Lupon sa Pagrerepaso at Pag-uuri ng Sine at Telebisyon
| Lupon sa Pagrerepaso at Pag-uuri ng Sine at Telebisyon | |
| Kabatiran ng ahensiya | |
|---|---|
| Hurisdiksiyon | Pamahalaan ng Pilipinas |
| Mga manggagawa | Mga 33[1] |
| Tagapagpaganap ng ahensiya | Mary Grace Poe-Llamanzares, tagapangulo |
| Websayt | |
| http://www.mtrcb.gov.ph | |
Ang Lupon sa Pagrerepaso at Pag-uuri ng Sine at Telebisyon (Ingles: Movie and Television Review and Classification Board, dinadaglat bilang MTRCB) ay ang ahensiya ng pamahalaan ng Pilipinas na may responsibilidad para sa regulasyon ng telebisyon at pelikula, at pati na rin ang mga sari-saring uri ng de-bidyong midya, na makikita at/o ikinakalakal sa bansa. Nasa ilalim ng Tanggapan ng Pangulo ang MTRCB, na binubuo ng isang tagapangulo, isang pangalawang tagapangulo at 30 kasapi ng lupon, na may taning na isang taon. Itinatag ito noong 1985 sa bisa ng Atas ng Pangulo Blg. 1986 ni dating Pangulong Ferdinand Marcos.
Si Grace Poe-Llamanzares, anak nina Fernando Poe, Jr. at Susan Roces, ang kasalukuyang tagapangulo ng MTRCB.
Mga nilalaman |
Sistema ng pag-uuri [baguhin]
Kasalukuyang ginagamit ng MTRCB ang dalawang sistema ng pag-uuri: isa para sa mga pelikulang ipinapalabas sa mga sinehan sa Pilipinas, at isa naman para sa mga programang ipinapalabas sa telebisyon.
Pelikula [baguhin]
Anim na baitang ng pag-uuri ang kasalukuyang ginagamit ng MTRCB sa pag-uuri ng mga pelikulang ipinapakita sa Pilipinas.
- G o GP - Para sa lahat ng manonood
- PG-13 - Patnubay at gabay. Mga batang 13 taong gulang pababa ay nangangailan ng pagbabantay ng nakakatanda.
- R-13 - Para lamang sa mga taong 13 taong gulang pataas.
- R-16 - Para lamang sa mga taong 16 taong gulang pataas.
- R-18 - Para lamang sa mga taong 18 taong gulang pataas.
- X - Bawal ipalabas sa publiko.
Telebisyon [baguhin]
Tatlong baitang ng pag-uuri ang kasalukuyang ginagamit ng MTRCB sa pag-uuri ng mga programa sa telebisyon:
- G: Para sa lahat ng manonood
- PG: Patnubay at gabay ng magulang ang kailangan
- SPG: Mahigpit na patnubay at gabay ng magulang ang kailangan. Sa mga patalastas ng MTRCB na nagpapahayag ng baitang ng isang programa, ito ay tinatawag na "Striktong Patnubay at Gabay".
Unang ipinahayag sa publiko ang kasalukuyang sistema ng pag-uuri noong 6 Oktubre 2011.
