Paghahati ng sihay

Mula sa Tagalog na Wikipedia, ang malayang ensiklopedya

Ang paghahati ng sihay ay isang proseso na kung saan nahahati ang sihay, tinatawag na magulang na sihay, sa dalawa o higit pa na mga sihay, tinatawag na mga anak na sihay. Kadalasang maliit na bahagi ng isang mas malaking pagpapaulit-ulit ng sihay (cell cycle) ang paghahati ng sihay. Tinatawag na mitosis ang ganitong uri ng paghahati ng sihay sa mga eukaryote, at nag-iiwan ng isang anak na sihay na may kakayahang maghati muli. Tinatawag na dalawahang paghiwalay (binary fission) ang katumbas na uri ng paghahati ng sihay sa mga prokaryote. Sa isa pang uri ng paghahati ng sihay na mayroon lamang sa mga eukaryote, tinatawag na meiosis, permanenteng nabago ang sihay sa isang punla (gamete) at hindi na maaaring hatiin muli hanggang pagpapabunga (fertilization).

Ang lathalaing ito na tungkol sa Agham ay isang usbong. Makakatulong ka sa Wikipedia sa pagpapalawig nito.