Morpolohiya

Mula sa Tagalog na Wikipedia, ang malayang ensiklopedya

Ang morpolohiya ay isang disiplina ng linggwistika na nag-aaral ng kayarian ng mga salita.

[baguhin] Kayarian ng salita

May apat na kayarian ng mga salita. Ito ang mga sumusunod:

1. payak - salitang-ugat
2. maylapi - salitang-ugat at may panlapi
3. inuulit - kapag ang salitang-ugat ay inuulit
4. tambalang-salita - dalawang magkaibang salitang pinagsama upang makabuo ng bagong kahulugan

[baguhin] Mga halimbawa ng tambalang salita at mga kahulugan nito

1. Tengang-kawali- taong nagbibingi-bingihan
2. Ingat-yaman - tresyurera o tresyurero, tagapag-ingat ng salapi o ari-arian ng isang tao o organisasyon
3. Matapobre - mapagmataas, malupit, mapangmata sa mga mahihirap
4. Patay-gutom - timawa, palaging gutom, matakaw
5. Hampaslupa - mahirap, pobre, pulubi
6. Akyat-bahay - magnanakaw, mang-uumit sa bahay ng iba
7. Boses-palaka - pangit kumanta, sintunado o wala sa tono
8. Ningas-kugon - sinisimulan ang isang Gawain ngunit hindi tinatapos
9. Nakaw-tingin - pag-sulyap sa isang tao na hindi niya nalalaman
10. Agaw-pansin - madaling makakuha ng pansin o atensyon, takaw-pansin, agaw-eksena
11. Sirang-plaka - paulit-ulit ang sinasabi
12. Takip-silim - mag-gagabi, pagitan ng hapon at gabi
13. Bukang-liwayway - mag-uumaga, pagitan ng ng umaga at madaling-araw
14. Madaling-araw - pagitan ng hatinggabi at bukang-liwayway
15. Hatinggabi - eksaktong alas dose ng gabi, pagitan ng gabi at madaling-araw
16. Tanghaling-tapat - eksaktong alas dose ng umaga, pagitan ng umaga at hapon
17. Balat-sibuyas - iyakin, madaling umiyak, mababaw ang luha
18. Lakad-pagong - mabagal maglakad
19. Silid-aklatan - silid kung saan nilalagak ang mga aklat at iba pang babasahin
20. Silid-tulugan - bahagi ng bahay o kuwarto kung saan natutulog ang mga tao
21. Bahay-aliwan - lugar kung saan nagliliwaliw ang mga tao, kadalasan mga lalaki
22. Agaw-buhay - malapit ng mamatay, babawian na ng buhay
23. Bahay-bata - bahagi sa katawan ng babae kung saan nabubuo ang bata, sinapupunan
24. Anak-araw - sobrang maputi, makasisilaw sa puti tulad ng sa araw
25. Pamatay-insekto - gamit na kayang pumatay sa mga peste at insekto at kadalasang ginagamit sa pagtatanim, paghahalaman at sa bahay
26. Matanglawin - matalas ang paningin
27. Biglang-yaman - biglaang pagyaman ng hindi pinagsisikapan ang maturing yaman
28. Likas-yaman - pinagkukunang yaman na nanggagaling sa kalikasan
29. Tubig-alat - tubig na nanggagaling sa dagat o karagatan
30. Tubig-tabang - tubig na nanggagaling sa mga ilog, lawa at ibang maliit na bahagi ng tubig

Ang artikulong ito ay isang usbong na tungkol sa Agham. Makakatulong ka sa Wikipedia sa pagpapalawig nito.