sa buong mundo, katulad ng pagbibigay ng pagbibigay ng paunang tulong o tulong pang-emerhensiya sa panahon ng mga sakuna, pagtulong sa mga bilanggo ng digmaan, at pagpapatakbo ng mga programang pangkawanggawa.[1]
Mga sagisag [baguhin]
Naging sagisag ng kilusan ang isang pulang krus na nasa ibabaw ng isang puting panlikod. Sa mga bansang Muslim, ginagamit ang pulang gasuklay, sa halip na pulang krus. Iginagalang ng lahat ng mga bansa o nasyon ang mga sagisag na ito.[1]
Tingnan din [baguhin]
Mga sanggunian [baguhin]
- ↑ 1.0 1.1 1.2 Firth, Lesley (Patnugot Panlahat) atbp.. (1985). "Who Founded the Red Cross?". Who Were They? The Simon & Schuster Color Illustrated Question & Answer Book. Little Simon Book, Simon & Schuster, Inc., Lungsod ng Bagong York, ISBN 0671604767., pahina 70.
