One Piece

One Piece
Unang volume ng One Piece Unang volume ng One Piece, inilabas ng Japan ng Shueisha noong Disyembre 24, 1997
ONE PIECE（ワンピース） (Wan Pīsu)
Genre	Action, Adventure, Comedy-drama
Manga
Tagalikha	Eiichiro Oda
Tagalathala	Shueisha
Ingles na Tagapanihala	Viz Media (USA, CAN, GBR) Gollancz Manga (GBR) Madman Entertainment (AUS, NZL)
Magasin	Weekly Shōnen Jump
Ingles na Magasin	Shonen Jump (USA, CAN)
Orihinal na Pagpapalabas	Agosto 4, 1997 – ipinagpapatuloy
Bolyum	64 (Talaan ng mga bolyum)
Anime
Direktor	Kōnosuke Uda (1999–2006) Munehisa Sakai (2006–2008) Hiroaki Miyamoto (2008–present)
Tagalabas	Yoshihiro Suzuki
Tagasulat	Hirohiko Uesaka Tatsuya Hamazaki
Studyo	Toei Animation
Tagalisensya	Madman Entertainment (AUS, NZL) 4Kids Entertainment (USA , CAN)(2004–2007) Funimation Entertainment (USA, CAN)(2007–present)
Related works
One Piece films One Piece video games

Ang One Piece ay isang seryeng Japanese Shonen Manga at Anime na nilikha ng Hapon na si Eichiro Oda na naging seryal na sa Weekly Shonen Jump mula pa noong Agosto 4,1997. Ang bawat kabanata ay inilalathala sa takobon volumes ni Shueisha, sa una nitong release noong Disyembre 24,1997, at ang ika-60 bolyum ay noong Nobyembre 2010. Pagdaan ng 2010, inanunsyo ng Shueisha na naipagbili na nila ang mahigit sa 200 milyong bolyum ng One Piece sa ngayon; ang ika-60 na volume ay nakapagtala ng bagong record para sa pinakamataas na initial print run sa lahat ng aklat sa Japan sa kasaysayan na may 3.4 milyong kopya. Ito rin ang unang aklat na naibenta ng mahigit 2 milyong kopya sa Opening Week ng Oricon Book Ranking ng Japan.

Hango ang One Piece sa paglalakbay ni Monkey D. Luffy, isang 17 taong gulang na lalaki na nakakain ng sinumpaang prutas na tinatawag na Gomu Gomu no Mi (Sa Pilipinas: Sinumpaang Prutas ng Goma Goma) na naging daan upang ang katawan niya ay humaba at ma-deform na parang Goma, at ang kanyang itinatag na Pirata, Ang Straw Hat Crew. Nilakbay ni Luffy ang karagatan upang mahanap ang pinakatago-tagong at ang pinakamalaking kayamanan na tinawag na One Piece at upang hirangin siya bilang ang susunod na Hari ng mga Pirata.

Sinimulan ang pagpapalabas ng One Piece sa Pilipinas noong 2003 ng GMA Network 7. Nakailan na rin itong pag-uulit ng mga episodes dahil sa pagbaba ng ratings nito sa kalabang Network na ABS-CBN. Ang kasalukuyang episode nito sa Pilipinas ay sa pakikipagsapalaran sa Enies Lobby at sa CP9. At sa kabila ng maraming udlot sa telebisyon, unti-unting tumataas ang ratings ito sa 17% kumpara sa kabilang istasyon na 12-15%.

Buod

Ang kuwento ay hango sa 17 taong gulang na si Monkey D. Luffy na pinukaw ng kanyang idolo noong bata pa sya na si Red Haired Shanks na naglalakbay upang hanapin ang One Piece. Sa paglalakbay ni Luffy, bumuo siya ng isang samahang pirata na tinawag niyang Straw Hat Pirates. Ang grupo ay binubuo nila:

• Pirate Hunter Roronoa Zoro
• Cat Thief Nami(Ang Navigator)
• Sharpshooter Sogeking Usopp (Ang Sniper)
• Black Leg Sanji (Ang Tagapagluto)
• Cotton Candy Lover Chopper (Ang Doctor)
• Nico Robin (Ang Arkeyolohista)
• Cyborg Franky (ang Shipwright)
• Humming Brook (ang musician).

Humarap din sila sa maraming pagsubok sa lahat ng sulok ng mundo. Ang pinakamalaki nilang kalaban ay ang mga Marino na hawak ng Pamahalaang Pandaigdig na naghahanap ng hustisya upang tuldukan ang Ginintuang Yugto ng mga Pirata. Marami ring ibang istorya ang hango sa paglalaban ng Gobyerno ,Pitong Warlord at ng Apat na Emperador, ang apat na pinakamalakas na pirata sa buong mundo.

Matapos ang pagkamatay nila Portgas D. Ace (Ang kapatid ni Luffy na hindi niya kadugo) at ni Whitebeard, ang bawat miyembro ng Strawhats ay sumailalim sa matinding pagsasanay. Matapos ang dalawang taon, nabuo ulit sila sa Sabaody Archipelago at tinuloy ang paglalakbay sa Bagong Daigdig (New World).