Pangulo ng Pilipinas

Pangulo ng Pilipinas
Sagisag
Kasalukuyan Benigno Simeon C. Aquino III mula Hunyo 30, 2010
Opisyal na tirahan	Palasyo ng Malakanyang
Tagal ng panunungkulan	Anim na taon
Nagsimula	Emilio Aguinaldo
Pagkakatatag	Marso 22, 1897 (de facto) Enero 20, 1899 (de jure)
Websayt	http://www.op.gov.ph

Ang Pangulo ng Pilipinas ang pinakamataas na pinuno ng Republika ng Pilipinas. Pinamumunuan ng pangulo ang Tagapagpaganap na sangay ng pamahalaan, na kinabibilangan ng Gabinete, at siya rin ang Punong Komandanto o Commander-in-Chief ng Sandatahang Lakas ng Pilipinas.

Sang-ayon sa kasalukuyang saligang-batas (1987), ang pangulo ay nararapat na may gulang na 40 taon pataas, mamamayang Pilipino mula kapanganakan, at nakatira sa Pilipinas sampung taon bago ng halalan. Tuwirang ihahalal ng mga Pilipino ang pangulo na mananalo kung siya ang may pinakamalaking bilang ng boto. Magsisilbi ang pangulo ng isang termino sa loob ng anim na taon at hindi na makakatakbo muli para sa re-eleksyon, maliban kung siya ay naging pangulo sa pamamagitan ng konstitusyon succession at nagsilbi ng hindi hihigit sa apat na taon bilang pangulo.

Panunumpa

Sa ilalim ng Artikulo VII, Seksyon 5 ng Saligang Batas, bago makapagsimula ang Pangulo sa pagtupad ng kanyang katungkulan ng kanyang tanggapan, dapat magsagawa ng Pangulo ang sumusunod na panunumpa o pagpapatotoo:

“

"Ako si__________________, ay taimtim kong pinanunumpaan (o pinatotohanan) na tutuparin ko nang buong katapatan at sigasig ang aking mga tungkulin bilang Pangulo (o Pangalawang Pangulo o Nanunungkulang Pangulo) ng Pilipinas, pangangalagaan at ipagtatanggol ang kanyang konstitusyon, ipatutupad ang mga batas nito, magiging makatarungan sa bawat tao, at itatalaga ang aking sarili sa paglilingkod sa Bansa. Kasihari nawa ako ng Diyos." [Kapag pagpapatotoo, ang huling pangungusap ay kakaltasin.]

”

Ang mga pangulo

Ang Pilipinas ay nagkaroon na ng labing-limang pangulo. Sa kabila ng pagkakaiba sa saligang-batas at ng pamahalaan, itinuturing na walang hinto ang pagkasunod-sunod ng mga pangulo. Halimbawa, ang kasalukuyang pangulo, si Benigno Simeon Aquino, ay itinuturing na panglabing-limang pangulo.

Habang kinikilala ng Pilipinas si Aguinaldo bilang unang pangulo, hindi siya kinilala ng ibang bansa dahil bumagsak ang Unang Republika sa ilalim ng Estados Unidos pagkatapos ng Digmaang Pilipino-Amerikano. Si Manuel L. Quezon ang kinilala bilang unang pangulo (at ang una na nanalo sa halalan — hinirang lamang si Aguinaldo) ng Estados Unidos at pandaigdig na kapisanang pangdiplomasya at pampulitika.

Nagkaroon ng dalawang pangulo ang Pilipinas sa isang punto sa panahon ng Ikalawang Digmaang Pandaigdig na kumakatawan sa dalawang pamahalaan. Isa ay kay Quezon na kumakatawan sa pamahalaang komonwelt at ang isa ay kay Jose Laurel na kumakatawan sa pamahalaang itinaguyod ng mga Hapones.

Talaan ng mga pangulo ng Pilipinas

Bilang	Pangalan	Larawan	Tunay na Pangalan	Buhay	Termino	Pangalawang Pangulo	Era	Partido
1.	Emilio Aguinaldo		Emilio Aguinaldo y Famy	1869-1964	Mayo 24, 1899-Abril 1, 1901	Mariano Trias	Unang Diktadurya	Independyente
							Unang Republika ng Pilipinas
walang pangulo Dahil sa pamumuno ng mga gobernador-heneral na Amerikano mula Abril 1, 1901 hanggang Nobyembre 15, 1935.
2.	Manuel L. Quezon		Manuel Luis Quezon y Molina	1878-1944	Nobyembre 15, 1935-Disyembre 24, 1941	Sergio Osmeña	Komonwelt	Nasyonalista
					Disyembre 24, 1941-Agosto 1, 1944
3.	José P. Laurel		José Paciano Laurel y Garcia	1881-1959	Oktubre 14, 1943-Pebrero 2, 1944	Ramon Avanceña	Ikalawang Republika ng Pilipinas	KALIBAPI
					Pebrero 2, 1944-Agosto 17, 1945	Benigno S. Aquino
4.	Sergio Osmeña		Sergio Osmeña y Suico	1878-1961	Agosto 1, 1944-Marso 28, 1946	bakante	Pinanumbalik na Komonwelt	Nasyonalista
5.	Manuel Roxas		Manuel Acuña Roxas	1892-1948	Marso 28, 1946-Abril 15, 1948	Elpidio Quirino		Liberal
							Ikatlong Republika ng Pilipinas
6.	Elpidio Quirino		Elpidio Rivera Quirino	1890-1956	Abril 17, 1948-Disyembre 20, 1949	bakante
					Disyembre 20, 1949-Disyembre 20, 1953	Fernando Lopez
7.	Ramon Magsaysay		Ramon del Fierro Magsaysay	1907-1957	Disyembre 30, 1953-Marso 17, 1957	Carlos P. Garcia		Nasyonalista
8.	Carlos P. Garcia		Carlos Polistico Garcia	1896-1971	Marso 18, 1957-Disyembre 30, 1957	bakante
					Disyembre 30, 1957-Disyembre 30, 1961	Diosdado Macapagal
9.	Diosdado Macapagal		Diosdado Pangan Macapagal	1910-1997	Disyembre 30, 1961-Disyembre 30, 1965	Emmanuel Pelaez		Liberal
10.	Ferdinand E. Marcos		Ferdinand Emmanuel Edralin Marcos	1917-1989	Disyembre 30, 1965-Enero 17, 1973	Fernando Lopez		Nasyonalista
					Enero 17, 1973-Pebrero 16, 1986	bakante	Ikalawang Diktadurya	Kilusang Bagong Lipunan
					Pebrero 16, 1986-Pebrero 25, 1986	Arturo Tolentino	Ikaapat na Republika ng Pilipinas
11.	Corazon C. Aquino		María Corazón Cojuangco-Aquino	1933-2009	Pebrero 25, 1986-Hunyo 30, 1992	Salvador H. Laurel		Estados Nasyonalistang Demokratikong Organisasyon
							Ikalimang Republika ng Pilipinas
12.	Fidel V. Ramos		Fidel Valdez Ramos	1928-	Hunyo 30, 1992-Hunyo 30, 1998	Joseph Ejercito Estrada		Lakas-Nasyonal Unyon ng Kristiyano Demokrato
13.	Joseph Ejercito Estrada		Jose Marcelo Ejercito	1937-	Hunyo 30, 1998-Enero 20, 2001	Gloria Macapagal-Arroyo		Pwersa ng Masang Pilipino
14.	Gloria Macapagal-Arroyo		Maria Gloria Macapagal-Arroyo	1947-	Enero 20, 2001-Pebrero 7, 2001	bakante		Lakas Kampi CMD
					Pebrero 7, 2001-Hunyo 30, 2004	Teofisto Guingona
					Hunyo 30, 2004-Hunyo 30, 2010	Noli de Castro
15.	Benigno Aquino III		Benigno Simeon Cojuangco Aquino III	1960-	Hunyo 30, 2010-Kasalukuyan	Jejomar Binay		Liberal

Tingnan din

• Pangalawang Pangulo ng Pilipinas

Mga kawing panlabas

• Opisyal na Pahina ng Pangulo ng Pilipinas
• Opisyal na Portal ng Pamahalaan ng Pilipinas
• Opisyal na Websayt ng Pilipinong Republika