Pandiwa

Ang pandiwa o berbo ay bahagi ng pananalita na nagsasaad ng kilos o galaw. Ito ay tinatawag na verb sa wikang Ingles.

Mga halimbawa:

• Pumunta ako sa tindahan
• Binili ko ang tinapay

Tuon ng pandiwa

Pokus o tuon ng pandiwa ang tawag sa relasyong pansemantika ng pandiwa sa simuno o paksa ng pangungusap. Naipapakita ito sa pamamagitan ng taglay na panlapi ng pandiwa.

1. Tagaganap - ang pandiwa ay nasa pokus sa tagaganap kapag ang paksa ng pangungusap ang tagaganap ng kilos na isinasaad sa pandiwa.
   • Nanguna si Richard Gordon sa pagsulong ng turismo ng bansa.
2. Layon - ang pandiwa ay nasa pokus sa layon kung ang layon ay ang paksa o ang binibigyang-diin sa pangungusap.
   • Ginawa niya ang programang ito para sa ikakauunlad ng ating turismo.
3. Ganapan - ang pandiwa ay nasa pokus sa ganapan kung ang paksa ay ang lugar o ganapan ng kilos.
   • Pinagdarausan ng buwang-buwang eksibit ang Intramuros, Manila.
4. Tagatanggap - ito naman ay tumutuon sa tao o bagay na nakikinabang sa resulta o kilos na isinasaad ng pandiwa.
   • Ipinaghanda niya ng masarap na kakanin ang mga panauhin.
5. Gamit - ito ay tumutukoy sa kasangkapan o bagay na nakikinabang sa resulta ng kilos o pandiwa na siyang paksa ng pangungusap.
   • Ipinamili niya ang pera para sa eksibit.
6. Sanhi
   o Kosatib
   

1. REDIRECT '''Pangalan ng puntiryang pahina'''''''''Makapal na panitik''''''''Makapal na panitik''''''Nakapahilis na panitik''''''''''

- ang pandiwa ay nakapokus sa sanhi kung ang paksa ay nagpapahayag ng dahilan o sanhi ng kilos. 

1. • Ikinatuwa ng Pangulo ang katagumpayan ng programang WOW.
2. Direksyunal - pinagtutuunan ng pandiwa ang direksyon o tinutungo ng kilos.
   • Pasyalan natin ang WOW sa Intramuros.

Ito ay ang relasyon ng pandiwa sa simuno.

• Aktor. Nagtuturo na ang tagaganap o aktor ang siyang simuno ng pangungusap
  • Nagsayaw ng limbo rock ang mga kalahok sa paligsahan sa programang Eat Bulaga.
• Layon. Ang paksa ng pangungusap ay ang layon.
  • Ang basura ay ipinatapon niya sa basurahan.
• Ganapan. Ang lugar o pook ang ganapan ng kilos.
  • Ang bakanteng lote ay tinataniman nila ng gulay.
• Tagatanggap. Ang simuno ang pinaglalaanan ng kilos.
  • Ipagsasalok mo ng suka ang bisita para inumin nila..
• Gamit. Ang kasangkapan o bagay na ginagamit ang gagawa ng kilos.
  • Ang abaka ay ipantatali niya sa duyan.
• Sanhi. Ang paksa ay nagpapahayag ng dahilan o sanhi.
  • Ikinagagalak niya ang pagtanggap sa kanyang pag-ibig.
• Direksyon. Ang paksa ay nagsasaad ng direksyon ng kilos ng pandiwa.
  • Ang Chocolate Hills ay pinuntahan nila.