Miss World Philippines

Mula sa Wikipedia, ang malayang ensiklopedya
Miss World Philippines
Pagkakabuo2011
TagapagtatagCory Quirino
UriPatimpalak ng kagandahan
Punong tanggapanMaynila
Kinaroroonan
Kasapihip
  • Miss World (2011–kasalukuyan)
  • Miss Eco International (2017–kasalukuyan)
  • Reina Hispanoamericana (2017–kasalukuyan)
  • Miss Eco Teen International (2019–kasalukuyan)
  • Miss Tourism World (2022-kasalukuyan)
Pambansang Direktor
Cory Quirino (2011-2016)
Arnold Vegafria (2017-kasalukuyan)[1]
Mahahalagang tao
Julia Morley
Websitewww.missworldphilippines.com

Ang Miss World Philippines ay isang patimpalak ng kagandahan sa Pilipinas na pumipili ng mga kinatawan ng bansa sa Miss World, isa sa Big Four na pandaigdigang patimpalak ng kagandahan.

Humugot ng inspirasyon ang naturang paligsahan sa sawikaing ginagamit ng Miss World Ltd. na "Beauty with a Purpose" (transliterasyon: "Kagandahang may Layunin"), kaya ang naging tema nito'y "Beauty in Giving" (transliterasyon: "Kagandahan sa Pagbibigay"). Tumutulong ang mga nananalo at kanilang kaniyang korte sa mga gawaing mapagkawang-gawang sumusuporta sa kapakanan at pangangailangan ng mga kabataan, at lumalahok din sila sa mga kilusang umaalalay sa karapatan ng mga kababaihan at kabataan at iba't iba pang adbokasiya.[2]

Ang kasalukuyang may hawak ng titulong Miss World Philippines ay si Gwendolyne Fourniol mula Negros Occidental. Siya ang magiging kinatawan ng Pilipinas sa Miss World 2023 na gaganapin sa India.

Kasaysayan[baguhin | baguhin ang wikitext]

Si Megan Young ay nananatiling tanging Pilipinang nakapag-uwi ng korona ng Miss World noong 2013.

Bago inorganisa ang Miss World Philippines, nasa ilalim ng iba't ibang organisasyon ang pambansang prangkisa ng Miss World sa Pilipinas. Inabot ng labing-anim na taon bago lumahok ang Pilipinas sa Miss World na nagsimula noong 1951. At unang naging kandidata ng Pilipinas ay si Vivien Lee Austria na lumahok sa Miss World 1966. Si Austria na "1966 Intercollegiate Girl"[3] ay pinili ng College Editors Guild of the Philippines upang maging kinatawan ng Pilipinas.[4] Nang sumunod na taon, napili si Margarita Gomez mula sa Top 10 Fashion Models of the Philippines at siya'y tinanghal na Miss Philippines 1967.[5][6]

Miss Republic of the Philippines[baguhin | baguhin ang wikitext]

Noong Oktubre 6, 1968 nakuha ng Beauty World Ltd. ang prangkisa para sa Miss World, at nang taon ding iyon, kinoronahan si Cecilia Amabuyok na Miss Philippines, at nagtapós na 4th runner-up sa ginanap na Miss World 1968. Nang sumunod na taon, nakuha ng Spotlight Promotions na pinamumunuan ni Ferdie Villar ang prangkisa at nagsimulang ganapin ang Miss Republic of the Philippines, kung saan ang nagwawagi'y ang nagiging kandidata ng Pilipinas sa Miss World hanggang 1976.[4][7] Sa panahong ito, nakamit ng Pilipinas ang pinakamataas na puwesto nito sa Miss World—na di-natumbasan sa loob ng halos apat na dekada—nang pumangalawa si Evangeline Pascual, bilang 1st runner-up noong Miss World 1973. Bukod pa rito, nakapasok din sa Top 15 sina Minerva Cagatao noong 1970 at Evangeline Reyes noong 1972.

Mutya ng Pilipinas[baguhin | baguhin ang wikitext]

Inilipat sa Mutya ng Pilipinas ang prangkisa ng Miss World noong 1977, at ang huling nagwagi ng Miss Republic of the Philippines na si Josephine Conde ay kinilala na kauna-unang Mutya ng Pilipinas – World,[4][7] upang maitangi siya sa isa pang nagwawagi sa Mutya ng Pilipinas na lumalaban sa Miss Asia Quest, na siya namang tinawag na Mutya ng Pilipinas – Asia. Sa loob ng labinlimang taon, dalawang ulit lamang na nakapasok sa Top 15 ang Pilipinas sa Miss World, ito'y noong 1982 at 1986.[6]

Binibining Pilipinas[baguhin | baguhin ang wikitext]

Noong 1992, nakuha ng Binibining Pilipinas Charities sa ilalim ni Stella Araneta ang prangkisa ng Miss World, at ang mga naging kandidata ng Pilipinas sa Miss World ay binigyan ng titulong Binibining Pilipinas – World. Ito'y naging isa sa apat na titulong iginawad ng Binibining Pilipinas noong 1992. Nanatili ito sa isa tatlong pangunahing titulo ng Binibining Pilipinas kasabay ng Binibining Pilipinas – Universe at Binibining Pilipinas – International. Labinsiyam na ulit na nagpadala ng mga kandidata ang Binibining Pilipinas sa Miss World mula 1992 hanggang 2010, hanggang magpasiya si Julia Morley na magkaroon ng eksklusibong lisensiya ang Miss World.[8][9] Sa panahong ito, nagwaging 2nd runner-up noong 1993 si Ruffa Gutierrez at nagtapós naman sa Top 5 sina Rafaela Yunon at Karla Bautista noong 2003 at 2004, ayon sa pagkakasunod. Bukod pa rito nakapasok din sa semi-finals ng Miss World sina Caroline Subijano noong 1994, Katherine Manalo noong 2002 at Carlene Aguilar noong 2005.[6]

Mga edisyon[baguhin | baguhin ang wikitext]

Taon Petsa Blg. ng Kandidata Lugar
2011 Setyembre 18 25 Philippine International Convention Center, Pasay
2012 Hunyo 24 25 Manila Hotel Tent City, Maynila
2013 Agosto 18 25 Solaire Resort & Casino, Parañaque
2014 Oktubre 12 26 Mall of Asia Arena, Pasay
2015 Oktubre 18 26 Solaire Resort & Casino, Parañaque
2016 Oktubre 9 30 Resorts World Manila, Pasay

Mga may hawak ng titulo[baguhin | baguhin ang wikitext]

2022-kasalukuyan[baguhin | baguhin ang wikitext]

Taon Mga Titulo Mga Runners-up
Miss World Philippines Miss Supranational Philippines Miss Eco Philippines Reina Hispanoamericana Filipinas Miss Eco Teen Philippines Miss World Philippines Tourism/1st Runner-up Miss World Philippines Charity/2nd Runner-up
2022 Gwendolyne Fourniol Alison Black Ashley Montenegro Ingrid Santamaria Beatriz McLelland Justine Felizarta Cassandra Chan

2021[baguhin | baguhin ang wikitext]

Taon Mga Titulo Mga Runners-up
Miss World Philippines Miss Supranational Philippines Miss Eco Philippines Reina Hispanoamericana Filipinas Miss Multinational Philippines Miss Environment Philippines Miss Philippines Tourism Miss Eco Teen Philippines 1st Runner-up 2nd Runner-up
2021 Tracy Maureen Perez Dindi Pajares Kathleen Paton Emmanuelle Vera Shaila Rebortera Michelle Arceo Trisha Martinez Tatyana Austria Riana Pangindian Janelle Lewis

2019[baguhin | baguhin ang wikitext]

Taon Mga Titulo Mga Runners-up
Miss World Philippines Miss Eco Philippines Reina Hispanoamericana Filipinas Miss Multinational Philippines Miss Philippines Tourism Miss Eco Teen Philippines 1st Runner-up 2nd Runner-up
2019 Michelle Dee Kelley Day Katrina Llegado Isabelle de Leon Glyssa Perez Mary Daena Zaide Resurrecion Shannon Kerver Casie Banks

2017-2018[baguhin | baguhin ang wikitext]

Taon Mga Titulo Mga Runners-up
Miss World Philippines Miss Eco Philippines Reina Hispanoamericana Filipinas Miss Multinational Philippines 1st Runner-up 2nd Runner-up
2018 Katarina Rodriguez Maureen Montagne Alyssa Muhlach Kimilei Mugford Chanel Morales Pearl Hung
2017 Laura Lehmann Cynthia Thomalla Teresita Ssen Marquez Sophia Señoron Glyssa Perez Zara Carbonell

2011-2016[baguhin | baguhin ang wikitext]

Taon Miss World Philippines Mga Runners-up
1st Runner-up 2nd Runner-up 3rd Runner-up 4th Runner-up
2016 Catriona Gray Arienne Louise Calingo Ivanna Pacis Marah Muñoz Sandra Lemonon
2015 Hillarie Parungao Marita Cassandra Naidas Mia Allyson Howell Maria Vanessa Wright Emma Mary Tiglao
2014 Valerie Weigmann Lorraine Kendrickson Nelda Ibe Nicole Kim Donesa Rachel Peters
2013 Megan Young Janicel Lubina Zahra Bianca Saldua Maria Bianca Paz Omarie Linn Osuna
2012 Queenierich Rehman Mary Ann Misa Vanessa Claudine Ammann April Love Jordan Brenna Cassandra Gamboa
2011 Gwendoline Ruais Helen Nicolette Henson Martha Chloe McCulley Maria Bianca Paz Jaysel Arrozal

Tingnan din[baguhin | baguhin ang wikitext]

Mga sanggunian[baguhin | baguhin ang wikitext]

  1. Maling banggit (Hindi tamang <ref> tag; walang binigay na teksto para sa refs na may pangalang vegafria); $2
  2. Esteves, Patricia (Enero 26, 2011). "A separate Miss World-Philippines search" (sa Ingles). The Philippine Star. Nakuha noong Oktubre 6, 2013. {{cite web}}: Italic or bold markup not allowed in: |publisher= (tulong)
  3. "Vivien Lee Austria". Veestarz.com. Inarkibo mula sa ang orihinal noong 2015-08-26. Nakuha noong Setyembre 5, 2015.
  4. 4.0 4.1 4.2 Villar, Ferdie (Oktubre 3, 2013). "Philippines' Megan Young finally brings home the elusive Miss World crown" (sa Ingles). Asian Journal. Nakuha noong Setyembre 5, 2015.
  5. "Maita Gomez". Veestarz.com. Inarkibo mula sa ang orihinal noong 2016-03-15. Nakuha noong Setyembre 5, 2015.
  6. 6.0 6.1 6.2 Burton-Titular, Joyce (Oktubre 1, 2013). "From Vivien to Megan: The PH in Miss World history" (sa Ingles). Rappler. Nakuha noong Setyembre 5, 2015.
  7. 7.0 7.1 "Philippine Delegates to Miss World in the 70's (Miss Republic of the Philippines)". Veestarz.com. Inarkibo mula sa ang orihinal noong 2016-03-08. Nakuha noong Setyembre 5, 2015.
  8. Sibonga, Glen P. (Hunyo 8, 2012). "Cory Quirino explains decision to transfer Miss World Philippines from GMA-7 to TV5". Philippine Entertainment Portal. Inarkibo mula sa ang orihinal noong Marso 15, 2016. Nakuha noong Setyembre 5, 2015.
  9. Esteves, Patricia (Enero 26, 2011). "A separate Miss World-Philippines search" (sa Ingles). The Philippine Star. Nakuha noong Setyembre 5, 2015.